மாவட்ட செய்திகள்

போக்குவரத்து நெரிசலால் வாகன ஓட்டிகள் அவதி பெங்களூருவில் பலத்த மழை + "||" + Heavy rains in Bangalore due to traffic congestion

போக்குவரத்து நெரிசலால் வாகன ஓட்டிகள் அவதி பெங்களூருவில் பலத்த மழை

போக்குவரத்து நெரிசலால் வாகன ஓட்டிகள் அவதி பெங்களூருவில் பலத்த மழை
பெங்களூருவில் பலத்த மழை பெய்தது. சாலைகளில் வெள்ளம் தேங்கி போக்குவரத்து நெரிசல் ஏற்பட்டதால் வாகன ஓட்டிகள் அவதிப்பட்டனர்.
பெங்களூரு, 

பெங்களூருவில் கடந்த 4 நாட்களாக மாலை நேரங்களில் மழை பெய்து வருகிறது. இதனால் தாழ்வான பகுதிகளில் உள்ள குடியிருப்பு உள்பட பல்வேறு கட்டிடங்களில் மழைநீர் புகுந்து பெரும் பாதிப்புகளை ஏற்படுத்தியது. இந்த நிலையில் நேற்று பெங்களூருவில் காலை முதலே மேகமூட்டம் இருந்தது. மாலை 5 மணியளவில் கருமேகங்கள் ஒன்றுகூடி மழை பெய்யத்தொடங்கியது. ஒரு மணி நேரத்திற்கும் மேல் பலத்த மழை பெய்தது.

குறிப்பாக ஒசகெரேஹள்ளி, பீயா, பனசங்கரி உள்ளிட்ட பகுதிகளில் அதிக மழை பெய்தது. இதன் காரணமாக தாழ்வான பகுதிகளில் வெள்ளம் தேங்கியது. மேலும் அந்த பகுதிகளில் இருந்த குடியிருப்பு கட்டிடங்களில் மழைநீர் புகுந்து பாதிப்புகளை ஏற்படுத்தியது. அந்த வீடுகளில் இருந்தவர்கள் வீட்டுக்குள் வந்த மழைநீரை பாத்திரங்களில் எடுத்து வெளியேற்றினர். நகரின் பல்வேறு சாலைகளில் ஆங்காங்கே வெள்ளம் தேங்கி நின்றது.

சாலைகள் பழுதாகிவிட்டன

இதன் காரணமாக மெஜஸ்டிக், அரண்மனை ரோடு உள்ளிட்ட பகுதிகளில் போக்குவரத்து நெரிசல் உண்டானது. இதனால் வாகன ஓட்டிகள் அவதிப்பட்டனர். ஒகலிபுரம் உள்ளிட்ட பல்வேறு பகுதிகளில் உள்ள சுரங்க பாதைகளில் மழைநீர் முழங்கால் உயரத்திற்கு தேங்கி நின்றது. இதனால் வாகன ஓட்டிகள் அந்த சுரங்க பாதைகளை கடந்து செல்ல சிரமப்பட்டனர். தொடர் மழை காரணமாக நகர சாலைகள் பழுதாகிவிட்டன.

ஆங்காங்கே குழி ஏற்பட்டு, வாகன ஓட்டிகளை பதம் பார்த்து வருகிறது. மழையால் ஏற்பட்டுள்ள குழிகளை மூட வேண்டும் என்று வாகன ஓட்டிகள் கோரிக்கை விடுத்துள்ளனர். மழை ஒரு புறம் பாதிப்புகளை ஏற்படுத்தினாலும், இன்னொருபுறம் 2 ஆண்டுகளுக்கு பிறகு வழக்கமான மழை பெய்து வருவது மக்களை மகிழ்ச்சியில் ஆழ்த்தியுள்ளது.

தொடர்புடைய செய்திகள்

1. வேதாரண்யம், வாய்மேடு பகுதியில் 2-வது நாளாக கொட்டித்தீர்த்த மழை விவசாயிகள் மகிழ்ச்சி
வேதாரண்யம், வாய்மேடு பகுதியில் 2-வது நாளாக கொட்டித்தீர்த்த மழையால் விவசாயிகள் மகிழ்ச்சி அடைந்து உள்ளனர்.
2. ஆஸ்திரேலியாவில் 50 ஆண்டுகளில் இல்லாத வகையில் மழை, வெள்ளம்; ஆயிரக்கணக்கான மக்கள் பாதுகாப்பான இடங்களுக்கு வெளியேற்றம்
ஆஸ்திரேலியாவின் கிழக்கு கடற்கரை பகுதிகளில், கடந்த சில நாட்களாக, கனமழை பெய்து வருகிறது. குறிப்பாக நியூ சவுத்வேல்ஸ் மாகாணத்தில் கடந்த 50 ஆண்டுகளில் இல்லாத வகையில் பேய் மழை கொட்டி வருகிறது.
3. தூத்துக்குடியில் மக்களுக்கு அச்சத்தை ஏற்படுத்திய சாரல் மழை
தூத்துக்குடியில் நேற்று காலையில் பெய்த சாரல் மழை, மக்களுக்கு அச்சத்தை ஏற்படுத்தியது.
4. பழனி அருகே பலத்த மழை: தரைப்பாலத்தை வெள்ளம் அடித்து சென்றதால் பிணத்தை சுமந்து சென்ற கிராம மக்கள்
பழனி அருகே பலத்த மழை காரணமாக தரைப்பாலத்தை வெள்ளம் அடித்து சென்றதால் கிராம மக்கள் ஆற்றில் இறங்கி பிணத்தை சுடுகாட்டுக்கு சுமந்து சென்றனர்.
5. தொடர் மழை: பெருஞ்சாணி அணை நீர் மட்டம் 72 அடியை தொட்டது
குமரி மாவட்டத்தில் தொடர்ந்து மழை பெய்து வருகிறது. இதனால் பெருஞ்சாணி அணை நீர் மட்டம் 72 அடியை தொட்டது.