மாவட்ட செய்திகள்

பறக்கை அருகே சிவன் கோவிலில் நாகர் சிலை கொள்ளை + "||" + The idol of Lord Shiva in the Shiva temple near the fly

பறக்கை அருகே சிவன் கோவிலில் நாகர் சிலை கொள்ளை

பறக்கை அருகே சிவன் கோவிலில் நாகர் சிலை கொள்ளை
பறக்கை அருகே சிவன் கோவிலில் இருந்து நாகர் சிலையை கொள்ளையடித்து சென்ற மர்ம நபர்களை போலீசார் வலைவீசி தேடி வருகிறார்கள்.
மேலகிருஷ்ணன்புதூர்,

பறக்கை அருகே அக்கரையில் பெருஞ்சடை மகாதேவர் கோவில் உள்ளது. இங்கு பூசாரியாக ராமகிருஷ்ணசர்மா (வயது 69) என்பவர் உள்ளார். இந்த கோவிலில் தினமும் காலையில் பூஜைகள் நடைபெறும். இதில் சுற்றுவட்டாரத்தை சேர்ந்த ஏராளமானோர் கலந்து கொள்வார்கள்.


நேற்று முன்தினம் வழக்கம் போல் பூஜைகள் முடிந்த பின்பு கோவிலை பூட்டிவிட்டு சென்றனர். நேற்று காலையில் பூசாரி ராமகிருஷ்ண சர்மா கோவிலுக்கு சென்ற போது, கருவறையின் பக்கவாட்டு கதவு உடைக்கப்பட்டு திறந்து கிடந்ததை கண்டு அதிர்ச்சி அடைந்தார்.

சிலை கொள்ளை

உள்ளே சென்று பார்த்த போது பூஜை பொருட்கள் சிதறி கிடந்தன. மேலும், கருவறையில் இருந்த 1½ அடி உயரமுள்ள பித்தளை நாகர் சிலை கொள்ளையடிக்கப் பட்டிருந்தது. இரவில் மர்ம நபர்கள் கோவிலுக்குள் புகுந்து நாகர் சிலையை கொள்ளையடித்து சென்றுள்ளனர்.

மேலும், அம்மன் முகத்தில் அணிந்திருந்த வெள்ளி முகம் கழற்றி கொண்டு செல்வதற்காக தயார் நிலையில் வைக்கப்பட்டிருந்தது. ஆனால், கொள்ளையர்கள் எடுத்து செல்லவில்லை.

போலீசார் விசாரணை

இதுகுறித்து சுசீந்திரம் போலீசுக்கு தகவல் கொடுக்கப்பட்டது. போலீசார் சம்பவ இடத்துக்கு சென்று விசாரணை மேற்கொண்டனர். கைரேகை நிபுணர்கள் வரவழைக்கப்பட்டு அங்கு பதிவாகி இருந்த ரேகைகள் பதிவு செய்யப்பட்டன. இதுதொடர்பாக சுசீந்திரம் போலீசார் வழக்குப்பதிவு செய்து கொள்ளையர்களை தேடி வருகிறார்கள்.

சிவன் கோவிலில் நாகர் சிலை கொள்ளையடிக்கப்பட்ட சம்பவம் அந்த பகுதியில் பரபரப்பை ஏற்படுத்தி உள்ளது.

தொடர்புடைய செய்திகள்

1. கொள்ளை சம்பவங்களை தடுக்க விடிய, விடிய வாகன சோதனையில் ஈடுபடும் போலீசார்
கொள்ளை சம்பவங்களை தடுக்க போலீசார் விடிய, விடிய வாகன சோதனையில் ஈடுபட்டு வருகின்றனர்.
2. மயிலாடுதுறை அருகே நள்ளிரவில் துணிகரம்: தூங்கிக்கொண்டு இருந்த தம்பதியை தாக்கி நகை-பணம் கொள்ளை
மயிலாடுதுறை அருகே நள்ளிரவில் தூங்கிக்கொண்டு இருந்த தம்பதியை தாக்கி நகை மற்றும் பணத்தை மர்ம நபர்கள் கொள்ளையடித்தனர். கொள்ளையர்கள் தாக்கியதில் விவசாயியின் கை முறிந்தது.
3. வியாபாரி வீட்டில் 30 பவுன் நகை-ரூ.3½ லட்சம் கொள்ளை மர்ம நபர்களுக்கு வலைவீச்சு
தா.பழூர் அருகே வியாபாரி வீட்டில் 30 பவுன் நகை மற்றும் ரூ.3½ லட்சத்தை கொள்ளையடித்து சென்ற மர்ம நபர்களை போலீசார் வலைவீசி தேடி வருகின்றனர்.
4. டாஸ்மாக் கடையில் கடத்தப்பட்ட காவலாளி: கை, கால்கள் கட்டப்பட்டு கிணற்றில் பிணமாக கிடந்தார்
வாடிப்பட்டி அருகே மதுபாட்டில்கள் கொள்ளை சம்பவத்தின்போது கடத்தப்பட்ட காவலாளி கை, கால்கள் கட்டப்பட்ட நிலையில் பிணமாக கிடந்தார். இதனால் பெரும் பரபரப்பு ஏற்பட்டது.
5. அர்ச்சகர் வீட்டின் பூட்டை உடைத்து 40 பவுன் நகைகள்-வெள்ளி பொருட்கள் கொள்ளை
கீழ்வேளூரில், அர்ச்சகர் வீட்டின் பூட்டை உடைத்து 40 பவுன் நகைகள் மற்றும் வெள்ளி பொருட்களை கொள்ளையடித்து சென்ற மர்ம நபர்களை போலீசார் தேடி வருகிறார்கள்.

அதிகம் வாசிக்கப்பட்டவை