மாவட்ட செய்திகள்

நாமக்கல் தனியார் பள்ளி, ‘நீட்’ பயிற்சி மையங்களில் 3-வது நாளாக வருமான வரி சோதனை + "||" + Namakkal Private School, Income Tax Exam at 3rd Need Training Center

நாமக்கல் தனியார் பள்ளி, ‘நீட்’ பயிற்சி மையங்களில் 3-வது நாளாக வருமான வரி சோதனை

நாமக்கல் தனியார் பள்ளி, ‘நீட்’ பயிற்சி மையங்களில் 3-வது நாளாக வருமான வரி சோதனை
நாமக்கல் தனியார் பள்ளி மற்றும் ‘நீட்’ தேர்வு பயிற்சி மையங்களில் 3-வது நாளாக வருமான வரி சோதனை நீடித்தது. இதில் ரூ.150 கோடி வருமானத்திற்கு கணக்கு காட்டவில்லை என்று அதிகாரிகள் தெரிவித்தனர்.
நாமக்கல்,

நாமக்கல் கிரீன்பார்க் பள்ளி நிர்வாகம் சார்பில் ‘நீட்’ தேர்வுக்கான பயிற்சி மையங்கள் நாமக்கல், கரூர், பெருந்துறை, சென்னை ஆகிய இடங்களில் நடத்தப்பட்டு வருகின்றன. இதில் ஆயிரக்கணக்கான மாணவ, மாணவிகள் படித்து வருகின்றனர்.


இந்த நிலையில் இப்பள்ளி நிர்வாகம் சார்பில் நடத்தப்படும் ‘நீட்’ தேர்வுக்கான பயிற்சி மையங்களில் கூடுதல் கட்டணம் வசூலிக்கப்படுவதாகவும், அது தொடர்பான கணக்குகள் முறையாக சமர்ப்பிக்கப்படுவது இல்லை எனவும் வருமான வரித்துறை அதிகாரிகளுக்கு புகார் சென்றது.

இதையடுத்து கடந்த 11-ந் தேதி நாமக்கல்லில் உள்ள பள்ளி அலுவலகம், பள்ளி நிர்வாகிகளின் வீடுகள் மற்றும் ‘நீட்’ பயிற்சி மையங்கள் உள்ளிட்ட 17 இடங்களில் வருமானவரித்துறை அதிகாரிகள் திடீர் சோதனையில் ஈடுபட்டனர். இந்த சோதனையின் போது ‘நீட்’ தேர்வு பயிற்சி பெறும் மாணவர்களுக்கு முறையான ரசீது வழங்கவில்லை என்பது தெரியவந்தது.

ரூ.150 கோடி

2 நாட்கள் நடைபெற்ற சோதனையில் வங்கி லாக்கர் மற்றும் பள்ளியின் கலையரங்கம் உள்ளிட்ட இடங்களில் இருந்து கணக்கில் வராத ரூ.30 கோடியை வருமானவரித்துறை அதிகாரிகள் பறிமுதல் செய்தனர். இதற்கிடையே வருமானவரித்துறை அதிகாரிகளின் சோதனை நேற்று 3-வது நாளாக நீடித்தது. மேலும் இந்த குழுமம் சுமார் ரூ.150 கோடி வருமானத்திற்கு கணக்கு காட்டவில்லை என்று அதிகாரிகள் தெரிவித்தனர். மேலும் அதிகாரிகள் கூறுகையில், இந்த சோதனையின்போது கைப்பற்றப்பட்ட கணக்கில் வராத பணம் எவ்வளவு? வரி ஏய்ப்பு எவ்வளவு கண்டுபிடிக்கப்பட்டு உள்ளது? என்பது தொடர்பான துல்லியமான விவரம் டெல்லியில் இருந்து வெளியிடப்படும் என சோதனையில் ஈடுபட்ட வருமானவரித்துறை அதிகாரிகள் கூறினார்கள்.

தொடர்புடைய செய்திகள்

1. வெளியூர்களில் இருந்து சரக்கு ஏற்றி வரும் வாகனங்கள், விழுப்புரம் நகருக்குள் வர தடை போலீசார் தீவிர சோதனை
வெளியூர்களில் இருந்து சரக்கு ஏற்றி வரும் வாகனங்கள் விழுப்புரம் நகருக்குள் வர போலீசார் தடை விதித்து தீவிர சோதனை செய்து வருகின்றனர்.
2. விக்கிரவாண்டி சுங்கச்சாவடியில் வெளி மாவட்டங்களிலிருந்து வரும் வாகனங்கள் தீவிர சோதனை
விக்கிரவாண்டி சுங்கச்சாவடியில் வெளி மாவட்டங்களிலிருந்து வரும் வாகனங்கள் தீவிர சோதனை.
3. சப்பானிப்பட்டி சோதனைச்சாவடியில் தீவிர வாகன சோதனை கலெக்டர் பிரபாகர் நேரில் ஆய்வு
கிருஷ்ணகிரி மாவட்ட எல்லையான சப்பானிப்பட்டி சோதனைச்சாவடியில் வாகன சோதனை செய்யும் பணியை கலெக்டர் பிரபாகர் நேரில் பார்வையிட்டு ஆய்வு செய்தார்.
4. புதுக்கோட்டையில் 1½ டன் ரேஷன் அரிசி பறிமுதல் சரக்கு வேன் டிரைவர் கைது
புதுக்கோட்டையில் 1½ டன் ரேஷன் அரிசியை போலீசார் பறிமுதல் செய்தனர். சரக்கு வேன் டிரைவரை கைது செய்தனர்.
5. அமெரிக்காவில் சோதனை தொடங்குகிறது - கொரோனா தொற்றுக்கு மலேரியா மருந்து
அமெரிக்காவில் கொரோனா தொற்று உறுதியாகி, காய்ச்சல், இருமல், சுவாச பிரச்சினை உள்ளவர்களுக்கு மலேரியா மருந்து கொடுத்து சோதிக்கப்பட உள்ளது.