மாவட்ட செய்திகள்

நடத்தையில் ஏற்பட்ட சந்தேகத்தால் இளம்பெண் கழுத்தை நெரித்து கொலை + "||" + Suspect strangled to death by teenager

நடத்தையில் ஏற்பட்ட சந்தேகத்தால் இளம்பெண் கழுத்தை நெரித்து கொலை

நடத்தையில் ஏற்பட்ட சந்தேகத்தால் இளம்பெண் கழுத்தை நெரித்து கொலை
நடத்தையில் ஏற்பட்ட சந்தேகத்தால் இளம்பெண் கழுத்தை நெரித்து கொலை செய்யப்பட்டார். தப்பி ஓடிய வாலிபரை போலீசார் தேடி வருகின்றனர்.
செங்குன்றம்,

சென்னையை அடுத்த புழல் லட்சுமி அம்மன் கோவில் 2-வது தெருவைச் சேர்ந்தவர் தமிழரசன் (வயது 32). இவருக்கு திருமணமாகி விட்டது. மனைவியை பிரிந்து வாழ்ந்தார்.

தமிழரசனுக்கு, சபரிதா (28) என்ற பெண்ணுடன் பழக்கம் ஏற்பட்டது. சபரிதாவுக்கும் ஏற்கனவே திருமணமாகிவிட்டது. கணவரை பிரிந்து தனியாக வாழ்ந்து வந்தார்.


கடந்த 6 மாதமாக தமிழரசன்-சபரிதா இருவரும் திருமணம் செய்து கொள்ளாமலேயே இந்த வீட்டில் கணவன்-மனைவிபோல் சோ்ந்து வாழ்ந்து வந்தனர்.

கழுத்தை நெரித்து கொலை

சபரிதா, செல்போனில் அடிக்கடி யாருடனோ பேசி வந்ததாக கூறப்படுகிறது. இதனால் தமிழரசனுக்கு சபரிதா நடத்தையில் சந்தேகம் ஏற்பட்டது. இது தொடர்பாக அவர்களுக்குள் தகராறு ஏற்பட்டது.

இதில் ஆத்திரம் அடைந்த தமிழரசன், நேற்று காலை சபரிதாவின் கழுத்தை நெரித்து கொலை செய்தார். பின்னர் அங்கிருந்து தப்பி ஓடிவிட்டார். இதுபற்றி அக்கம் பக்கத்தினர் அளித்த தகவலின்பேரில் புழல் போலீஸ் இன்ஸ்பெக்டர் (பொறுப்பு) ரமேஷ் மற்றும் போலீசார் சம்பவ இடத்துக்கு சென்று கொலையான சபரிதா உடலை கைப்பற்றி பிரேத பரிசோதனைக்காக சென்னை அரசு ஸ்டான்லி ஆஸ்பத்திரிக்கு அனுப்பி வைத்தனர்.

மேலும் இதுபற்றி போலீசார் வழக்குப்பதிவு செய்து தப்பி ஓடிய தமிழரசனை தேடி வருகின்றனர். தமிழரசன் மீது மீஞ்சூர், காட்டூர் ஆகிய போலீஸ் நிலையங்களில் கொலை, கொலை முயற்சி, அடிதடி ஆகிய வழக்குகள் இருப்பதாக போலீசார் தெரிவித்தனர்.

தொடர்புடைய செய்திகள்

1. 4 வயது சிறுவனை கொடூரமாக கொன்றது ஏன்? கைதான பெண் பரபரப்பு வாக்குமூலம்
கழுத்தை இறுக்கியும், மூச்சை திணறடித்தும் 4 வயது சிறுவனை கொடூரமாக கொன்றது ஏன்? என்பது குறித்து கைதான பெண் போலீசில் பரபரப்பு வாக்குமூலம் கொடுத்துள்ளார்.
2. திருமணம் செய்ய தப்பி ஓடிய நக்சலைட் ஜோடி கொலை...!
திருமணம் செய்ய தப்பி ஓடிய நக்சலைட் ஜோடி கொலை செய்யப்பட்டனர்.
3. போலீஸ் நிலையம் எதிரே பயங்கரம்: வெடிகுண்டு வீசி வாலிபர் படுகொலை - காய்கறி கடைக்காரரும் வெட்டிக்கொலை
செங்கல்பட்டு போலீஸ்நிலையம் எதிரே வெடிகுண்டு வீசி வாலிபர் படுகொலை செய்யப்பட்டார். காய்கறி கடைக்காரரும் வெட்டிக்கொலை செய்யப்பட்டார்.
4. குளத்தில் மீன் பிடிக்க குத்தகை எடுத்ததில் மோதல் வாலிபர் துப்பாக்கியால் சுட்டு கொலை
திண்டுக்கல்லில், குளத்தில் மீன் பிடிக்க குத்தகை எடுத்ததில் ஏற்பட்ட மோதலில் துப்பாக்கியால் சுட்டு வாலிபர் படுகொலை செய்யப்பட்டார். இதுதொடர்பாக 4 பேரை போலீசார் கைது செய்தனர்.
5. மாமியாரை கத்தியால் குத்தி கொன்று எரித்த மருமகள்
மாமியாரை கத்தியால் குத்தி கொலை செய்து எரித்த மருமகளை போலீசார் கைது செய்தனர். கியாஸ் கசிந்து தீ விபத்தில் அவர் இறந்ததாக நாடகமாடியது அம்பலமானது.