மாவட்ட செய்திகள்

அரசு உத்தரவை மீறி திறந்து இருந்த வணிக நிறுவனங்கள் மூடல் அதிகாரிகள் நடவடிக்கை + "||" + Action taken to close down business establishments that were in violation of government orders

அரசு உத்தரவை மீறி திறந்து இருந்த வணிக நிறுவனங்கள் மூடல் அதிகாரிகள் நடவடிக்கை

அரசு உத்தரவை மீறி திறந்து இருந்த வணிக நிறுவனங்கள் மூடல் அதிகாரிகள் நடவடிக்கை
மயிலாடுதுறையில் அரசு உத்தரவை மீறி திறந்து இருந்த வணிக நிறுவனங்கள் மூடப்பட்டன.
குத்தாலம்,

கொரோனா வைரஸ் தொற்று பரவலை தடுக்கும் வகையில் மக்கள் அதிகளவில் கூடும் வணிக வளாகங்கள், கடைகள், திரையரங்குகளை வருகிற 31-ந் தேதி வரை மூட மத்திய, மாநில அரசுகள் உத்தரவு பிறப்பித்துள்ளன. அதன்படி நாடு முழுவதும் வணிக வளாகங்கள், மக்கள் கூடும் அனைத்து நிறுவனங்களும் மூடப்பட்டுள்ளன.


மயிலாடுதுறையில் பெரும்பாலான பெரிய வணிக நிறுவனங்கள் மூடப்பட்டுள்ளன. ஆனால் ஒரு சில நிறுவனங்கள் மட்டும் திறந்திருப்பதாக மயிலாடுதுறை நகராட்சியின் சுகாதாரத்துறைக்கு தகவல் வந்தது.

சூப்பர் மார்க்கெட்

அதன்பேரில் நேற்று நகர்நல அலுவலர் கிரு‌‌ஷ்ணகுமார் தலைமையில் சுகாதார ஆய்வாளர்கள் பிச்சைமுத்து, ராமையன் மற்றும் சுகாதார அலுவலர்கள், பட்டமங்கலத்தெருவில் திறந்திருந்த சூப்பர் மார்க்கெட்டுக்கு சென்றனர். அப்போது அங்கு 100-க்கும் மேற்பட்ட வாடிக்கையாளர்கள், பொருட்கள் வாங்கி கொண்டிருந்தனர். 100-க்கும் மேற்பட்ட ஊழியர்கள் பணியாற்றும் அந்த நிறுவனத்தில், கொரோனா வைரஸ் தடுக்க அரசு ஏற்கனவே தடை செய்த பயோமெட்ரிக் முறையை கூட கைவிடாமல் அந்த எந்திரத்தை பயன்படுத்தி வந்தனர்.

இதனை கண்ட சுகாதாரத்துறையினர், உடனடியாக அந்த சூப்பர் மார்க்கெட்டை மூடும்படி உத்தரவிட்டனர். ஆனால் சூப்பர் மார்க்கெட் உரிமையாளர், சூப்பர் மார்க்கெட்டை மூட முடியாது என்று வாக்குவாதத்தில் ஈடுபட்டார். பின்னர் சிறிதுநேர விவாதத்திற்கு பின்பு சூப்பர் மார்க்கெட்டை மூடுவதாக ஒப்பு கொண்டு, வாடிக்கையாளர்களை வெளியேற்றிவிட்டு பணியாளர்களையும் வீடுகளுக்கு செல்லும்படி அந்த நிறுவனத்தின் உரிமையாளர் கேட்டு கொண்டார். தொடர்ந்து அந்த சூப்பர்மார்க்கெட் மூடப்பட்டது.

திறக்க கூடாது

மறு உத்தரவு வரும்வரை சூப்பர் மார்க்கெட்டை திறக்க கூடாது என்றும், அதனை மீறி திறந்தால் கடைக்கு ‘சீல்’ வைக்கப்படும் என்று நகர்நல அலுவலர் எச்சரிக்கை விடுத்தார். இதேபோல் மயிலாடுதுறை காந்திஜிரோட்டில் திறந்திருந்த ஒரு ஜவுளிக்கடையையும் அதிகாரிகள் மூடினர்.

அடுத்தடுத்து வணிக நிறுவனங்கள் மூடப்பட்டதால் அங்கு பரபரப்பு ஏற்பட்டது.

இதுகுறித்து நகர்நல அலுவலர் கூறியதாவது:-

எச்சரிக்கை

30 ஊழியர்களுக்கு மேல் பணியாற்றும் வணிக நிறுவனங்கள், பரவலாக்கப்பட்ட குளிர்சாதனம் அமைந்துள்ள நிறுவனங்கள், கொரோனா வைரஸ் தொற்று பரவும் வாய்ப்புள்ள மக்கள் அதிக அளிவல் கூடும் நிறுவனங்களை மூட அரசு உத்தரவிட்டுள்ளது.

உத்தரவை மீறும் நிறுவனங்களுக்கு தற்போது எச்சரிக்கை நோட்டீஸ் வழங்கி வருகிறோம். தொடர்ந்து அந்த நிறுவனங்கள் செயல்படும் பட்சத்தில் பூட்டில் ‘சீல்’ வைக்கப்படும். இவ்வாறு அவர் கூறினார்.


தொடர்புடைய செய்திகள்

1. நுண்கடன் நிதி நிறுவனங்கள் மீது நடவடிக்கை - கலெக்டர் அலுவலகத்தில் பெண்கள் மனு
வட்டியுடன் தவணைத்தொகை கேட்டு நெருக்கடி கொடுக்கும் நுண்கடன் நிதி நிறுவனங்கள் மீது நடவடிக்கை எடுக்க வேண்டும் என்று கலெக்டர் அலுவலகத்தில் பெண்கள் மனு கொடுத்தனர்.
2. சுருக்குமடி வலையை பயன்படுத்தி பிடிக்கப்பட்ட மீன்கள் ரூ.6½ லட்சத்துக்கு ஏலம் அதிகாரிகள் நடவடிக்கை
நாகையில் சுருக்குமடி வலையை பயன்படுத்தி பிடிக்கப்பட்ட மீன்களை அதிகாரிகள் ரூ.6½ லட்சத்துக்கு ஏலம் விட்டனர்.
3. 28 போலி டாக்டர்கள் கைது; சிகிச்சை மையங்களுக்கு சீல் ராணிப்பேட்டை கலெக்டர் அதிரடி நடவடிக்கை
ராணிப்பேட்டை மாவட்டத்தில் கழிவறை வழியாக சென்று சுவர் ஏறிக்குதித்து தப்பியவர் உள்பட 28 போலி டாக்டர்கள் கைது செய்யப்பட்டனர். அவர்கள் நடத்திய சிகிச்சை மையங்கள் சீல் வைப்பட்டன.
4. ராயக்கோட்டை தக்காளி மார்க்கெட்டில் சமூக இடைவெளியை கடைபிடிக்காத கடைக்கு ‘சீல்’ அதிகாரிகள் நடவடிக்கை
ராயக்கோட்டையில் தக்காளி மார்க்கெட்டில் சமூக இடைவெளியை கடைபிடிக்காத கடைக்கு அதிகாரிகள் ‘சீல்’ வைத்தனர்.
5. சுகாதார பணியாளர்களுக்கு தொற்று எதிரொலி: ஆரல்வாய்மொழியில் பாதுகாப்பு வசதிகளுடன் சோதனைச்சாவடி அதிகாரிகள் நடவடிக்கை
சுகாதார பணியாளர்களுக்கு தொற்று ஏற்பட்டதை தொடர்ந்து, பாதுகாப்பு வசதிகளுடன் ஆரல்வாய்மொழி சோதனைச்சாவடி அமைக்கப்பட்டு வருகிறது.