நடிகையான பாடகி

பிரபல கிராமிய இசைப் பாடகி ராஜலட்சுமி செந்தில். இவர் சினிமாவில் பாடிய `சின்ன மச்சான்', `சாமி என் சாமி' ஆகிய பாடல்கள் பட்டிதொட்டியெங்கும் ஒலித்தன. ராஜலட்சுமி தற்போது `லைசென்ஸ்' என்ற படம் மூலம் நடிகையாகி உள்ளார். தந்தை, மகள் பாசப் பின்னணியில் பெண்களின் பாதுகாப்பு குறித்து பேசும் படமாக தயாராகிறது. இந்தப் படத்தை கணபதி பாலமுருகன் எழுதி இயக்குகிறார். இவர் `எனக்கு வேறு எங்கும் கிளைகள் கிடையாது' என்ற படத்தை இயக்கியவர். இதில் முக்கிய கதாபாத்திரத்தில் ராதாரவி நடிக்கிறார். முதன்மை கதாபாத்திரத்தில் விஜய் பாரத் அறிமுகமாகிறார். மதுரை ரிஷி, அதிதி பாலமுருகன், கிருஷ்ணா உள்பட பலர் நடிக்கின்றனர். இளஞ்செழியன் தயாரிக் கிறார்.