மாவட்ட செய்திகள்

திருச்சி மாவட்டத்தில் மேலும் 4 கொரோனா பரிசோதனை மையங்கள் - கலெக்டர் தகவல் + "||" + 4 more Corona Testing Centers in Trichy District - Collector Information

திருச்சி மாவட்டத்தில் மேலும் 4 கொரோனா பரிசோதனை மையங்கள் - கலெக்டர் தகவல்

திருச்சி மாவட்டத்தில் மேலும் 4 கொரோனா பரிசோதனை மையங்கள் - கலெக்டர் தகவல்
திருச்சி மாவட்டத்தில் மேலும் 4 கொரோனா பரிசோதனை மையங்களுக்கு அனுமதி கிடைத்துள்ளது என்று கலெக்டர் சிவராசு கூறினார். இதுதொடர்பாக அவர் நேற்று நிருபர்களுக்கு அளித்த பேட்டியின்போது கூறியதாவது:-
திருச்சி,

திருச்சி மாவட்டத்தில் சராசரியாக தினமும் 1,140 பேருக்கு கொரோனா பரிசோதனை நடத்தப்பட்டு வருகிறது. நேற்று முன்தினம் அதிக பட்சமாக ஒரே நாளில் 1,600 பரிசோதனைகள் நடத்தப்பட்டது. மாநகராட்சி பகுதியில் கொரோனா பரவலை தடுப்பதற்காக வீடுகள்தோறும் கணக்கெடுக்கும் பணி நடந்து வருகிறது. இதற்காக குழுக்கள் அமைக்கப்பட்டு உள்ளன. இந்த குழுவினர் தினமும் 50 முதல் 70 வீடுகளில் சோதனை நடத்துகிறார்கள்.திருச்சியில் கொரோனா பரவல் அதிகம் உள்ள 14 இடங்கள் அடையாளம் காணப்பட்டு அவை தடை செய்யப்பட்ட பகுதிகளாக அறிவிக்கப்பட்டுள்ளன. அந்த இடங்களிலும் 3 அல்லது 4 பேருக்கு மேல் புதிதாக யாருக்கும் பாசிட்டிவ் என பரிசோதனை முடிவு வரவில்லை. எனவே திருச்சி மாவட்டத்தில் கொரோனா பரவும் வேகம் கட்டுப்படுத்தப்பட்டு உள்ளது. மக்கள் பீதி அடைய தேவையில்லை.


உலக சுகாதார நிறுவனம் அறிவித்து உள்ளபடி சமூக இடைவெளியை கடைப்பிடித்து, முக கவசம் அணிந்தால் நிச்சயமாக மூன்றே மாதங்களில் கொரோனாவை இல்லாமல் செய்து விடலாம்.

மதுரையை போல் திருச்சியிலும் முழு ஊரடங்கு உத்தரவு பிறப்பிக்கப்படுமா? என்பதற்கு நான் பதில் அளிக்க முடியாது. கொரோனா தடுப்பு பணியில் ஈடுபட்ட திருச்சி மாநகராட்சி பணியாளர்கள் 43 பேருக்கு கொரோனா தொற்று உறுதி செய்யப்பட்டு இருந்தது. அவர்களில் பெரும்பாலானவர்கள் தற்போது குணம் அடைந்து விட்டனர்.

திருச்சி மாவட்டத்தில் மேலும் 4 கொரோனா பரிசோதனை மையங்களுக்கு அனுமதி கிடைத்து உள்ளது. திங்கட்கிழமை முதல் அவை செயல்பட தொடங்கும். கிராமப்புறங்களில் பிரச்சினை இல்லை. நகர்ப்புறங்களில் தான் அதிக கவனம் செலுத்தி வருகிறோம். நாம் எடுத்து வரும் நடவடிக்கைகளால் கொரோனா பாசிட்டிவ் விகிதம் 12.13 சதவீதத்தில் இருந்து 8 சதவீதமாக குறைந்து உள்ளது.மாவட்டத்தில் தற்போது கொரோனா வைரஸ் மருத்துவ பரிசோதனை முடிவு 48 மணி நேரத்தில் வெளியிடப்பட்டு வருகிறது.

இவ்வாறு அவர் கூறினார்.

தொடர்புடைய செய்திகள்

1. திருச்சி வீட்டு வசதி வாரிய அலுவலகத்தில் டெண்டர் எடுப்பதற்காக சமூக இடைவெளியை மறந்து குவிந்த ஒப்பந்ததாரர்கள் போலீசார் எச்சரிக்கை
திருச்சி வீட்டு வசதி வாரிய அலுவலகத்தில் டெண்டர் எடுப்பதற்காக சமூக இடைவெளியை மறந்து ஒப்பந்ததாரர்கள் குவிந்தனர். அவர்களை போலீசார் எச்சரிக்கை செய்தனர்.
2. திருச்சி விமானநிலையம் அருகே அரசு அதிகாரி ஓட்டி வந்த கார் குடிசைக்குள் புகுந்ததால் பரபரப்பு
திருச்சி விமான நிலையம் அருகே அரசு அதிகாரி ஓட்டி வந்த கார் கட்டுப்பாட்டை இழந்து குடிசைக்குள் புகுந்ததால் பரபரப்பு ஏற்பட்டது.
3. திருச்சியில் சிறுமி உயிரிழந்த சம்பவம்; தேசிய குழந்தைகள் உரிமை பாதுகாப்பு ஆணையம் தாமாக முன்வந்து விசாரணை
திருச்சியில் 14 வயது சிறுமி எரிந்த நிலையில் சடலமாக கண்டெடுக்கப்பட்ட சம்பவம் குறித்து, தேசிய குழந்தைகள் உரிமை பாதுகாப்பு ஆணையம் தாமாக முன்வந்து விசாரணையை தொடங்கியுள்ளது.
4. திருச்சி அதவத்தூரில் மரணமடைந்த சிறுமி பாலியல் வன்கொடுமைக்கு ஆளாகவில்லை- பிரேதப் பரிசோதனை அறிக்கையில் தகவல்
திருச்சி அதவத்தூரில் மரணமடைந்த சிறுமி பாலியல் வன்கொடுமைக்கு ஆளாகவில்லை என்று பிரேத பரிசோதனை அறிக்கையில் தெரிவிக்கப்பட்டுள்ளது.
5. 3 மாதங்களை கடந்தும் விட்டபாடில்லை: முடக்கியது கொரோனா; முடங்கியது வாழ்க்கை
3 மாதங்களை கடந்தும் கொரோனா நம்மை விட்டபாடில்லை. இதனால், கொரோனா மனித வாழ்க்கையை முடக்கி போட்டுள்ளது.

அதிகம் வாசிக்கப்பட்டவை