மாவட்ட செய்திகள்

கர்நாடக முதல்-மந்திரி எடியூரப்பா கூறினால் மந்திரி பதவியை ராஜினாமா செய்ய தயார்: மந்திரி ஆனந்த்சிங் + "||" + Karnataka Chief-Minister Eduyurappa says we are ready to resign: Anand Singh

கர்நாடக முதல்-மந்திரி எடியூரப்பா கூறினால் மந்திரி பதவியை ராஜினாமா செய்ய தயார்: மந்திரி ஆனந்த்சிங்

கர்நாடக முதல்-மந்திரி எடியூரப்பா கூறினால் மந்திரி பதவியை ராஜினாமா செய்ய தயார்: மந்திரி ஆனந்த்சிங்
முதல்-மந்திரி எடியூரப்பா கூறினால் மந்திரி பதவியை ராஜினாமா செய்ய தயாராக இருப்பதாக ஆனந்த்சிங் தெரிவித்தார்.
மந்திரி பதவி கிடைக்கும்

கர்நாடக வனம் மற்றும் சுற்றுச்சூழல் துறை மந்திரி ஆனந்த்சிங் பல்லாரியில் நேற்று நிருபர்களுக்கு பேட்டி அளிக்கையில் கூறியதாவது:-

கர்நாடகத்தில் பா.ஜனதா ஆட்சி அமைய காரணமாக இருந்த எங்களுக்கு எடியூரப்பா மந்திரி பதவி வழங்கியுள்ளார். மீதமுள்ளவர்களுக்கும் மந்திரி பதவி கிடைக்கும் என்ற நம்பிக்கை உள்ளது.

நான் பல்லாரி மாவட்டத்தை 2 ஆக பிரித்து விஜயநகர் மாவட்டத்தை உருவாக்க வேண்டும் என்று கோரிக்கை விடுத்தேன். அந்த கோரிக்கையை நிறைவேற்றுவதாக முதல்-மந்திரி உறுதி அளித்தார். அதனால் நான் பா.ஜனதாவுக்கு வந்தேன்.

ராஜினாமா செய்ய தயார்
எனக்கு மந்திரி பதவியும் கிடைத்துள்ளது. பல்லாரி மாவட்டமும் 2 ஆக பிரிக்கப்பட்டுள்ளது. அந்த மாவட்டத்தை பிரிக்க வேண்டும் என்பது தான் எனது மிக முக்கியமான கோரிக்கை.

அந்த கோரிக்கை நிறைவேறியுள்ளது. தற்போது மந்திரிசபை விரிவாக்கம் நடைபெற உள்ளது. மந்திரி பதவிக்கு போட்டி அதிகமாக இருப்பதாக நீங்கள் சொல்கிறீர்கள். எடியூரப்பா கேட்டுக் கொண்டால் நான் மந்திரி பதவியை ராஜினாமா செய்ய தயாராக இருக்கிறேன்.

இவ்வாறு ஆனந்த்சிங் கூறினார்.

தொடர்புடைய செய்திகள்

1. எடியூரப்பா மீது அதிருப்தி இல்லை, மந்திரி பதவி கிடைக்காதது வேதனை அளிக்கிறது; ரேணுகாச்சார்யா எம்.எல்.ஏ. பேட்டி
மந்திரி பதவி கிடைக்காதது வேதனை அளிப்பதாகவும், முதல்-மந்திரி எடியூரப்பா மீது அதிருப்தி இல்லை என்றும் ரேணுகாச்சார்யா எம்.எல்.ஏ. தெரிவித்துள்ளார்.
2. கர்நாடக பகுதிகளை மராட்டியத்துடன் இணைப்போம் என்பதா? உத்தவ் தாக்கரேவுக்கு எடியூரப்பா கண்டனம்
மராத்தி பேசும் மக்கள் வசிக்கும் கர்நாடக பகுதிகளை மராட்டியத்துடன் இணைப்போம் என முதல்-மந்திரி உத்தவ் தாக்கரே கூறியதற்கு எடியூரப்பா கடும் கண்டனம் தெரிவித்துள்ளார்.
3. அமித்ஷாவுடன் எடியூரப்பா சந்திப்பு; முதல்-மந்திரி பதவியில் இருந்து விலக வலியுறுத்தியதாக பரபரப்பு
கட்சி மேலிடம் அழைப்பின் பேரில் டெல்லி சென்றுள்ள கர்நாடக முதல்-மந்திரி எடியூரப்பா, உள்துறை மந்திரி அமித்ஷாவை நேற்று நேரில் சந்தித்து பேசினார்.
4. எடியூரப்பாவுக்கு 118 எம்.எல்.ஏ.க்கள் ஆதரவு: துணை முதல்-மந்திரி கோவிந்த் கார்ஜோள் பேட்டி
யத்னால், உமேஷ் கட்டியை தவிர்த்து முதல்-மந்திரி எடியூரப்பாவுக்கு, 118 எம்.எல்.ஏ.க்கள் ஆதரவு அளித்துள்ளனர் என்று துணை முதல்-மந்திரி கோவிந்த் கார்ஜோள் தெரிவித்துள்ளார்.
5. இரவு ஊரடங்கின் போது நீண்ட தூரம் செல்லும் பேருந்துகளுக்கு அனுமதி உண்டா? கர்நாடக அரசு விளக்கம்
கர்நாடகாவில் நாளை (டிச.24) இரவு முதல் ஜனவரி 2 ஆம் தேதி வரை இரவு நேர ஊரடங்கு அமல்படுத்தப்பட்டுள்ளது.