மாவட்ட செய்திகள்

திருவொற்றியூரில் மாநகராட்சி தொடக்கப்பள்ளி சுவரில் மெட்ரோ ரெயில் ஓவியம் மாணவர்களை கவர ஆசிரியர்கள் நடவடிக்கை + "||" + Teachers move to impress students with Metro Rail painting on Corporation Primary School wall in Tiruvottiyur

திருவொற்றியூரில் மாநகராட்சி தொடக்கப்பள்ளி சுவரில் மெட்ரோ ரெயில் ஓவியம் மாணவர்களை கவர ஆசிரியர்கள் நடவடிக்கை

திருவொற்றியூரில் மாநகராட்சி தொடக்கப்பள்ளி சுவரில் மெட்ரோ ரெயில் ஓவியம் மாணவர்களை கவர ஆசிரியர்கள் நடவடிக்கை
திருவொற்றியூரில் உள்ள மாநகராட்சி தொடக்கப்பள்ளி சுவரில் மெட்ரோ ரெயில் ஓவியம் வரையப்பட்டு உள்ளது. மாணவர்களை கவர ஆசிரியர்கள் இந்த நடவடிக்கையை எடுத்து உள்ளனர்.
திருவொற்றியூர்,

சென்னை மாநகராட்சி திருவொற்றியூர் மண்டலத்துக்கு உட்பட்ட அன்னை சிவகாமி நகரில் மாநகராட்சி தொடக்கப்பள்ளி உள்ளது. 1 முதல் 5-ம் வகுப்பு வரை ஆங்கில வழி கல்வி கற்பிக்கும் இப்பள்ளியில் 300 மாணவ-மாணவிகள் படித்து வருகின்றனர்.


கடந்த ஆண்டு ஆகஸ்டு மாதம் எண்ணூரில் அனல்மின் நிலையம் அமைக்கும் பணிக்கு தேவையான ராட்சத பிளாஸ்டிக் குழாய்கள் இந்த பள்ளி அருகே வைக்கப்பட்டிருந்தது. அது மர்மமான முறையில் தீப்பிடித்து எரிந்ததால் பள்ளியின் முகப்பு முழுவதும் எரிந்து நாசமானது. இதையடுத்து மாநகராட்சி சார்பில் பள்ளி கட்டிடம் பழுது பார்த்து புதுப்பிக்கப்பட்டது.

மெட்ரோ ரெயில் ஓவியம்

இந்தநிலையில் பள்ளி ஆசிரியர்கள், மாணவர் சேர்க்கையை அதிகரிக்கும் வகையில் மாணவர்களை கவரும் விதமாக பள்ளியை அழகுபடுத்த திட்டமிட்டனர். இதற்காக பள்ளி மாணவர்களின் பெற்றோர் மற்றும் நன்கொடையாளர்கள் உதவியுடன் மாநகராட்சி தொடக்கப்பள்ளி சுவரில் மெட்ரோ ரெயில் போன்று ஓவியம் வரைந்துள்ளனர்.

அதன்படி பள்ளி அலுவலக அறை மெட்ரோ ரெயில் நிலையம் போன்ற தோற்றத்துடனும், 5 வகுப்பறைகளிலும் 5 மெட்ரோ ரெயில் பெட்டிகள் போன்றும், வகுப்பறை வாசல்கள் மெட்ரோ ரெயில் பெட்டியின் நுழைவு வாசல்கள் போன்ற தோற்றத்துடனும் தத்துரூபமாக வண்ணம் தீட்டி உள்ளனர். இது பார்க்க மெட்ரோ ரெயில் நிலையத்தில் இருந்து மெட்ரோ ரெயில் வெளியே வருவதுபோன்று காட்சி அளிக்கிறது.

கூடுதல் ஆசிரியர்கள்

இதனை பொதுமக்கள் ஆச்சரியத்துடன் பார்த்து செல்கின்றனர். அதேபோல் 300 மாணவர்கள் படிக்கும் பள்ளியில் 4 ஆசிரியர்கள் மட்டுமே உள்ளனர்.

எனவே கூடுதலாக மாணவர்களை சேர்க்கவும், அவர்களுக்கு நல்ல முறையில் பாடங் களை கற்றுத்தரவும் கூடுதலாக ஆசிரியர்களை நியமிக்க வேண்டும் என்றும் அப்பகுதி பொதுமக்கள் அரசுக்கு கோரிக்கை விடுத்து உள்ளனர்.

தொடர்புடைய செய்திகள்

1. சென்னையில் புதிய பாலங்கள் கட்ட ரூ.260 கோடி மாநகராட்சி பட்ஜெட்டில் ஒதுக்கீடு
சென்னையில் புதிய பாலங்கள் கட்ட மாநகராட்சி பட்ஜெட்டில் ரூ.260 கோடி ஒதுக்கீடு செய்யப்பட்டுள்ளது.
2. தேசிய முக்கியத்துவம் கருதி பி.எஸ்.எல்.வி. சி-51 ராக்கெட் வெற்றிகரமாக விண்ணில் ஏவ ஒத்துழைப்பு தேவை; சென்னை மாநகராட்சி, பி.எஸ்.என்.எல். நிறுவனத்துக்கு இஸ்ரோ கடிதம்
பி.எஸ்.எல்.வி. சி-51 ராக்கெட் வெற்றிகரமாக விண்ணில் ஏவ தேசிய முக்கியத்துவம் கருதி ஒத்துழைப்பு நல்குமாறு சென்னை மாநகராட்சிக்கும், பி.எஸ்.என்.எல். நிறுவனத்துக்கு இஸ்ரோ கடிதம் எழுதி உள்ளது.
3. கடந்த ஆண்டில் அபுதாபியில், 728 ஆபத்தான பழைய கட்டிடங்கள் இடித்து அகற்றம் மாநகராட்சி தகவல்
அபுதாபி நகரில் கடந்த ஆண்டு 728 ஆபத்தான பழைய கட்டிடங்கள் இடித்து அகற்றப்பட்டுள்ளன என்று அபுதாபி மாநகராட்சி தெரிவித்துள்ளது.
4. செங்குத்து பூங்காக்களை சீரமைக்க தன்னார்வலர்களுக்கு சென்னை மாநகராட்சி அழைப்பு
செங்குத்து பூங்காக்களை சீரமைக்க தன்னார்வலர்களுக்கு சென்னை மாநகராட்சி அழைப்பு.
5. மாநகராட்சியை கைப்பற்றினால் அவுரங்காபாத் நகரின் பெயரை நாங்கள் மாற்றுவோம் - பா.ஜனதா தலைவர் உறுதி
அவுரங்காபாத் மாநகராட்சியை கைப்பற்றினால் அந்த நகரின் பெயரை நாங்கள் சாம்பாஜிநகர் என மாற்றுவோம் என பா.ஜனதா தலைவர் சந்திரகாந்த் பாட்டீல் கூறினார்.