மாவட்ட செய்திகள்

கார்த்திகை தீபத்திருநாளையொட்டி ஸ்ரீரங்கம் ரெங்கநாதர் கோவிலில் சொக்கப்பனை கொளுத்தப்பட்டது + "||" + Srirangam Renganathar Temple was burned to death

கார்த்திகை தீபத்திருநாளையொட்டி ஸ்ரீரங்கம் ரெங்கநாதர் கோவிலில் சொக்கப்பனை கொளுத்தப்பட்டது

கார்த்திகை தீபத்திருநாளையொட்டி ஸ்ரீரங்கம் ரெங்கநாதர் கோவிலில் சொக்கப்பனை கொளுத்தப்பட்டது
கார்த்திகை தீபத்திருநாளையொட்டி ஸ்ரீரங்கம் ரெங்கநாதர் கோவிலில் சொக்கப்பனை கொளுத்தப்பட்டது.
ஸ்ரீரங்கம்,

ஸ்ரீரங்கம் ரெங்கநாதர் கோவிலில் கார்த்திகை தீபத்திருநாள் நேற்று கொண்டாடப்பட்டது. இதையொட்டி முதலாம் புறப்பாடாக உற்சவர் நம்பெருமாள் காலை 7.30 மணிக்கு மூலஸ்தானத்தில் இருந்து புறப்பட்டு காலை 8 மணிக்கு சந்தனு மண்டபத்திற்கு வந்து சேர்ந்தார். அங்கு நம்பெருமாள் காலை 11 மணி முதல் மதியம் 1 மணி வரை திருமஞ்சனம் கண்டருளினார். பின்னர் மாலை 4.30 மணிக்கு சந்தனு மண்டபத்தில் இருந்து புறப்பட்டு மாலை 5 மணிக்கு மூலஸ்தானம் சென்றடைந்தார்.


இதைத்தொடர்ந்து நம்பெருமாள் சொக்கப்பனை கண்டருள மூலஸ்தானத்தில் இருந்து புறப்படும் முன் கோவில் தங்க கொடிமரம் அருகே உத்தமநம்பி சுவாமிகள் இடைவிளக்கு எடுக்கும் நிகழ்ச்சி மாலை 6 மணிக்கு நடைபெற்றது. இடைவிளக்கு எடுத்த உத்தமநம்பி சுவாமிகளுக்கு கோவில் நிர்வாகம் சார்பில் மாலை, மரியாதை செய்யப்பட்டது.

சொக்கப்பனை

பின்னர் 2-ம் புறப்பாடாக நம்பெருமாள் மூலஸ்தானத்தில் இருந்து இரவு 8 மணிக்கு புறப்பட்டு கதிர் அலங்காரத்தில் கார்த்திகை கோபுரத்திற்கு வந்து சேர்ந்தார். அங்கு கோபுரத்திற்கு முன்னால் 20 அடி உயரத்திற்கு பனை ஓலைகளால் அமைக்கப்பட்ட சொக்கப்பனை பந்தலை நம்பெருமாள் வலம் வந்து சக்கரத்தாழ்வார் சன்னதிக்கு எதிரே காத்திருந்தார். இரவு 8.30 மணிக்கு சொக்கப்பனை கொளுத்தப்பட்டது.

நம்பெருமாள் சொக்கப்பனை தீபத்தை கண்டருளிய பின்னர் நந்தவனம் தோப்பு வழியாக தாயார் சன்னதிக்கு சென்றார். அங்கு நம்பெருமாளுக்கு திருவந்திகாப்பு எனப்படும் திரு‌‌ஷ்டி கழிக்கும் நிகழ்ச்சி நடைபெற்றது. பின்னர் அங்கிருந்து புறப்பட்டு சந்தனு மண்டபத்திற்கு இரவு 9.15 மணிக்கு சென்றார். அங்கு இரவு 9.45 மணிக்கு நம்பெருமாள் முன்பு ஸ்ரீமுகப்பட்டயம் எனப்படும் வைகுண்ட ஏகாதசி விழா ஏற்பாடுகள் குறித்து படிக்கப்பட்டது. அதைத்தொடர்ந்து திருக்கைத்தல சேவைக்கு பிறகு நம்பெருமாள் சந்தனு மண்டபத்தில் இருந்து புறப்பட்டு இரவு 10.15 மணிக்கு மூலஸ்தானம் சென்றடைந்தார்.

விழாவிற்கான ஏற்பாடுகளை கோவில் அறங்காவலர் குழு தலைவர் வேணுசீனிவாசன், இணைஆணையர் ஜெயராமன், அர்ச்சகர்கள் மற்றும் பணியாளர்கள் செய்திருந்தனர்.

தொடர்புடைய செய்திகள்

1. திருநகரி கல்யாணரெங்கநாதர் கோவிலில் திருமங்கையாழ்வார் தங்க குதிரை வாகனத்தில் வீதிஉலா
திருநகரி கல்யாணரெங்கநாதர் கோவிலில் திருமங்கையாழ்வார் தங்க குதிரை வாகனத்தில் வீதிஉலா காட்சி நடந்தது. இதில் திரளான பக்தர்கள் கலந்து கொண்டு சாமி தரிசனம் செய்தனர்.
2. கார்த்திகை தீபத்தையொட்டி கோவில்களில் சொக்கப்பனை கொளுத்தப்பட்டது
கார்த்திகை தீபத்தையொட்டி கோவில்களில் ெசாக்கப்பனை கொளுத்தப்பட்டது.
3. எளம்பலூர் பிரம்மரி‌ஷி மலையில் கார்த்திகை மகா தீபவிழா
எளம்பலூர் பிரம்மரி‌ஷி மலையில் கார்த்திகை மகா தீபவிழா நடைபெற்றது.
4. கார்த்திகை தீபத்திருநாள்: கோவில்களில் சொக்கப்பனை கொளுத்தப்பட்டது
புதுச்சேரியில் கார்த்திகை தீபத்திருநாளையொட்டி கோவில்களில் சொக்கப்பனை கொளுத்தப்பட்டது. வீடுகளில் அகல் விளக்கேற்றி பெண்கள் வழிபட்டனர்.
5. திருச்செந்தூர் சுப்பிரமணிய சுவாமி கோவிலில் சொக்கப்பனை எரிப்பு
கார்த்திகை தீப திருநாளை முன்னிட்டு, திருச்செந்தூர் சுப்பிரமணிய சுவாமி கோவிலில் சொக்கப்பனை எரிக்கப்பட்டது. இதில் திரளான பக்தர்கள் கலந்து கொண்டனர்.