மாவட்ட செய்திகள்

மயிலாடுதுறை, சீர்காழியில் பலத்த மழை பொது மக்களின் இயல்பு வாழ்க்கை பாதிப்பு + "||" + Heavy rains in Mayiladuthurai, Sirikkali

மயிலாடுதுறை, சீர்காழியில் பலத்த மழை பொது மக்களின் இயல்பு வாழ்க்கை பாதிப்பு

மயிலாடுதுறை, சீர்காழியில் பலத்த மழை பொது மக்களின் இயல்பு வாழ்க்கை பாதிப்பு
மயிலாடுதுறை, சீர்காழி பகுதியில் பலத்த மழை பெய்தது. இதனால் பொதுமக்களின் இயல்பு வாழ்க்கை பாதிக்கப்பட்டது.
சீர்காழி,

நாகை மாவட்டம் சீர்காழி, வைத்தீஸ்வரன்கோவில் ஆகிய பகுதிகளில் பலத்த மழை பெய்தது. இதனால் பழைய பஸ் நிலையம், கொள்ளிடம் முக்கூட்டு, கடைவீதி, காமராஜ் வீதி, ஈசானியத்தெரு, வ.உ.சி.தெரு, கீழத்தென்பாதி உள்ளிட்ட பகுதிகளில் மழைநீர் சாலையில் தேங்கி நிற்கிறது. சாலைகளில் மழை நீர் தேங்கி உள்ளதால் வாகன ஓட்டிகள் மிகவும் சிரமப்பட்டு வருகிறார்கள். வள்ளுவக்குடியில் உள்ள ஆரம்ப சுகாதார நிலைய கட்டிடத்தின் மேற்கூரையில் மழைநீர் கசிவதால் நோயாளிகள் மற்றும் டாக்டர்கள் அவதிப்படுகிறார்கள். தாழ்வான பகுதிகளில் உள்ள சில இடங்களில் விளை நிலங்களில் மழைநீர் வடிய வழியில்லாமல் சம்பா நெற்பயிர்கள் மூழ்கும் நிலையில் உள்ளது.


வைத்தீஸ்வரன்கோவில் பேரூராட்சி பகுதிக்கு உட்பட்ட திருவாவடுதுறை மடத்தெரு, தையல்நாயகி நகர், அண்ணா நகர், ரெயில்வே ரோடு, கீழவீதி உள்ளிட்ட பகுதிகளில் சாலை மற்றும் குடியிருப்புகளில் மழைநீர் தேங்கி உள்ளதால் பொதுமக்களின் இயல்பு வாழ்க்கை பாதிக்கப்பட்டுள்ளது.

மயிலாடுதுறை

மேலும் வைத்தீஸ்வரன் கோவில் ரெயில் நிலையம் அருகில் தொடர் மழையால் சாலையோரம் இருந்த புளியமரம் வேரோடு சாய்ந்தது.

இதைப்போல மயிலாடுதுறை, மணல்மேடு உள்ளிட்ட பகுதிகளில் பலத்த மழை பெய்து வருகிறது. இதனால் சாலைகளில் மழைநீர் பெருக்கெடுத்து ஓடுகிறது. மயிலாடுதுறையில் பெரும்பாலான சாலைகளில் மழைநீர் குளம்போல் தேங்கி நிற்பதால் வாகனங்களை இயக்க முடியாமல் வாகன ஓட்டிகள் அவதிப்படுகின்றனர்.


தொடர்புடைய செய்திகள்

1. அந்தமான் அருகே தீவிர புயலாக வலுப்பெற்ற புல்புல்; மீனவர்களுக்கு எச்சரிக்கை
அந்தமான் அருகே புல்புல் தீவிர புயலாக வலுப்பெற்றுள்ள நிலையில் மீனவர்களுக்கு எச்சரிக்கை விடப்பட்டு உள்ளது.
2. தமிழகத்தில் 4 நாட்கள் மழை நீடிக்கும்- சென்னை வானிலை ஆய்வு மையம்
வடகிழக்கு பருவக்காற்று சாதகமாக வீசுவதால் தமிழகத்தில் அடுத்த 4 நாட்களுக்கு மழை நீடிக்கும் என சென்னை வானிலை ஆய்வு மையம் தெரிவித்து உள்ளது.
3. திருவாரூரில் 4 நாட்களாக தொடர் மழை: 100 ஏக்கர் சம்பா நெற்பயிர் தண்ணீரில் மூழ்கியது
திருவாரூர் பகுதியில் கடந்த 4 நாட்களாக தொடர்ந்து பெய்து வரும் மழை காரணமாக 100 ஏக்கர் சம்பா நெற்பயிர் தண்ணீரில் மூழ்கி உள்ளது. வாய்க்கால்களை தூர்வாராததே பயிர்கள் மழைநீரில் மூழ்கியதற்கு காரணம் என விவசாயிகள் குற்றம் சாட்டி உள்ளனர்.
4. புங்கனூர் பகுதியில் பல ஏக்கர் நெற்பயிர்கள் தண்ணீரில் மூழ்கி சேதம்
புங்கனூர் பகுதியில் பல ஏக்கர் நெற்பயிர்கள் தண்ணீரில் மூழ்கி சேதம் அடைந்தன. வடிகால் வாரி ஆக்கிரமிப்பு தான் இதற்கு காரணம் என்று விவசாயிகள் புகார் தெரிவித்துள்ளனர்.
5. குளச்சல் அருகே பலத்த மழை: வீடு இடிந்து மூதாட்டி பலி
குளச்சல் அருகே பலத்த மழைக்கு வீடு இடிந்து மூதாட்டி பலியானார்.