மாவட்ட செய்திகள்

சாலை மறியலில் ஈடுபட்ட விவசாயிகள் 45 பேர் கைது + "||" + 45 people arrested in the road blockade

சாலை மறியலில் ஈடுபட்ட விவசாயிகள் 45 பேர் கைது

சாலை மறியலில் ஈடுபட்ட விவசாயிகள் 45 பேர் கைது
ஜெயங்கொண்டம் காந்தி பூங்காவிலிருந்து ஊர்வலமாக புறப்பட்டு, நான்கு ரோடு சந்திப்பு வந்து, பின்னர் தபால் நிலையம் அருகே சாலையில் அமர்ந்து மறியலில் ஈடுபட்டனர்.
ஜெயங்கொண்டம்,

தனியார் கம்பெனிகளுக்கு ஆதரவாகவும், விவசாயிகளுக்கு விரோதமாகவும் செயல்படும் மத்திய-மாநில அரசுகளை கண்டித்தும், நூறு நாள் வேலை, வீட்டுமனை பட்டா வழங்க கோரியும், ஜெயங்கொண்டம் அனல் மின் திட்டத்தை உடனே தொடங்க வலியுறுத்தியும், இல்லையென்றால் அதற்காக கையகப்படுத்தப்பட்ட விவசாய நிலங்களை உரியவர்களுக்கு திருப்பி வழங்க வேண்டும், விவசாயிகளின் வங்கி கடன்களை ரத்து செய்ய வேண்டும் என்பன உள்ளிட்ட பல்வேறு கோரிக்கைகளை வலியுறுத்தி அரியலூர் மாவட்ட தமிழ்நாடு விவசாயிகள் சங்கம், அகில இந்திய விவசாய தொழிலாளர் சங்கத்தினர் சார்பில் ஜெயங்கொண்டத்தில் மறியல் போராட்டம் நடத்துவதாக அறிவிக்கப்பட்டிருந்தது. அதன்படி, நேற்று அந்த சங்கங்களை சேர்ந்தவர்கள் ஜெயங்கொண்டம் காந்தி பூங்காவிலிருந்து ஊர்வலமாக புறப்பட்டு, நான்கு ரோடு சந்திப்பு வந்து, பின்னர் தபால் நிலையம் அருகே சாலையில் அமர்ந்து மறியலில் ஈடுபட்டனர். போராட்டத்திற்கு விவசாய சங்க மாவட்ட செயலாளர் மகாராஜன் தலைமை தாங்கினார். மாவட்ட பொருளாளர் உத்திராபதி, ஒன்றிய செயலாளர் தியாகராஜன் ஆகியோர் முன்னிலை வகித்தனர். மார்க்சிஸ்ட் கம்யூனிஸ்டு கட்சியின் மாவட்ட செயலாளர் மணிவேல் போராட்டத்தை தொடங்கி வைத்து பேசினார். இதையடுத்து மறியலில் ஈடுபட்ட பெண்கள் உள்பட 45 பேரை போலீசார் கைது செய்தனர். பின்னர் அவர்கள் மாலையில் விடுவிக்கப்பட்டனர். 

தொடர்புடைய செய்திகள்

1. கோவையில் ஐ.எஸ். அமைப்புடன் தொடர்புடைய மற்ற 3 பேர் கைது
கோவையில் ஐ.எஸ். அமைப்புடன் தொடர்புடைய மற்ற 3 பேர் கைது செய்யப்பட்டு உள்ளனர்.
2. விருதுநகர் அருகே பயங்கரம்: மனைவியின் கள்ளக்காதலன் கொடூரக் கொலை, மதுவிருந்துக்கு அழைத்து தீர்த்துக்கட்டிய தொழிலாளி கைது
மதுவிருந்துக்கு அழைத்து மனைவியின் கள்ளக்காதலனை கொடூரமாக கொன்ற கட்டிட தொழிலாளி கைது செய்யப்பட்டார்.
3. சவுதிஅரேபியாவில் இருந்து சென்னைக்கு ‘ஸ்பீக்கர்’ பெட்டிக்குள் மறைத்து ரூ.38 லட்சம் தங்கம் கடத்தல்; ஆந்திர வாலிபர் கைது
சவுதி அரேபியாவில் இருந்து சென்னைக்கு ‘ஸ்பீக்கர்’ பெட்டிக்குள் மறைத்து கடத்தி வந்த ரூ.38 லட்சம் மதிப்புள்ள தங்க கட்டிகளை சுங்க இலாகா அதிகாரிகள் பறிமுதல் செய்தனர். இது தொடர்பாக ஆந்திர வாலிபர் கைது செய்யப்பட்டார்.
4. முகிலனை கண்டுபிடிக்கக்கோரி கலெக்டர் அலுவலகத்தில் உள்ளிருப்பு போராட்டம் வாள்சண்டை வீரர் கைது
திருவட்டார் அருகே உள்ள தோட்டவாரம் ஏருக்கலாம்விளையை சேர்ந்தவர் டேவிட்ராஜ். வாள்சண்டை வீரரான இவர், நாகர்கோவிலில் கலெக்டர் அலுவலகத்தில் நேற்று ஒரு மனு கொடுத்தார்.
5. செம்பனார்கோவில் அருகே சாலை அமைக்கக்கோரி மறியலில் ஈடுபட்ட 12 பேர் கைது
செம்பனார் கோவில் அருகே சாலை அமைக்கக்கோரி பொதுமக்கள் மறியலில் ஈடுபட்டனர். இது தொடர்பாக 12 பேரை போலீசார் கைது செய்தனர். மேலும் அங்கிருந்த சுவர் இடிக்கப்பட்டதால் அப்பகுதியில் பரபரப்பு ஏற்பட்டது.