மாவட்ட செய்திகள்

துறைமுகம் அமைக்க எதிர்ப்பு கன்னியாகுமரியில் போராட்டம் + "||" + Set the harbor Struggle in anti-Kanyakumari

துறைமுகம் அமைக்க எதிர்ப்பு கன்னியாகுமரியில் போராட்டம்

துறைமுகம் அமைக்க எதிர்ப்பு கன்னியாகுமரியில் போராட்டம்
கன்னியாகுமரியில் துறைமுக திட்டத்திற்கு எதிர்ப்பு தெரிவித்து மீன் தொழிலாளர் சங்கத்தினர் தர்ணா போராட்டத்தில் ஈடுபட்டனர்.
கன்னியாகுமரி,

குமரி மாவட்டத்தில் வர்த்தக துறைமுகம் அமைக்க மத்திய அரசு நடவடிக்கை எடுத்து வருகிறது. இந்த துறைமுகம் அமையும் பட்சத்தில் தங்களின் வாழ்வாதாரம் பாதிக்கப்படும் என்று மீனவர்கள் எதிர்ப்பு தெரிவித்து வருகிறார்கள். இதுதொடர்பாக, பல்வேறு கட்ட போராட்டங்கள் நடைபெற்று வருகிறது.


இந்தநிலையில், துறைமுகத்துக்கு எதிர்ப்பு தெரிவித்து குமரி மாவட்ட மீன்தொழிலாளர் சங்கம் சார்பில் கன்னியாகுமரி ரவுண்டானாவில் நேற்று தர்ணா போராட்டம் நடந்தது.

போராட்டத்துக்கு சி.ஐ.டி.யு. மாவட்ட துணைதலைவர் தனிஷ் தலைமை தாங்கினார். தமிழ்நாடு மீன்பிடி தொழில் சங்க கூட்டமைப்பு தலைவர் வக்கீல் ஜெலஸ்டின் போராட்டத்தை தொடங்கி வைத்து பேசினார்.

போராட்டத்தில், கன்னியாகுமரி சரக்கு பெட்டகமாற்று முனைய துறைமுக திட்டத்தை கைவிட வேண்டும், மீனவர்களை பழங்குடியினர் பட்டியலில் சேர்க்க வேண்டும், மீன்துறை அமைச்சகத்தை சட்டப்பூர்வமாக நடைமுறை படுத்த வேண்டும் போன்ற கோரிக்கைகள் வலியுறுத்தப்பட்டன.

இதில், முன்னாள் எம்.பி. பெல்லார்மின், எல்.ஐ.சி. ஓய்வு பெற்றோர் சங்க நிர்வாகி குழந்தைசாமி, சி.ஐ.டி.யு. மாவட்ட செயலாளர் தங்கமோகன், குமரி மாவட்ட மீன் தொழிலாளர் சங்க தலைவர் அலெக்சாண்டர், பொது செயலாளர் அந்தோணி, மாவட்ட செயலாளர்கள் அலெக்ஸ், ஜேம்ஸ், துறைமுக எதிர்ப்புகுழு ஒருங்கிணைப்பாளர் பிரபா, இணை ஒருங்கிணைப்பாளர் பார்த்தசாரதி, மாவட்ட மார்க்சிஸ்ட் கம்யூனிஸ்டு செயலாளர் முருகேசன், வக்கீல் ராஜன் மற்றும் ஆண்கள், பெண்கள் என ஏராளமானோர் கலந்து கொண்டனர். போராட்டத்தையொட்டி கன்னியாகுமரி போலீஸ் துணை சூப்பிரண்டு பாஸ்கரன் தலைமையில் பலத்த போலீஸ் பாதுகாப்பு போடப்பட்டிருந்தது. 

தொடர்புடைய செய்திகள்

1. காதலுக்கு எதிர்ப்பு: விஷம் குடித்து இளம்பெண் தற்கொலை காதலன் ஆபத்தான நிலையில் சிகிச்சை
காதலுக்கு எதிர்ப்பு கிளம்பியதால் இளம்பெண் விஷம் குடித்து தற்கொலை செய்து கொண்டார். அவரது காதலன் ஆபத்தான நிலையில் சிகிச்சை பெற்று வருகிறார்.
2. கீழ்வேளூர் அருகே, தி.மு.க. கொடி மேடையை அகற்ற கட்சியினர் எதிர்ப்பு - அதிகாரிகளை முற்றுகையிட்டதால் பரபரப்பு
கீழ்வேளூர் அருகே தி.மு.க. கொடி மேடையை அகற்ற கட்சியினர் எதிர்ப்பு தெரிவித்து அதிகாரிகளை முற்றுகையிட்டதால் பரபரப்பு ஏற்பட்டது.
3. ரபேல் வழக்கு; மத்திய அரசின் எதிர்ப்பு பற்றிய தீர்ப்பு ஒத்திவைப்பு - சுப்ரீம் கோர்ட்டு உத்தரவு
ரபேல் வழக்கில், மத்திய அரசின் எதிர்ப்பு பற்றிய தீர்ப்பை சுப்ரீம் கோர்ட்டு ஒத்திவைத்து உத்தரவிட்டது.
4. வெள்ளாற்றின் நடுவே ஆழ்துளை கிணறு அமைக்கும் பணிக்கு பொதுமக்கள் எதிர்ப்பு
பெரம்பலூர் மாவட்டம் லப்பைக்குடிக்காடு பேரூராட்சி சார்பில் வெள்ளாற்றின் நடுவே ராட்சத ஆழ்துளை கிணறு அமைக்கும் பணி தொடங்கியது.
5. காசிமேட்டில் ஆக்கிரமிப்புகளை அகற்ற மீனவர்கள் எதிர்ப்பு
காசிமேடு மீன்பிடி துறைமுகத்தில் புதிய மேம்பாலம் அமைப்பதற்கு தடையாக இருக்கும் ஆக்கிரமிப்பு கடைகளை அகற்றுவதற்கு மீனவர்கள் எதிர்ப்பு தெரிவித்ததால் பரபரப்பு ஏற்பட்டது.