ஜமகண்டி சட்டசபை இடைத்தேர்தல்; காங்கிரஸ் வேட்பாளர் சித்து யமகவுடா வெற்றி

பெங்களூரு,

கர்நாடகாவில் பெல்லாரி, ஷிமோகா, மாண்டியா ஆகிய 3 மக்களவை தொகுதிகளுக்கும், ராம்நகர், ஜமகண்டி ஆகிய 2 சட்டப்பேரவை  தொகுதிகளுக்கும் கடந்த 3ந்தேதி இடைத்தேர்தல் நடைபெற்றது.

இந்த தேர்தலில் நக்சல்கள் அச்சுறுத்தலை அடுத்து பாதுகாப்பு பணிக்காக சுமார் 20 ஆயிரம் போலீசார் ஈடுபடுத்தப்பட்டு இருந்தனர்.

இந்த நிலையில், இந்த 5 இடைத்தேர்தலுக்கான வாக்கு எண்ணிக்கை இன்று காலை தொடங்கி நடைபெற்று வருகிறது.

இதில், ஜமகண்டி சட்டசபை இடைத்தேர்தலில் காங்கிரஸ் வேட்பாளர் சித்து யமகவுடா 39,480 வாக்குகள் வித்தியாசத்தில் வெற்றி பெற்றுள்ளார்.  

இதேபோன்று ராம்நகரில் மதசார்பற்ற ஜனதா தள வேட்பாளர் அனிதா குமாரசாமி 1 லட்சத்து 5 ஆயிரத்து 294 வாக்குகள் முன்னிலையில் உள்ளார்.

காங்கிரஸ் கட்சியின் உக்ரப்பா, பெல்லாரி தொகுதியில் 2 லட்சத்து 14 ஆயிரத்து 48 வாக்குகள் வித்தியாசத்தில் முன்னிலை வகிக்கிறார்.  மதசார்பற்ற ஜனதாதள கட்சியின் சிவராமகவுடா 2 லட்சத்து 33 ஆயிரத்து 517 வாக்குகள் வித்தியாசத்தில் மாண்டியா தொகுதியில் முன்னிலை வகிக்கிறார்.  பாரதீய ஜனதாவின் ராகவேந்திரா, ஷிமோகா தொகுதியில் 47,388 வாக்குகள் வித்தியாசத்தில் முன்னிலை வகிக்கிறார்.