மாவட்ட செய்திகள்

தனியார் மயமாக்கும் முயற்சியை கண்டித்து சேலம் உருக்காலை ஊழியர்கள் வேலைநிறுத்தம் + "||" + Denouncing the attempt to privatize Staff of Salem Workshop Strike

தனியார் மயமாக்கும் முயற்சியை கண்டித்து சேலம் உருக்காலை ஊழியர்கள் வேலைநிறுத்தம்

தனியார் மயமாக்கும் முயற்சியை கண்டித்து சேலம் உருக்காலை ஊழியர்கள் வேலைநிறுத்தம்
தனியார் மயமாக்கும் முயற்சியை கண்டித்து சேலம் உருக்காலை ஊழியர்கள் நேற்று வேலைநிறுத்த போராட்டத்தில் ஈடுபட்டனர்.

சூரமங்கலம்,

இந்திய பொதுத்துறையின் செயில் நிறுவனத்துக்கு சொந்தமான சேலம் உருக்காலையில் நிரந்தர மற்றும் ஒப்பந்த ஊழியர்கள் என 3 ஆயிரத்துக்கும் மேற்பட்டவர்கள் பணிபுரிந்து வருகின்றனர். ஏற்கனவே, உருக்காலையை தனியார் மயமாக்கும் முயற்சிக்கு எதிர்ப்பு தெரிவித்து அனைத்து தொழிற்சங்கங்கள் சார்பில் பல்வேறு கட்ட போராட்டங்கள் நடத்தப்பட்டது.

இந்தநிலையில் சேலம் உருக்காலையை தனியாருக்கு விற்பனை செய்வதற்கான நடவடிக்கையை மத்திய அரசு தீவிரப்படுத்தி உள்ளது. இதற்கான சர்வதேச அளவிலான டெண்டர் அடுத்த மாதம்(ஆகஸ்டு) 1–ந் தேதி நடைபெறும் என்று அறிவித்துள்ளது. இதற்கு உருக்காலை தொழிலாளர்கள் மீண்டும் எதிர்ப்பு தெரிவித்துள்ளனர்.

இதனிடையே நேற்று முன்தினம் அனைத்து தொழிற்சங்க நிர்வாகிகள் அவசர ஆலோசனை கூட்டம் நடத்தினர். இதில், உருக்காலையை தனியார் மயமாக்கும் முயற்சியை கண்டித்து தொடர் போராட்டங்கள் நடத்துவது என முடிவு செய்யப்பட்டன. முதற்கட்டமாக நேற்று வேலைநிறுத்த போராட்டத்தில் ஈடுபட போவதாக அறிவித்தனர்.

அதன்படி, நேற்று காலை 6 மணி முதல் உருக்காலை ஊழியர்கள் வேலைக்கு செல்லாமல் போராட்டத்தில் ஈடுபட்டனர். மேலும் ஆலையின் நுழைவு வாசல் முன்பு சி.ஐ.டி.யு. தொழிற்சங்க பொதுச்செயலாளர் சுரேஷ்குமார் தலைமையில் ஏராளமான ஊழியர்கள் அங்கு திரண்டனர். பின்னர் அவர்கள் உருக்காலையை தனியாருக்கு விற்க டெண்டர் கோரி உள்ளதை கண்டித்து தர்ணா போராட்டத்தில் ஈடுபட்டனர். இதனால் அங்கு பரபரப்பு ஏற்பட்டது. அப்போது மத்திய அரசை கண்டித்தும், கோரிக்கையை வலியுறுத்தியும் அவர்கள் கோ‌ஷமிட்டனர்.

பின்னர் இதுகுறித்து சி.ஐ.டி.யு. தொழிற்சங்க பொதுச்செயலாளர் சுரேஷ்குமார் கூறும் போது, உருக்காலையை தனியார் மயமாக்கும் முயற்சிக்கு எதிர்ப்பு தெரிவித்து தொடர்ந்து போராட்டம் நடத்தி வருகிறோம். இந்தநிலையில் தனியாருக்கு விற்க டெண்டர் விடும் அறிவிப்பை மத்திய அரசு அறிவித்துள்ளது. இதை கண்டித்து இன்று(நேற்று) வேலைநிறுத்த போராட்டத்தில் ஈடுபட்டு உள்ளோம். இதனால் ஒரு நாளைக்கு ஆயிரம் டன் உற்பத்தி பாதிக்கப்படுவதுடன் சுமார் ரூ.10 கோடி வருவாய் இழப்பு ஏற்படும். உருக்காலையை தனியார் மயமாக்கும் முயற்சியை கைவிடும்வரை எங்களுடைய போராட்டம் தொடரும், என்றார்.


தொடர்புடைய செய்திகள்

1. 5-வது நாளாக வேலை நிறுத்தம் நீடிப்பு: ராமேசுவரம் மீனவர்கள் நாளை ரெயில் மறியலில் ஈடுபட முடிவு
ராமேசுவரத்தில் 5-வது நாளாக வேலை நிறுத்தம் செய்துவரும் மீனவர்கள் நாளை ரெயில் மறியல் போராட்டம் நடத்த முடிவு செய்துள்ளனர்.
2. ஆகஸ்டு 21 ஆம் தேதி முதல் தமிழகம் முழுவதும் தனியார் தண்ணீர் லாரிகள் வேலை நிறுத்தம்
தமிழகம் முழுவதும் தனியார் தண்ணீர் லாரி உரிமையாளர்கள் ஆகஸ்டு 21 ஆம் தேதி முதல் வேலை நிறுத்தத்தில் ஈடுபடப்போவதாக அறிவித்துள்ளனர்.
3. தனியார் தண்ணீர் லாரி வேலை நிறுத்தம் தற்காலிகமாக ஒத்திவைப்பு
தனியார் தண்ணீர் லாரிகள் சங்கத்தினர் அறிவித்திருந்த காலவரையற்ற வேலை நிறுத்த போராட்டம் தற்காலிகமாக ஒத்தி வைக்கப்பட்டு உள்ளது.
4. அன்னதான கூடம் மூடப்பட்டதை கண்டித்து சதுரகிரி கோவிலுக்கு பூஜை பொருள் கொண்டு செல்லும் தொழிலாளர்கள் வேலைநிறுத்தம்
சதுரகிரி சுந்தரமகாலிங்கம் கோவில் பகுதியில் அன்னதான கூடங்கள் மூடப்பட்டதை கண்டித்து சுமைதூக்கும் தொழிலாளர்கள் காலவரையற்ற வேலைநிறுத்த போராட்டத்தை தொடங்கியுள்ளனர்.
5. சத்திரப்பட்டி விசைத்தறி தொழிலாளர்கள் வேலை நிறுத்தம் வாபஸ்
சத்திரப்பட்டி விசைத்தறி தொழிலாளர்கள் வேலை நிறுத்தப்போராட்டத்தை கை விட்டு பணிக்கு திரும்பினர்.