மாவட்ட செய்திகள்

மூடப்பட்ட சர்க்கரை ஆலையை திறக்கக்கோரி கரும்பு விவசாயிகள் ஆர்ப்பாட்டம் + "||" + Sugarcane farmers protest to open closed sugar mill

மூடப்பட்ட சர்க்கரை ஆலையை திறக்கக்கோரி கரும்பு விவசாயிகள் ஆர்ப்பாட்டம்

மூடப்பட்ட சர்க்கரை ஆலையை திறக்கக்கோரி கரும்பு விவசாயிகள் ஆர்ப்பாட்டம்
மூடப்பட்ட சர்க்கரை ஆலையை திறக்கக்கோரி மயிலாடுதுறையில் கரும்பு விவசாயிகள் ஆர்ப்பாட்டத்தில் ஈடுபட்டனர்.
மயிலாடுதுறை,

நாகை மாவட்டம் தலைஞாயிறில் என்.பி.கே.ஆர். கூட்டுறவு சர்க்கரை ஆலை உள்ளது. மூடப்பட்ட இந்த ஆலையை மீண்டும் திறக்க கோரி மயிலாடுதுறை தாலுகா அலுவலகம் முன்பு தமிழ்நாடு கரும்பு விவசாய சங்கம் சார்பில் ஆர்ப்பாட்டம் நடந்தது. ஆர்ப்பாட்டத்துக்கு தலைவர் மோகன்ராஜ் தலைமை தாங்கினார். வட்ட தலைவர் காமராஜ், நிர்வாகி ராமலிங்கம் ஆகியோர் முன்னிலை வகித்தனர். முன்னோடி விவசாயிகள் தங்க.காசிநாதன், முருகன், ஓய்வூதியர் சங்க பொறுப்பாளர் ராமகிருஷ்ணன் ஆகியோர் கலந்து கொண்டு மூடப்பட்ட சர்க்கரை ஆலையை திறக்க கோரி பேசினர்.


சி.பி.ஐ. விசாரணை

ஆர்ப்பாட்டத்தில் கலந்து கொண்டவர்கள் மயிலாடுதுறை அருகே மூடப்பட்ட என்.பி.கே.ஆர், ஆர். கூட்டுறவு சர்க்கரை ஆலையை மீண்டும் திறக்க வேண்டும். ஆலை தொழிலாளர்களுக்கு சரிவர வழங்கப்படாமல் உள்ள ஊதியத்தை உடனே வழங்க வேண்டும். சர்க்கரை ஆலையை நஷ்டத்தில் இயங்க வைத்து மூடுவதற்கு காரணமானவர்கள் மீது சி.பி.ஐ. விசாரணை நடத்தி உரிய நடவடிக்கை எடுக்க வேண்டும். ஒரு டன் கரும்புக்கு ரூ 5 ஆயிரம் விலை நிர்ணயம் செய்ய வேண்டும் என்பன உள்ளிட்ட கோரிக்கைகளை வலியுறுத்தி கோஷம் எழுப்பினர். ஆர்ப்பாட்டத்தில் நிர்வாகிகள் கணேசன், இளங்கோ, சுந்தர்ராஜன் மற்றும் பலர் கலந்து கொண்டனர்.

தொடர்புடைய செய்திகள்

1. தேனி கலெக்டர் அலுவலகம் முன்பு உடலில் கரியை பூசி நூதன ஆர்ப்பாட்டம்
தேனி கலெக்டர் அலுவலகம் முன்பு அனைத்து ஓ.பி.சி., டி.என்.டி. சமூகங்கள் நல அமைப்பினர் உடலில் கரியை பூசி நூதன ஆர்ப்பாட்டத்தில் ஈடுபட்டனர்.
2. நுகர்பொருள் வாணிப கழக அலுவலகம் முன்பு நெல்லை தரையில் கொட்டி விவசாயிகள் ஆர்ப்பாட்டம்
போதுமான அளவு கொள்முதல் நிலையங்கள் திறக்க வலியுறுத்தி தஞ்சையில் உள்ள நுகர்பொருள் வாணிபக்கழக முதுநிலை மண்டல அலுவலகம் முன்பு நெல்லை தரையில் கொட்டி விவசாயிகள் ஆர்ப்பாட்டம் செய்தனர்.
3. கழுமலை ஆற்றில் தண்ணீர் திறந்து விடக் கோரி சீர்காழி பொதுப்பணித்துறை அலுவலகத்தை விவசாயிகள் முற்றுகை
கழுமலை ஆற்றில் தண்ணீர் திறந்துவிடக்கோரி சீர்காழி பொதுப்பணித்துறை அலுவலகத்தை விவசாயிகள் முற்றுகையிட்டு அலுவலக நுழைவு வாயில் கேட்டை பூட்டினர்.
4. திருவண்ணாமலையில் கம்யூனிஸ்டு கட்சிகள் ஆர்ப்பாட்டம்
இந்திய கம்யூனிஸ்டு மற்றும் மார்க்சிஸ்ட் கம்யூனிஸ்டு கட்சிகள் சார்பில் திருவண்ணாமலை அறிவொளி பூங்கா அருகில் கோரிக்கைகளை வலியுறுத்தி ஆர்ப்பாட்டம் நடந்தது.
5. மும்மொழி கொள்கைக்கு ஆதரவாக இந்து மகாசபா ஆர்ப்பாட்டம் குமரியில் 200 இடங்களில் நடந்தது
மும்மொழி கொள்கைக்கு ஆதரவாக அகில பாரத இந்து மகா சபா சார்பில் நேற்று குமரி மாவட்டத்தில் 200 இடங்களில் ஆர்ப்பாட்டம் நடந்தது.