சினிமா செய்திகள்

சர்ச்சையில் சிக்கிய ஷேன் நிகம்: விக்ரம் படத்தில் இருந்து நீக்கம் + "||" + Shane Nigam caught in controversy: Vikram removed from film

சர்ச்சையில் சிக்கிய ஷேன் நிகம்: விக்ரம் படத்தில் இருந்து நீக்கம்

சர்ச்சையில் சிக்கிய ஷேன் நிகம்: விக்ரம் படத்தில் இருந்து நீக்கம்
நடிகர் ஷேன் நிகம் சர்ச்சையில் சிக்கியதால், விக்ரம் படத்தில் இருந்து நீக்கப்பட்டார்.

மலையாள இளம் நடிகர் ஷேன் நிகம். இவர் குர்பானி, வெயில் ஆகிய மலையாள படங்களில் நடித்து வந்தார். வெயில் படத்தில் ஷேன் நிகமுக்கு தலைமுடியை நீளமாக வளர்த்து நடிக்கும் கதாபாத்திரம். படப்பிடிப்பு முடியும் வரை தலைமுடியை வெட்ட கூடாது என்று இயக்குனர் சரத் கூறியிருந்தார்.

அதை மீறி படப்பிடிப்பு முடியும் முன்பே தலைமுடியை வெட்டி தோற்றத்தையும் மாற்றியதால் அதிர்ச்சியான தயாரிப்பாளர் ஜோபி ஜார்ஜ் மலையாள தயாரிப்பாளர் சங்கத்தில் புகார் செய்தார். இதையடுத்து அவர் நடித்த வெயில், குர்பானி படங்கள் கைவிடப்படுவதாக தயாரிப்பாளர் சங்கம் அறிவித்தது. புதிய படங்களில் அவரை ஒப்பந்தம் செய்யவும் தடை விதித்தது.

இந்த நிலையில் தமிழில் விக்ரம் நடிக்கும் கோப்ரா படத்தில் நடிக்க ஷேன் நிகமை ஒப்பந்தம் செய்து இருந்தனர். தமிழ் படத்திலும் அவரை நடிக்க அனுமதிக்க கூடாது என்று தமிழ் திரைப்பட தயாரிப்பாளர் சங்கத்துக்கு மலையாள தயாரிப்பாளர் சங்கம் கடிதம் எழுதியது. இதை ஏற்று விக்ரமின் கோப்ரா படத்தில் இருந்து ஷேன் நிகம் நீக்கப்பட்டார்.

அவருக்கு பதிலாக விக்ரம் படத்தில் நடிக்க மலையாள இளம் நடிகர் சார்ஜினோ காலித் ஒப்பந்தம் செய்யப்பட்டு உள்ளார். இதன் படப்பிடிப்பில் சார்ஜினோ காலித் தற்போது பங்கேற்று நடித்து வருகிறார்.


தொடர்புடைய செய்திகள்

1. ‘கோப்ரா’ படத்தில் 20 விதமான தோற்றங்களில், விக்ரம்!
‘கோப்ரா’ படத்தில் விக்ரம் 20 விதமான தோற்றங்களில் தோன்றுகிறார்.
2. கொரோனா பற்றிய படம்!
உலகையே பயமுறுத்தும் கொரோனா வைரஸ் பற்றிய படம், ‘கொரோனா’ என்ற பெயரிலேயே படமாகி வருகிறது.
3. இணைய தளத்தில் ஜேம்ஸ் பாண்ட் படம் கதை கசிந்தது
இணைய தளத்தில் ஜேம்ஸ் பாண்ட் படம் கதை கசிந்துள்ளது.
4. அயோத்தி வழக்கை படமாக்கும் கங்கனா
நடிகை கங்கனா ரணாவத் அயோத்தி வழக்கை படம் எடுக்க உள்ளார்.
5. இணைய தளத்தில் விஜய் சேதுபதி படம்?
இணைய தளத்தில் நடிகர் விஜய் சேதுபதியின் படம் வெளியாகிறதா என்பது குறித்து தகவல் வெளியாகி உள்ளது.