தேசிய செய்திகள்

400–க்கும் மேற்பட்ட பெண்களிடம் பணம் மோசடி செய்த வாலிபர் கைது + "||" + Money laundering arrested the young men to women

400–க்கும் மேற்பட்ட பெண்களிடம் பணம் மோசடி செய்த வாலிபர் கைது

400–க்கும் மேற்பட்ட பெண்களிடம் பணம் மோசடி செய்த வாலிபர் கைது
மந்திரி மகள் உள்பட 400–க்கும் மேற்பட்ட பெண்களிடம் கோடிக்கணக்கில் பணமோசடி செய்த வாலிபர் கைது செய்யப்பட்டார்.

காக்கிநாடா,

ஆந்திர மாநிலம் கிழக்கு கோதாவரி மாவட்டம் ராஜமகேந்திரவரம் பகுதியை சேர்ந்தவர் வம்சி கிருஷ்ணா (வயது 28). பி.டெக் படித்து வந்த அவர் தன் படிப்பை பாதியில் நிறுத்தி விட்டு தனியார் நிறுவனத்தில் வேலை பார்த்து வந்தார்.

மிகவும் ஆடம்பரமாக வாழ ஆசைப்பட்ட அவர் முகநூலில் அழகான வாலிபர்களின் புகைப்படத்தை அனுப்பி, அதை தன்னுடைய படம் என்றும், வசதியான குடும்பதை சேர்ந்தவர் என்றும் நம்ப வைத்து இளம்பெண்களை தன் காதல் வலையில் விழ வைத்தார்.

நன்கு பழகிய பணக்கார பெண்களிடம் வீடியோ காலில் பேசி தன்னுடைய வியாபாரத்துக்கு அவசரமாக பணம் தேவை என்று கூறி கோடிக்கணக்கில் பணத்தை வாங்கி உள்ளார். மேலும் பல பெண்களிடம் வேலை வாங்கி தருவதாக கூறி பணம், நகையை பெற்றுள்ளார்.

அவ்வாறு ஏமாற்றி வாங்கிய பணத்தை கிரிக்கெட் சூதாட்டம், குதிரை பந்தயம் என ஆடம்பர செலவு செய்து வந்தார். அவரிடம் ஏமாந்த பெண்கள் சிலர் கொடுத்த புகாரின் பேரில் கடந்த ஆண்டு ஐதராபாத் போலீசாரால் வம்சி கிருஷ்ணா கைது செய்யப்பட்டார்.

பின்னர் ஜாமீனில் வெளியே வந்து தலைமறைவானார். அதன் பிறகும் அவர் பல பெண்களுக்கு காதல் வலைவீசி பணம், நகைகளை பறித்து உள்ளார். மருத்துவ கல்லூரி மாணவி ஒருவரிடம் 6 மாதத்துக்கு முன்பு பணம், நகையை ஏமாற்றி பெற்றுள்ளார்.

இது குறித்து போலீசார் வழக்குப்பதிவு செய்து அவரை தேடி வந்தனர். அவர் மீது ஐதராபாத், கம்மம், நிஜாமாபாத் உள்பட பல்வேறு போலீஸ் நிலையங்களில் மோசடி வழக்குகள் பதிவு செய்யப்பட்டன. கடந்த 6 மாதங்களில் 25 சிம்கார்டுகளை பயன்படுத்தி பெண்களிடம் பண மோசடி செய்துள்ளார். இந்நிலையில் காக்கிநாடா ரெயில் நிலையத்தில் அவரை போலீசார் கையும் களவுமாக பிடித்து கைது செய்தனர்.

விசாரணையில் தெலுங்கானா மந்திரி ஒருவரின் மகள் மற்றும் ஆந்திர மாநில எம்.பி., எம்.எல்.ஏ.க்களின் மகள்கள் உள்பட ஆந்திரா, தெலுங்கானா மாநிலங்களில் 400–க்கும் மேற்பட்ட பெண்களை ஏமாற்றி ரூ.4 கோடிக்கும் மேல் வம்சி கிருஷ்ணா பணம் பறித்தது தெரியவந்தது. அவரிடம் இருந்து ரூ.1.10 லட்சம் மதிப்புள்ள நகைகள் பறிமுதல் செய்யப்பட்டன.



தொடர்புடைய செய்திகள்

1. குடிநீர் வினியோக ஒப்பந்தம் தனியாருக்கு வழங்கியதை கண்டித்து மாநகராட்சி மண்டல அலுவலகங்கள் முற்றுகை, 794 பேர் கைது
குடிநீர் வினியோக ஒப்பந்தத்தை தனியாருக்கு வழங்கியதை கண்டித்து மாநகராட்சி மண்டல அலுவலகங்களை முற்றுகையிட்ட பல்வேறு அமைப்புகளை சேர்ந்த 794 பேர் கைதுசெய்யப்பட்டனர்.
2. அரசு வேலை வாங்கி தருவதாக கூறி ரூ.50 லட்சம் மோசடி; வாலிபர் கைது
வளசரவாக்கத்தில் அரசு வேலை வாங்கி தருவதாக கூறி ரூ.50 லட்சம் வரை மோசடியில் ஈடுபட்ட வாலிபரை போலீசார் கைது செய்தனர்.
3. கோவில் திருவிழாவில் நகைப்பறிப்பில் ஈடுபட்ட 3 பெண்கள் கைது
பாந்திரா மலை மாதா கோவில் திருவிழாவில் நகைப்பறிப்பில் ஈடுபட்ட தமிழகத்தை சேர்ந்த 3 பெண்கள் கைது செய்யப்பட்டனர்.
4. தொழில் அதிபரிடம் ரூ.23 லட்சம் மோசடி: புதுடெல்லியை சேர்ந்த 3 பேர் மீது வழக்கு
இளையான்குடி அருகே தனியார் வங்கி கையகப்படுத்திய நிலத்தை தொழில் அதிபரிடம் ஏமாற்றி விற்று ரூ.23 லட்சம் மோசடி செய்த புதுடெல்லியை சேர்ந்த 3 பேரை போலீசார் தேடிவருகின்றனர்.
5. தேசிய பாதுகாப்பு சட்டத்தின்கீழ் எச்.ராஜாவை கைது செய்ய வேண்டும் முத்தரசன் வலியுறுத்தல்
தேசிய பாதுகாப்பு சட்டத்தின் கீழ் எச்.ராஜாவை கைது செய்ய வேண்டும் என்று முத்தரசன் வலியுறுத்தினார்.