வீடு மாறிய கமல்ஹாசன்

நடிகர் கமல்ஹாசன் ஏற்கனவே சென்னை தேனாம்பேட்டை எல்டாம்ஸ் சாலையில் உள்ள தனது பாரம்பரிய வீட்டில் வசித்து வந்தார். பின்னர் அந்த வீட்டை கட்சி அலுவலகமாக மாற்றிவிட்டு சாந்தோம் எம்.ஆர்.சி. நகரில் உள்ள ஓட்டலில் ஜிம், சமையல் அறை வசதிகள் கொண்ட பெரிய அறையை வாடகைக்கு எடுத்து தங்கினார்.

தற்போது அந்த அறையில் இருந்து முக்கிய பிரமுகர்கள் வசிக்கும் சென்னை போட் கிளப் பகுதிக்கு குடிபெயர்ந்துள்ளார். அங்குள்ள அடுக்குமாடி குடியிருப்பில் உள்ள வீட்டில் கமல்ஹாசன் குடியேறி இருக்கிறார்.

கமல் தற்போது லோகேஷ் கனகராஜ் இயக்கும் விக்ரம் படத்தில் நடித்து வருகிறார். இதன் படப்பிடிப்பு காரைக்குடி பகுதியில் நடந்து வருகிறது. இதில் விஜய்சேதுபதி, பகத் பாசில் வில்லனாக வருகிறார்கள். இந்த படத்தை முடித்து விட்டு இந்தியன் 2 படத்தில் நடிக்க உள்ளார். விரைவில் தொலைக்காட்சியில் ஒளிபரப்பாகும் பிக்பாஸ் நிகழ்ச்சியிலும் பங்கேற்க உள்ளார்.