மாவட்ட செய்திகள்

மதுபாட்டிலால் குத்தி வாலிபர் படுகொலை - தனியார் நிறுவன ஊழியர் கைது + "||" + Wine bottle Stabbed murder of a young man - Private company employee arrested

மதுபாட்டிலால் குத்தி வாலிபர் படுகொலை - தனியார் நிறுவன ஊழியர் கைது

மதுபாட்டிலால் குத்தி வாலிபர் படுகொலை - தனியார் நிறுவன ஊழியர் கைது
வலங்கைமான் அருகே மதுபாட்டிலால் குத்தி வாலிபர் படுகொலை செய்யப்பட்டார். இது தொடர்பாக தனியார் நிறுவன ஊழியரை போலீசார் கைது செய்தனர்.
வலங்கைமான்,

திருவாரூர் மாவட்டம் வலங்கைமான் அருகே செம்மங்குடி மேலத்தெருவை சேர்ந்தவர் அயோத்திராமன். இவருடைய மகன் கோகுல் (வயது 21). இவர் சென்னை மதுரவாயல் பகுதியில் உள்ள தனியார் பிளாஸ்டிக் நிறுவனத்தில் விற்பனை பிரதிநிதியாக வேலை பார்த்து வந்தார்.


கோகுல், தீபாவளிக்கு தனது சொந்த ஊருக்கு வந்திருந்தார். இவருடைய பக்கத்து வீட்டில் வசித்து வருபவர் பன்னீர்செல்வம் மகன் கணேசன்(35). இவர், கோகுலுக்கு சித்தப்பா உறவு முறை ஆவார். தீபாவளிக்கு முன்னதாக இரண்டு குடும்பத்திற்கும் இடையே வாய்த்தகராறு ஏற்பட்டு உறவினர்களால் சமரசம் செய்து வைக்கப்பட்டது.

நேற்று காலை மீண்டும் இரண்டு குடும்பத்தினருக்கும் இடையே வாய்த்தகராறு ஏற்பட்டது. இந்த வாய்த்தகராறு முற்றியதால் கோகுல் மதுபாட்டிலால் கணேசனின் வயிற்று பகுதியில் குத்தினார். இதில் படுகாயம் அடைந்த கணேசன் ரத்த வெள்ளத்தில் அலறி துடித்து சிறிது தூரம் ஓடினார்.

பின்னர் உயிருக்கு போராடி மயங்கி விழுந்த அவரை உறவினர்கள் மீட்டு 108 ஆம்புலன்ஸ் மூலம் கும்பகோணம் அரசு மருத்துவமனைக்கு சிகிச்சைக்காக கொண்டு சென்றனர். அங்கு அவரை டாக்டர்கள் பரிசோதனை செய்து பார்த்தனர். அப்போது அவர் இறந்து விட்டது தெரிய வந்தது.

இதுகுறித்து தகவல் அறிந்த நன்னிலம் துணை போலீஸ் சூப்பிரண்டு அருண், வலங்கைமான் இன்ஸ்பெக்டர் கருணாநிதி ஆகியோர் சம்பவ இடத்திற்கு வந்து விசாரணை நடத்தினர். இதுகுறித்து வலங்கைமான் போலீசார் வழக்குப்பதிவு செய்து விசாரணை நடத்தினர். இந்த நிலையில் கோகுல், வலங்கைமான் போலீசில் ஆஜர் ஆனார். இதையடுத்து போலீசார் அவரை கைது செய்து விசாரணை நடத்தி வருகின்றனர்.




தொடர்புடைய செய்திகள்

1. மனைவியை கொலை செய்து ஆற்றில் பிணம் வீச்சு ராணுவ வீரர், பெற்றோருடன் கைது
ஆண்டிப்பட்டி அருகே மனைவியை கொலை செய்து ஆற்றில் பிணத்தை வீசி சென்ற ராணுவ வீரர் உள்பட 3 பேரை போலீசார் கைது செய்தனர்.
2. பழனியில் பரபரப்பு: தலையில் கல்லைப்போட்டு வாலிபர் கொலை
பழனியில், தலையில் கல்லைப்போட்டு வாலிபர் படுகொலை செய்யப்பட்டார்.
3. சென்னை அண்ணாநகரில் விபத்து: படுகாயம் அடைந்த வாலிபர் சிகிச்சை பலனின்றி சாவு
சென்னை அண்ணாநகரில் ஏற்பட்ட விபத்தில் படுகாயம் அடைந்த வாலிபர் சிகிச்சை பலனின்றி உயிரிழந்தார். அவரது உடலை வாங்க மறுத்து உறவினர்கள் மருத்துவமனையில் ஆர்ப்பாட்டத்தில் ஈடுபட்டனர்.
5. வாடகைக்கு வீடு கேட்பதுபோல் நடித்து 6 பவுன் நகைக்காக விஷம் கொடுத்து பெண் கொலை
திருவாரூர் அருகே வாடகைக்கு வீடு கேட்பது போல் நடித்து வீட்டின் உரிமையாளருக்கும், அவரது மனைவிக்கும் விஷம் கொடுத்து 6 பவுன் நகையை திருடி சென்ற கணவன்-மனைவியை போலீசார் தேடி வருகின்றனர். விஷம் அருந்திய தம்பதியரில் மனைவி சிகிச்சை பலனின்றி உயிரிழந்தார். கணவர் உயிருக்கு ஆபத்தான நிலையில் சிகிச்சை பெற்று வருகிறார்.