சினிமா செய்திகள்

படமாகும் இஸ்ரோ விஞ்ஞானி வாழ்க்கை: நம்பி நாராயணன் வேடத்தில் மாதவன் + "||" + Life is a scientist in ISRO: Madhavan in the role of Nambi Narayan

படமாகும் இஸ்ரோ விஞ்ஞானி வாழ்க்கை: நம்பி நாராயணன் வேடத்தில் மாதவன்

படமாகும் இஸ்ரோ விஞ்ஞானி வாழ்க்கை: நம்பி நாராயணன் வேடத்தில் மாதவன்
படமாகும் இஸ்ரோ விஞ்ஞானி வாழ்க்கையில் நம்பி நாராயணன் வேடத்தில் மாதவன் நடிக்க உள்ளார்.

திரவ எரிபொருளை பயன்படுத்தி ராக்கெட்டை வடிவமைத்த குழுவில் இடம்பெற்ற பெருமைக்குரியவரான இஸ்ரோவின் முன்னாள் விஞ்ஞானி நம்பி நாராயணன் பணத்துக்காக ராக்கெட் ரகசியங்களை வெளிநாட்டுக்கு விற்றதாக 1994-ல் கைது செய்யப்பட்டார். போலீஸ் விசாரணையில் அவர் சித்ரவதை செய்யப்பட்டதாக புகார்கள் எழுந்தன.

பின்னர் இந்த வழக்கு சி.பி.ஐ.க்கு மாற்றப்பட்டு விசாரணையில் நம்பி நாராயணன் குற்றம் செய்யவில்லை என்று நிரூபிக்கப்பட்டு விடுதலை செய்யப்பட்டார். 2001-ம் ஆண்டு பணியில் இருந்து ஓய்வு பெற்றார்.

பொய் வழக்கில் தன்னை சிக்கவைத்து அவமானப்படுத்திய அதிகாரிகள் மற்றும் போலீசார் மீது நடவடிக்கை எடுக்க வற்புறுத்தி நம்பி நாராயணன் வழக்கு தொடர்ந்ததில் அவருக்கு ரூ.50 லட்சம் நஷ்ட ஈடு வழங்க சுப்ரீம் கோர்ட்டு உத்தரவிட்டு உள்ளது. அவர் மீது சட்டவிரோதமாக தொடரப்பட்ட வழக்குகள் குறித்து விசாரிக்க விசாரணை குழுவும் அமைக்கப்பட்டு உள்ளது.

இந்த நிலையில் நம்பி நாராயணன் வாழ்க்கை சினிமா படமாக தயாராகிறது. அவரது இளம்வயது வாழ்க்கை, இஸ்ரோ பணியில் நிகழ்த்திய சாதனைகள், பொய் வழக்கில் சிக்க வைக்க நடந்த வியூகங்கள், கைது நடவடிக்கைகள் உள்ளிட்டவை படத்தில் இடம்பெறுகிறது. இந்த படத்தில் நம்பி நாராயணன் வேடத்தில் மாதவன் நடிக்கிறார். மூன்றுவிதமான தோற்றங்களில் அவர் வருகிறார்.

தமிழ், மலையாளம், தெலுங்கு மொழிகளில் இந்த படம் தயாராகிறது. நடிகரும், இயக்குனருமான ஆனந்த மகாதேவன் டைரக்டு செய்கிறார். இவர் கமல்ஹாசனின் விஸ்வரூபம்-2, பாபநாசம் படங்களில் நடித்தவர்.


தொடர்புடைய செய்திகள்

1. ‘தி வில்லன்’ படம் வெற்றி பெறுவதற்காக ரசிகர்கள் நூதன வேண்டுதல் ஆடுகளை வெட்டி ரத்தத்தை பேனர்களில் தெளித்தனர்
‘தி வில்லன்‘ படம் வெற்றி பெறுவதற்காக நடிகர் சுதீப்பின் ரசிகர்கள் நூதன முறையில் வேண்டுதல் நடத்தினர். அதாவது ஆடுகளை வெட்டி அதன் ரத்தத்தை சுதீப்பின் பேனர்களில் தெளித்தனர்.
2. பொங்கலுக்கு அஜித்குமார் படம்
பொங்கலுக்கு அஜித்குமார் படம் வெளியாக உள்ளது.
3. வித்தியாசமான தோற்றத்தில் யோகிபாபு
கூர்கா படத்தில் நகைச்சுவை நடிகர் யோகிபாபு வித்தியாசமான தோற்றத்தில் நடிக்கிறார்.
4. கோபாலபுரம் இல்லத்தில் கருணாநிதியின் படத்திற்கு மு.க.ஸ்டாலின் மரியாதை
கோபாலபுரம் இல்லத்தில் கருணாநிதியின் படத்திற்கு மு.க.ஸ்டாலின் மரியாதை செலுத்தினார். #MKStalin
5. டைரக்டர்கள் பாரதிராஜா, விஜய் ; ஜெயலலிதா வாழ்க்கையை படமாக்க எதிர்ப்பு
மறைந்த முதல்–அமைச்சர் ஜெயலலிதா வாழ்க்கை வரலாறை படமாக்குவதில் 3 டைரக்டர்கள் இடையே போட்டா போட்டி ஏற்பட்டுள்ளது.