மாவட்ட செய்திகள்

கொரோனா செலவு விவரங்களை 20 நாட்களில் தெரிவிக்க வேண்டும்; புதுவை அரசுக்கு தேசிய தகவல் அறியும் ஆணையம் உத்தரவு + "||" + Corona cost details must be reported within 20 days; Order of the National Information Commission

கொரோனா செலவு விவரங்களை 20 நாட்களில் தெரிவிக்க வேண்டும்; புதுவை அரசுக்கு தேசிய தகவல் அறியும் ஆணையம் உத்தரவு

கொரோனா செலவு விவரங்களை 20 நாட்களில் தெரிவிக்க வேண்டும்; புதுவை அரசுக்கு தேசிய தகவல் அறியும் ஆணையம் உத்தரவு
கொரோனா செலவு தொகைக்கான விவரங்களை 20 நாட்களில் அளிக்க வேண்டும் என்று புதுவை அரசுக்கு தேசிய தகவல் அறியும் ஆணையம் உத்தரவிட்டுள்ளது.

கொரோனா

கொரோனா தொற்று நாடு முழுவதும் கடந்த ஆண்டு மார்ச் மாதம் பரவத் தொடங்கியது. புதுவை மாநிலத்தில் கொரோனாவால் பாதிக்கப்பட்ட மக்களுக்கு அரசு சார்பில் இலவச சிகிச்சை அளிக்கப்பட்டு வருகிறது.இதற்காக புதுவை அரசு சுகாதாரத்துறை சார்பில் வெண்டிலேட்டர்கள், சோதனை கருவிகள், பாதுகாப்பு கவச உடைகள், மருந்துகள் உள்ளிட்ட அத்தியாவசிய பொருட்கள் கொள்முதல் செய்யப்பட்டன.

இந்த நிலையில் கடந்த ஆண்டு ஜூன் மாதம் தகவல் அறியும் உரிமை சட்டத்தில் சவுரவ்தாஸ் என்பவர் புதுச்சேரி சுகாதாரத்துறையிடம், கொரோனாவுக்கு செலவிடப்பட்ட தொகை, வாங்கிய சாதனங்கள், மருந்து தொடர்பான விவரங்கள் மற்றும் கொள்முதல் செய்த நிறுவனங்கள் குறித்த தகவல்களை கேட்டிருந்தார்.

மேல்முறையீடு

தகவல் அளிக்கும் அதிகாரி ரமே‌‌ஷ், மனுதாரருக்கு தேவையான பதில் சுகாதார இணைய தளத்தில் உள்ளது என்று கூறி, உரிய பதில் அளிக்கவில்லையாம். எனவே அவர் சுகாதாரத்துறை இயக்குனரிடம் மேல்முறையீடு செய்தார். இதனை தொடர்ந்து அவர் மனுதாரருக்கு அளித்த பதிலில், இணைய தளத்தில் தகவல்கள் உள்ளன. இன்னும் சாதனங்கள், மருந்துகள் வாங்கி வருவதால் முழு விவரங்களையும் வெளியிட இயலாது என்று தெரிவித்தனர்.

எனவே மனுதாரர் சவுரவ்தாஸ் இது குறித்து டெல்லியில் உள்ள தேசிய தகவல் அறியும் ஆணையத்தில் மேல்முறையீடு செய்தார். மேல்முறையீட்டு ஆணையம் மனுதாரர் கோரிய விவரங்களை தர கடந்த ஜனவரி மாதம் புதுச்சேரி சுகாதார துறைக்கு உத்தரவிட்டது. ஆனால் 3 மாதங்கள் ஆகியும் புதுச்சேரி சுகாதாரத்துறை அதற்கான விவரங்களை தரவில்லை.

20 நாட்களுக்குள்...

இதனை தொடர்ந்து சவுரவ்தாஸ் மீண்டும் தேசிய தகவல் அறியும் ஆணையத்தில் முறையிட்டார். அதன்பேரில் கடந்த மார்ச் மாதம் 25-ந் தேதி மத்திய தகவல் ஆணைய துணை பதிவாளர் ராவ், புதுவை சுகாதார துறைக்கு ஒரு உத்தரவை பிறப்பித்துள்ளார்.

அதில், தேசிய தகவல் அறியும் ஆணைய உத்தரவை புதுவை சுகாதாரத்துறை மதிக்கவில்லை. விண்ணப்பதாரர் கேட்டுள்ள அனைத்து விவரங்களையும் மனுதாரருக்கும், மத்திய தகவல் ஆணையத்திற்கும் இந்த கடிதம் கிடைத்த 20 நாட்களுக்குள் தர வேண்டும் என்று குறிப்பிட்டுள்ளார்.


தொடர்புடைய செய்திகள்

1. அட்வகேட் ஜெனரலாக மூத்த வக்கீல் ஆர்.சண்முகசுந்தரம் நியமனம் தமிழக அரசு உத்தரவு
தமிழக அட்வகேட் ஜெனரலாக மூத்த வக்கீல் ஆர்.சண்முக சுந்தரம் நியமிக்கப்பட்டுள்ளார்.
2. கொரோனா முதல் தவணை நிவாரண தொகை ரூ.2 ஆயிரம் 15-ந் தேதியில் இருந்து வழங்கப்பட வேண்டும் கலெக்டர்களுக்கு அரசு உத்தரவு
கொரோனா முதல் தவணை நிவாரண தொகை ரூ.2 ஆயிரம் 15-ந் தேதியில் இருந்து வழங்கப்பட வேண்டும் என்று தமிழக அரசு உத்தரவிட்டுள்ளது.
3. பிறர் மனம் புண்படாமல் மதம் சார்ந்த ஊர்வலங்கள் அனைத்து சாலைகள் வழியாக நடத்தப்பட வேண்டும் ஐகோர்ட்டு உத்தரவு
மாற்று மதத்தினரின் மனம் புண்படாமல், எல்லா மதங்கள் சார்ந்த ஊர்வலங்கள் அனைத்து சாலைகள், தெருக்கள் வழியாக எந்தக் கட்டுப்பாடுகளும் இல்லாமல் நடத்தப்படவேண்டும் என்று சென்னை ஐகோர்ட்டு உத்தரவிட்டுள்ளது.
4. ஆக்சிஜன் பற்றாக்குறையால் ஒருவரும் உயிரிழக்க கூடாது: அதிகாரிகளுக்கு கெஜ்ரிவால் உத்தரவு
ஆக்சிஜன் பற்றாக்குறையால் ஒருவரும் உயிரிழக்க கூடாது என அதிகாரிகளுக்கு டெல்லி முதல் மந்திரி கெஜ்ரிவால் உத்தரவிட்டு உள்ளார்.
5. கொரோனா தொற்றால் ஏற்பட்ட சிரமங்களைக் குறைக்கும் வகையில் மக்களின் வாழ்வாதாரத்திற்கு உதவ முதல் தவணையாக ரூ.2 ஆயிரம் தமிழக அரசு உத்தரவு
கொரோனா தொற்றால் ஏற்பட்ட சிரமங்களைக் குறைத்து, வாழ்வாதாரத்திற்கு உதவும் விதமாக முதல் தவணையாக ரூ.2 ஆயிரம் நிவாரணத்தொகையை மக்களுக்கு வழங்குவதற்கான அரசாணையை தமிழக அரசு வெளியிட்டுள்ளது.