மாவட்ட செய்திகள்

காவிரியில் தண்ணீர் வரத்து எதிரொலி: டெல்டா விவசாயிகள் குறுவை சாகுபடிக்கு ஆயத்தம் + "||" + Water echo Delta Farmers Ready For Cross Cultivation

காவிரியில் தண்ணீர் வரத்து எதிரொலி: டெல்டா விவசாயிகள் குறுவை சாகுபடிக்கு ஆயத்தம்

காவிரியில் தண்ணீர் வரத்து எதிரொலி: டெல்டா விவசாயிகள் குறுவை சாகுபடிக்கு ஆயத்தம்
காவிரியில் தண்ணீர் வரத்து எதிரொலியாக டெல்டா விவசாயிகள் குறுவை சாகுபடிக்கு ஆயத்தமானார்கள்.
திருச்சி,

மேட்டூர் அணையில் இருந்து காவிரி டெல்டா குறுவை நெல் சாகுபடிக்காக ஆண்டு தோறும் ஜூன் மாதம் 12-ந் தேதி தண்ணீர் திறந்து விடப்படும். அதன்படி, கடந்த 12-ந் தேதி மேட்டூர் அணையில் இருந்து முதல்- அமைச்சர் எடப்பாடி பழனிசாமி தண்ணீர் திறந்து விட்டார். அந்த தண்ணீரானது நேற்று முன்தினம் திருச்சி முக்கொம்பு மேலணையை வந்து சேர்ந்தது.


பின்னர் அங்கிருந்து காவிரி ஆற்றில் திறந்து விடப்பட்டு கல்லணை நோக்கி சென்றது. மேட்டூர் அணை திறக்கப்பட்டதால் சேலம், நாமக்கல், ஈரோடு, கரூர், திருச்சி, தஞ்சை, திருவாரூர், நாகை உள்ளிட்ட 12 டெல்டா மாவட்டங்களில் உள்ள 16.05 லட்சம் ஏக்கர் நிலம் பாசன வசதி பெறும்.

விவசாயிகள் ஆயத்தம்

காவிரியில் தண்ணீர் வரத்தின் காரணமாக டெல்டா மாவட்ட விவசாயிகள் குறுவை நெல் சாகுபடிக்கு ஆயத்தமாகி விட்டனர். ஏற்கனவே, சில இடங்களில் விவசாயிகள் நாற்றாங்கால் பராமரித்து நெல் விதைத்திருந்தனர். ஆனால், அவை தரமான விதையாக இல்லாததினால் முளைப்புத்திறன் இல்லாமல் போனது. இதனால், விவசாயிகளை வேதனைக்கு ஆளாக்கியது. கடந்த 8 ஆண்டுகளுக்கு பின்னர் தற்போதுதான் சரியான தருணத்தில் ஜூன் மாதம் மேட்டூர் அணை திறக்கப்பட்டுள்ளது.

இதனால் விவசாயிகள் குறுவை சாகுபடியை சவாலாக ஏற்று மேற்கொண்டு வருகிறார்கள். மேலும் விதை நெல்லுக்கு அரசால் மானியம் அளிக்கப்பட்டு வந்தது. தற்போது அந்த மானியம் நிறுத்தப்பட்டு விட்டதாகவும், அதனால், விதை நெல்லை முழுத்தொகையும் கொடுத்து வாங்க வேண்டிய சூழல் ஏற்பட்டுள்ளதாகவும் விவசாயிகள் வேதனை தெரிவித்தனர். அரசிடம் போதிய விதை நெல் இல்லை என்றும், எனவே, தனியாரிடமே விதை நெல் வாங்கும் நிலை ஏற்பட்டுள்ளது என்றும் தெரிவிக்கப்பட்டது.

உயர் விளைச்சல் கொண்ட ரகம்

தற்போது குறுவை சாகுபடிக்கு உயர் விளைச்சல் கொண்ட ரகங்களை வேளாண் அதிகாரிகள் பரிந்துரை செய்து வருகிறார்கள். ஆடுதுறை53 ரகமானது 100 முதல் 110 நாட்களில் அறுவடை செய்யக்கூடிய குறுகிய கால ரகம். காவிரி பாசனப்பகுதி மட்டுமல்லாது அனைத்து நெல் பயிரிடப்படும் பகுதிகளுக்கும் ஏற்ற ரகமாக கருதப்படுகிறது.

இதுபோல கோ51 ரகமும் அதிக மகசூல் தரக்கூடிய நெல்ரகமாக பரிந்துரைக்கப்பட்டுள்ளது. மேலும் அம்பை16, ஏ.எஸ்.டி.20, ஏ.டி.டீ37, ஆடுதுறை37 (குண்டு நெல்) உள்ளிட்ட ரகங்களை பயிர் செய்யவும் விவசாயிகளிடையே ஆர்வம் உள்ளது. காவிரியில் தண்ணீர் வரத்து தொடங்கியதையொட்டி, விவசாயிகள் குறுவை நெல் சாகுபடிக்கான உழவாரப்பணிகளை மேற்கொண்டு வருகிறார்கள்.

தொடர்புடைய செய்திகள்

1. காவிரி டெல்டா பாசனத்துக்கு மேட்டூர் அணையில் இருந்து தண்ணீர் திறப்பு அதிகரிப்பு
மேட்டூர் அணையில் இருந்து காவிரி டெல்டா பாசனத்துக்கு தண்ணீர் திறப்பு அதிகரிக்கப்பட்டுள்ளது.
2. சூரம்பட்டி அணைக்கட்டில் இருந்து நஞ்சை ஊத்துக்குளி வாய்க்காலுக்கு தண்ணீர் திறப்பு
சூரம்பட்டி அணைக்கட்டில் இருந்து நஞ்சை ஊத்துக்குளி வாய்க்காலுக்கு தண்ணீர் திறக்கப்பட்டது.
3. தூத்துக்குடி மாவட்டத்தில் 111 நூலகங்கள் திறப்பு
தூத்துக்குடி மாவட்டத்தில் 111 நூலகங்கள் நேற்று திறக்கப்பட்டன.
4. காஞ்சீபுரம், செங்கல்பட்டு மாவட்டங்களில் 5 மாதங்களுக்கு பிறகு கோவில்கள் திறப்பு ஏராளமான பக்தர்கள் சாமி தரிசனம்
காஞ்சீபுரம், செங்கல்பட்டு மாவட்டங்களில் 5 மாதங்களுக்கு பிறகு கோவில்கள் திறக்கப்பட்டன. ஏராளமான பக்தர்கள் நீண்ட வரிசையில் நின்று சாமி தரிசனம் செய்தனர்.
5. சென்னையில் நாளை மதுக்கடைகள் திறப்பு ஒரு நாளைக்கு 500 டோக்கன்கள் வழங்கப்படும்
சென்னையில் நாளை முதல் மதுக்கடைகள் திறக்கப்படுகின்றன. காலை 10 மணி முதல் இரவு 7 மணி வரை விற்பனை நடைபெறும் என்றும், ஒரு கடையில் ஒரு நாளைக்கு 500 டோக்கன்கள் மட்டும் வழங்கப்படும் என்றும் அறிவிக்கப்பட்டு உள்ளது.