மாவட்ட செய்திகள்

சென்னையில் காதலிக்க மறுத்த பெண் ஊழியருக்கு கத்திக்குத்து உடன் வேலை பார்த்த அதிகாரி வெறிச்செயல் + "||" + in Chennai Refusing to love Female servant Knife Stab

சென்னையில் காதலிக்க மறுத்த பெண் ஊழியருக்கு கத்திக்குத்து உடன் வேலை பார்த்த அதிகாரி வெறிச்செயல்

சென்னையில் காதலிக்க மறுத்த பெண் ஊழியருக்கு கத்திக்குத்து உடன் வேலை பார்த்த அதிகாரி வெறிச்செயல்
சென்னையில் காதலிக்க மறுத்த பெண் ஊழியரை அவரது சக அதிகாரி கத்தியால் குத்தினார். இந்த வெறிச்செயலில் ஈடுபட்ட அவரை போலீசார் கைது செய்தனர்.
சென்னை,

சென்னை அரும்பாக்கம் ராணி அண்ணாநகர் பகுதியை சேர்ந்தவர் சரண்யா (வயது 24). இவர் கீழ்ப்பாக்கத்தில் உள்ள அழகு நிலையம் ஒன்றில் ஊழியராக வேலை பார்த்தார். அதே அழகுநிலையத்தில் மேலாளராக வேலை பார்த்த விக்டர் (41) என்பவர் சரண்யா மீது ஆசை கொண்டார். சரண்யாவுக்கு திருமணமாகி ஒரு குழந்தை உள்ளது. விக்டருக்கும் திருமணமாகி மனைவியும், குழந்தையும் உள்ளனர். ஆனால் மனைவி, குழந்தையை அவர் பிரிந்து வாழ்வதாக தெரிகிறது. இதனால் சரண்யா மீது ஆசைபட்டு அவரிடம் தனது காதலை தெரிவித்துள்ளார்.


தனக்கு திருமணமாகி ஒரு குழந்தை உள்ளது என்றும், உங்கள் காதலை ஏற்க முடியாது என்றும் சரண்யா மறுத்துவிட்டதாக கூறப்படுகிறது. இருந்தாலும் சரண்யாவை மறக்கமுடியாமல் விக்டர் தொடர்ந்து சரண்யாவுக்கு தொல்லை கொடுத்து வந்தார்.

நேற்று முன்தினம் பகலில் தான் வேலை பார்த்த அழகு நிலையத்தில் சரண்யா இருந்துள்ளார். அப்போது அங்கு வந்த விக்டர் மீண்டும் தனது காதலை சரண்யாவிடம் வெளிப்படுத்தி உள்ளார். சரண்யா விக்டரிடம் கோபமாக பேசியுள்ளார். இதனால் ஆத்திரமடைந்த விக்டர் தான் மறைத்து வைத்திருந்த கத்தியால் சரண்யாவை சரமாரியாக குத்திவிட்டு தப்பி ஓடிவிட்டார்.

இதில் பலத்த காயமடைந்த சரண்யா கீழ்ப்பாக்கம் அரசு மருத்துவமனையில் சிகிச்சைக்காக சேர்க்கப்பட்டார். இதுதொடர்பாக கீழ்ப்பாக்கம் போலீசார் கொலை முயற்சி சட்டப்பிரிவின் கீழ் வழக்குப்பதிவு செய்து விசாரித்தனர். விக்டர் நேற்று கைது செய்யப்பட்டார்.

தொடர்புடைய செய்திகள்

1. சைபர் குற்றங்களை தடுக்க சென்னையில் போலீசார் விழிப்புணர்வு பிரசாரம் குறும்பட சி.டி.யை கமிஷனர் வெளியிட்டார்
இணையதள குற்றங்கள் எனப்படும் சைபர் கிரைம் குற்றங்களை தடுப்பதற்காக சென்னை நகர போலீசார் விழிப்புணர்வு பிரசாரம் செய்து வருகிறார்கள்.
2. சென்னையில் பழமையான கார்கள் கண்காட்சி நாளை நடக்கிறது
பழமையான கார்கள் கண்காட்சி, சென்னையில் நாளை நடக்கிறது.
3. சென்னையில் அறவாணர் சாதனை விருது வழங்கும் விழா
விழாவுக்கு வி.ஐ.டி. பல்கலைக்கழக வேந்தர் ஜி.விஸ்வநாதன் தலைமை தாங்கி கவிஞர் சிற்பி பாலசுப்பிரமணியம், பேராசிரியர் க.ராமசாமி மற்றும் தமிழ்பற்றாளன் ஆகியோருக்கு ‘அறவாணர் சாதனை விருது’களை வழங்கினார்.
4. சென்னையில் திருக்குறள் மாநாடு வைகோ, கி.வீரமணி பங்கேற்பு
சென்னையில் திருக்குறள் மாநாடு நடந்தது. இதில், வைகோ, கி.வீரமணி ஆகியோர் கலந்து கொண்டு பேசினர்.
5. சென்னையில் பேரிடர் மீட்பு பயிற்சி ஒத்திகை
சென்னை தீவுத்திடலில் பேரிடர் மீட்பு பயிற்சி தொடர்பான கண்காட்சியும், துறைமுகத்தில் ஒத்திகையும் நடந்தது.