விஜய்யின் ‘மாஸ்டர்’ படம் ஓ.டி.டி.யில் வெளியாகுமா? - டைரக்டர் லோகேஷ் கனகராஜ் விளக்கம்

லோகேஷ் கனகராஜ் இயக்கத்தில் விஜய் நடித்துள்ள மாஸ்டர் படம் கொரோனா பரவலுக்கு முன்பே முடிவடைந்து ஊரடங்கில் தியேட்டர்கள் மூடப்பட்டதால் திரைக்கு வராமல் உள்ளது. தியேட்டர்களை திறக்க தொடர்ந்து தாமதம் ஏற்பட்டு வருவதால் பல படங்கள் இணைய தளமான ஓ.டி.டியில் வெளியாகி வருகின்றன. லோகேஷ் கனகராஜ் இயக்கத்தில் விஜய் நடித்துள்ள மாஸ்டர் படத்தையும் ஓ.டி.டியில் வெளியிட முயற்சி நடப்பதாக தகவல்கள் பரவின.

இதுகுறித்து கோவையில் நடந்த விஜய் ரசிகர் மன்ற நிகழ்ச்சியில் பங்கேற்க வந்த இயக்குனர் லோகேஷ் கனகராஜிடம் கேள்வி எழுப்பியபோது அவர் கூறியதாவது:-

“மாஸ்டர் படம் ஓ.டி.டியில் வெளியாக வாய்ப்பு இல்லை. தியேட்டரில்தான் ரிலீசாகும். படம் எப்போது திரைக்கு வரும் என்பது முடிவாகவில்லை. தியேட்டர்கள் இன்னும் திறக்கப்படவில்லை. அரசிடம் பேசி வருகிறார்கள். அதில் முடிவு ஏற்பட்டு திரையரங்குகள் எப்போது திறக்கப்படுகிறதோ அப்போது மாஸ்டர் படத்தை வெளியிடும் தேதி குறித்த அறிவிப்பு வரும். மாஸ்டர் படம் வெளியாகும் தேதியை ரசிகர்களைபோல் நானும் ஆர்வமாக எதிர்பார்த்து காத்திருக்கிறேன். சில மாதங்களுக்கு முன்பே படத்தை ரிலீஸ் செய்ய திட்டமிட்டோம். ஆனால் எதிர்பாராத சூழ்நிலையால் நடக்கவில்லை”

இவ்வாறு அவர் கூறினார்.