மாவட்ட செய்திகள்

பவானிசாகர் அருகே பஸ்சை 3 யானைகள் வழிமறித்ததால் பரபரப்பு + "||" + 3 elephants are thrown out of the Bus way

பவானிசாகர் அருகே பஸ்சை 3 யானைகள் வழிமறித்ததால் பரபரப்பு

பவானிசாகர் அருகே பஸ்சை 3 யானைகள் வழிமறித்ததால் பரபரப்பு
பவானிசாகர் அருகே ரோட்டில் சென்ற பஸ்சை 3 யானைகள் வழிமறித்ததால் பரபரப்பு ஏற்பட்டது.

ஈரோடு,

ஈரோடு மாவட்டம் பவானிசாகரை அடுத்த அடர்ந்த வனப்பகுதியில் உள்ள மலைக்கிராமம் தெங்குமரஹடா. இந்த கிராமத்துக்கு பவானிசாகரில் இருந்து காராச்சிக்கொரை வழியாக அடர்ந்த வனப்பகுதியில் 25 கிலோ மீட்டர் தூரம் பயணிக்க வேண்டும். இந்த கிராமத்துக்கு 2 அரசு பஸ்கள் இயக்கப்படுகின்றன.

இந்த நிலையில் நேற்று முன்தினம் மாலை 6 மணி அளவில் அரசு பஸ் ஒன்று பவானிசாகரில் இருந்து புறப்பட்டது. இந்த பஸ் காராச்சிக்கொரை வன சோதனை சாவடியை கடந்து அடர்ந்த வனப்பகுதியில் தெங்குமரஹடாவை நோக்கி சென்று கொண்டிருந்தது. அப்போது ரோட்டின் நடுவில் 3 யானைகள் நின்று கொண்டிருந்தன.

யானைகளை கண்டதும் டிரைவர் அப்படியே பஸ்சை நிறுத்தினார். அப்போது திடீரென அந்த 3 யானைகளும் பிளிறியபடி பஸ்சை நோக்கி ஓடிவந்தன. இதனால் பஸ்சில் இருந்த பயணிகள் அலறினர். ஆனாலும் அந்த 3 யானைகளும் பஸ்சை வழிமறித்தபடி அங்கேயே நின்று கொண்டிருந்தன. பின்னர் சிறிது நேரம் கழித்து அந்த யானைகள் அங்கிருந்து வனப்பகுதிக்குள் சென்றுவிட்டன. யானைகள் வனப்பகுதிக்குள் சென்றதும் பஸ்சில் இருந்த பயணிகள் நிம்மதி பெருமூச்சு விட்டனர். இதைத்தொடர்ந்து அந்த பஸ் அங்கிருந்து தெங்குமரஹடாவுக்கு சென்றது. நடுரோட்டில் பஸ்சை யானைகள் வழிமறித்த சம்பவம் அந்த பகுதியில் பெரும் பரபரப்பை ஏற்படுத்தி உள்ளது.

இதுகுறித்து வனத்துறையினர் கூறுகையில், ‘அடர்ந்த வனப்பகுதியில் உள்ள ரோட்டில் வாகனங்களில் செல்பவர்கள் மிகவும் கவனத்துடன் செல்ல வேண்டும். ரோட்டை கடக்கும் வனவிலங்குகளுக்கு எந்தவித தொந்தரவும் கொடுக்கக்கூடாது. இரவு நேரங்களில் குறிப்பாக இரு சக்கர வாகனங்களில் யாரும் வனப்பகுதி ரோட்டில் செல்ல வேண்டாம்,’ என அறிவுறுத்தி உள்ளனர்.


தொடர்புடைய செய்திகள்

1. சுகாதார சீர்கேடாகும் கிடக்கும் குப்பைகளை அகற்றக்கோரி யானைமலை மீது ஏறி போராட்டம்
ஒத்தக்கடை ஊராட்சி தேங்கிக்கிடக்கும் குப்பைகளால் சுகாதார சீர்கேடு ஏற்படுவதால் அதனை அகற்றக்கோரி 20–க்கும் மேற்பட்டோர் யானைமலை மீது ஏறி போராட்டத்தில் ஈடுபட்டனர்.
2. குடும்ப அட்டையை திரும்ப ஒப்படைக்க திரண்ட பெண்கள்
அருப்புக்கோட்டை அருகே குடும்ப அட்டையை திரும்ப ஒப்படைக்க தாசில்தார் அலுவலகத்துக்கு பெண்கள் திரண்டதால் பரபரப்பு ஏற்பட்டது.
3. சேடபட்டி அருகே பரபரப்பு: ரோந்து சென்ற சப்–இன்ஸ்பெக்டருக்கு கத்திக்குத்து
சேடபட்டி அருகே ரோந்து சென்ற போலீஸ் சப்–இன்ஸ்பெக்டர் கத்தியால் குத்தப்பட்ட சம்பவம் பரபரப்பை ஏற்படுத்தியது.
4. எனது அரசு தோல்வி அடைந்து விட்டதாக கூறுபவர்கள் மெகா கூட்டணி அமைப்பது ஏன்? எதிர்க்கட்சிகளுக்கு மோடி கேள்வி
திருப்பூர் பொதுக்கூட்டத்தில் ஆவேசமாக பேசிய பிரதமர் மோடி, எனது அரசு தோல்வி அடைந்து விட்டதாக கூறுபவர்கள் எனக்கு எதிராக மெகா கூட்டணி அமைப்பது ஏன்? என்று எதிர்க்கட்சிகளுக்கு கேள்வி எழுப்பினார்.
5. மடத்துக்குளம் அருகே தஞ்சமடைந்துள்ள சின்னதம்பி யானையை பிடிப்பதா? விரட்டுவதா? அரசின் உத்தரவுக்காக வனத்துறையினர் காத்திருப்பு
மடத்துக்குளம் அருகே தஞ்சமடைந்துள்ள சின்னதம்பி யானையை பிடித்து கும்கியாக மாற்றுவதா? அல்லது வனப்பகுதிக்குள் விரட்டுவதா? என்று அரசின் உத்தரவுக்காக வனத்துறையினர் காத்திருக்கிறார்கள்.

ஆசிரியரின் தேர்வுகள்...