திருவள்ளூர் அருகே லோடு ஆட்டோ மோதி கட்டிட தொழிலாளி பலி

திருவள்ளூரை அடுத்த திருப்பாச்சூர் கோட்டை காலனி பெருமாள் கோவில் தெருவை சேர்ந்தவர் கலையரசன் (வயது 40). இவர் கட்டிட தொழிலாளி. இந்த நிலையில் இவர், கடந்த 1-ந் தேதியன்று வேலையை முடித்துவிட்டு தனது வீடு நோக்கி திருப்பாச்சூர் சாலையோரம் நடந்து சென்று கொண்டிருந்தார். அப்போது பின்னால் வேகமாக வந்த லோடு ஆட்டோ ஒன்று எதிர்பாராதவிதமாக அவர் மீது மோதியது. இதில் பலத்த காயமடைந்த அவர், சம்பவ இடத்திலேயே பரிதாபமாக இறந்து போனார்.