மாவட்ட செய்திகள்

தஞ்சையில் மத்திய மந்திரி பொன்.ராதாகிருஷ்ணனுடன், வைத்திலிங்கம் எம்.பி. திடீர் சந்திப்பு + "||" + Tanjore MP with Thanjani Union Minister Ponnarakrishnan Sudden meeting

தஞ்சையில் மத்திய மந்திரி பொன்.ராதாகிருஷ்ணனுடன், வைத்திலிங்கம் எம்.பி. திடீர் சந்திப்பு

தஞ்சையில் மத்திய மந்திரி பொன்.ராதாகிருஷ்ணனுடன், வைத்திலிங்கம் எம்.பி. திடீர் சந்திப்பு
தஞ்சையில் தங்கி இருந்த மத்திய மந்திரி பொன்.ராதாகிருஷ்ணனை, அ.தி.மு.க. எம்.பி. வைத்திலிங்கம் நேற்று திடீரென சந்தித்து பேசினார்.
தஞ்சாவூர்,

பாரதீய ஜனதா கட்சி சார்பில் ‘உழவனின் உரிமை மீட்பு சைக்கிள் பேரணி’ நடைபெற்று வருகிறது. இந்த பேரணியை நேற்று முன்தினம் தஞ்சை மாவட்டம் கல்லணையில் இருந்து மத்திய மந்திரி பொன்.ராதாகிருஷ்ணன் தொடங்கி வைத்தார். பின்னர் அவர் திருவையாறில் நடந்த பொதுக்கூட்டத்திலும் கலந்து கொண்டார்.

நேற்று காலை அவர் தஞ்சையில் உள்ள சுற்றுலா மாளிகையில் தங்கி இருந்தார். அப்போது அருகில் உள்ள மற்றொரு சுற்றுலா மாளிகை கட்டிடத்தில் அ.தி.மு.க. துணை ஒருங்கிணைப்பாளர் வைத்திலிங்கம் எம்.பி. தங்கி இருந்தார். அவர் பொன்.ராதாகிருஷ்ணன் தங்கி இருந்த தகவல் கிடைத்ததும் உடனடியாக மத்திய மந்திரியை சந்தித்து பேசினார். 30 நிமிடத்துக்கும் மேலாக இந்த சந்திப்பு நடந்தது.

பின்னர் வெளியே வந்த வைத்திலிங்கம் எம்.பி. நிருபர்களிடம் கூறுகையில், “மத்திய மந்திரி பொன்.ராதாகிருஷ்ணன் தஞ்சைக்கு வந்துள்ளதால் அவரை மரியாதை நிமித்தமாக சந்தித்து பேசினேன்”என்றார். அப்போது மாவட்ட மாணவரணி செயலாளர் காந்தி, முன்னாள் மாவட்ட செயலாளர் துரை.திருஞானம், முன்னாள் எம்.எல்.ஏ. எம்.ஜி.எம்.சுப்பிரமணியன், கோட்டை பகுதி செயலாளர் புண்ணியமூர்த்தி, ஒன்றிய செயலாளர் துரை.வீரணன், முன்னாள் தொகுதி இணை செயலாளர் பாலை.ரவி மற்றும் நிர்வாகிகள் உடன் இருந்தனர். 


தொடர்புடைய செய்திகள்

1. விஜய்மல்லையா- அருண்ஜெட்லி சந்திப்பு: விசாரணைக்கு உத்தரவிட வேண்டும் - ராகுல்காந்தி
விஜய்மல்லையா- அருண்ஜெட்லி சந்திப்பு தொடர்பாக பிரதமர் மோடி விசாரணைக்கு உத்தரவிட வேண்டும் என ராகுல்காந்தி தெரிவித்துள்ளார். #RahulGandhi
2. கேரள அனைத்துக்கட்சி எம்.பி.க்களை சந்திக்க பிரதமர் மோடி மறுப்பு - காங்கிரஸ் குற்றச்சாட்டு
கேரள அனைத்துக்கட்சி எம்.பி.க்களை சந்திக்க பிரதமர் மோடி மறுப்பு தெரிவித்துள்ளதாக காங்கிரஸ் குற்றச்சாட்டியுள்ளது.
3. கரூரில் சாலையில் திடீரென ஏற்பட்ட பள்ளத்தால் பரபரப்பு
கரூரில் சாலையில் திடீரென பெரிய பள்ளம் ஏற்பட்டதால் பரபரப்பு ஏற்பட்டது.
4. பிரதமர் மோடி - சீன அதிபர் ஜின்பிங் சந்திப்பு
இந்தியா - சீனா இடையே சிறப்பான உறவை நீடிக்க பிரதமர் மோடியும், அதிபர் ஜின்பிங்கும் ஒப்புக்கொண்டனர்.
5. சேலம், தர்மபுரி, ஈரோடு மாவட்டங்களில் ‘திடீர்’ நிலநடுக்கம் ரிக்டர் அளவில் 3.3 ஆக பதிவு
சேலம், தர்மபுரி, ஈரோடு மாவட்டங்களில் நேற்று திடீரென நிலநடுக்கம் ஏற்பட்டது. ரிக்டர் அளவில் 3.3 ஆக பதிவாகி இருந்தது. இதனால் மக்கள் பீதியில் வீடுகளில் இருந்து வெளியே ஓடிவந்தனர்.