மாவட்ட செய்திகள்

மராட்டியத்தில் தீபாவளி வரை பள்ளிகள் திறப்பு இல்லை அஜித்பவார் தகவல் + "||" + Schools not open till Diwali in Maratha

மராட்டியத்தில் தீபாவளி வரை பள்ளிகள் திறப்பு இல்லை அஜித்பவார் தகவல்

மராட்டியத்தில் தீபாவளி வரை பள்ளிகள் திறப்பு இல்லை அஜித்பவார் தகவல்
மராட்டியத்தில் தீபாவளி வரை பள்ளிகள் திறப்பு இல்லை என்று துணை முதல்-மந்திரி அஜித்பவார் கூறினார்.
மும்பை,

மத்திய அரசு வருகிற 15-ந் தேதிக்கு பிறகு படிப்படியாக பள்ளிகளை திறக்கலாம் என அறிவித்து உள்ளது. இதற்கான வழிகாட்டுதலையும் வழங்கியது. இது தொடர்பாக அந்தந்த மாநிலங்கள் முடிவு எடுத்து கொள்ளலாம் என்றும் அறிவித்தது. இந்தநிலையில் இது தொடர்பாக நேற்று முன்தினம் முதல்-மந்திரி உத்தவ் தாக்கரே தலைமையில் நடந்த மராட்டிய மந்திரிசபை கூட்டத்தில் ஆலோசனை நடத்தப்பட்டது.


அப்போது வருகிற தீபாவளிக்கு பிறகு பள்ளிகளை திறப்பது குறித்து ஆலோசிக்கப்பட்டதாக கூறப்பட்டது.

ஆன்லைன் கல்வி குறித்து ஆய்வு

தற்போது மாநிலத்தில் தொற்று பாதிப்பு அதிகளவில் உள்ளதாலும், நவராத்திரி மற்றும் தீபாவளி கொண்டாட்டத்தின் போது தொற்று பரவல் அதிகரிக்க வாய்ப்பு உள்ளதால் வருகிற 15-ந் தேதிக்கு பிறகு பள்ளிகளை திறப்பது இல்லை என மந்திரி சபை கூட்டத்தில் முடிவு செய்யப்பட்டுள்ளதாக மாநில அரசு வெளியிட்டுள்ள தகவலில் கூறப்பட்டது.

இதேபோல முதல்-மந்திரி உத்தவ் தாக்கரே மாணவர்களுக்கு தற்போது நடத்தப்பட்டு வரும் ஆன்லைன் கல்வி குறித்து ஆய்வு செய்ய பள்ளி கல்வி துறைக்கு உத்தரவிட்டார்.

அஜித்பவார் பேட்டி

இந்த நிலையில் பள்ளிகள் திறப்பு குறித்து நேற்று துணை முதல்-மந்திரி அஜித்பவாரிடம் நிருபர்கள் பேட்டி கண்டனர். அதற்கு அவர் பதிலளித்து கூறியதாவது:-

தீபாவளி முடியும் வரை மராட்டியத்தில் பள்ளிகள் திறக்கப்படாது. அதன் பிறகு பள்ளிகளை திறப்பதற்கான சாத்திய கூறுகள் குறித்து முதல்-மந்திரி ஆலோசித்து முடிவு எடுப்பார். சில மாநிலங்கள் அவசர கதியில் பள்ளிகளை திறந்தன. அந்த மாநிலங்களில் மாணவர்கள் கொரோனா தொற்றால் பாதிக்கப்பட்டு உள்ளனர். இதனால் மீண்டும் பள்ளிகளை மூடும் சூழ்நிலைக்கு தள்ளப்பட்டு உள்ளனர்.

இவ்வாறு அவர் கூறினார்.

தொடர்புடைய செய்திகள்

1. வாக்குச்சாவடிகளில் ஓட்டு போட கொரோனா நோயாளிகளுக்கு சிறப்பு வசதி தலைமை தேர்தல் அதிகாரி தகவல்
கொரோனா நோயாளிகள் ஓட்டு போடுவதற்கு வாக்குச்சாவடிகளில் சிறப்பு ஏற்பாடுகள் செய்யப்பட்டு வருகின்றன என்று தலைமை தேர்தல் அதிகாரி சத்யபிரத சாகு கூறினார்.
2. 11-ந் தேதி தி.மு.க. தேர்தல் அறிக்கை மு.க.ஸ்டாலின் தகவல்
தி.மு.க.வின் சட்டமன்ற தேர்தல் அறிக்கை 11-ந் தேதி வெளியிடப்படும் என்றும், மே 2-ந்தேதி மக்கள் எழுதும் வெற்றி தீர்ப்பை கட்டியம் கூறும் நாளாக இருக்கும் என்றும் மு.க.ஸ்டாலின் தெரிவித்துள்ளார்.
3. ஓட்டுக்கு பணம் கொடுப்பதை தடுக்க 702 பறக்கும் படைகள் அமைப்பு தலைமை தேர்தல் அதிகாரி தகவல்
தமிழக சட்டசபை தேர்தலில் ஓட்டுக்கு பணம் கொடுப்பதை தடுக்க ஒவ்வொரு தொகுதிக்கும் தலா 3 பறக்கும் படை வீதம் மொத்தம் 702 பறக்கும் படைகள் அமைக்கப்படும் என்று தலைமை தேர்தல் அதிகாரி கூறினார்.
4. அமீரகம் ஒரு நாடல்ல; உலகமாக திகழ்ந்து வருகிறது துணை அதிபர் டுவிட்டரில் தகவல்
அமீரகம் உலகில் ஒரு நாடல்ல. மாறாக நாட்டில் ஒரு உலகமாக திகழ்ந்து வருகிறது என்று அமீரக துணை அதிபர் மேதகு ஷேக் முகம்மது பின் ராஷித் அல் மக்தூம் தெரிவித்துள்ளார்.
5. தியாகராயநகர், மயிலாப்பூர் பகுதிகளில் விரைவில் பணிகள் தொடங்க திட்டம் மெட்ரோ ரெயில் நிறுவன அதிகாரிகள் தகவல்
தியாகராயநகர், கோடம்பாக்கம், மயிலாப்பூர் பகுதிகளில் 2-வது கட்ட மெட்ரோ ரெயில் சேவைக்கான பணிகள் விரைவில் தொடங்கப்பட உள்ளதாக சென்னை மெட்ரோ ரெயில் நிறுவன அதிகாரிகள் தெரிவித்து உள்ளனர்.