<
காஷ்மீரை போர்க்களமாக மாற்ற ஒருபோதும் அனுமதிக்க மாட்டோம்: மெகபூபா முப்தி
தேர்தல் ஆதாயத்துக்காக, ஜம்மு-காஷ்மீரை போர்க்களமாக மாற்ற அனுமதிக்க மாட்டோம் என்று மெகபூபா முப்தி தெரிவித்தார்.
ஸ்ரீநகர்,
ஸ்ரீநகரில் செய்தியாளர்களுக்கு பேட்டி அளித்த மக்கள் ஜனநாயக கட்சியின் தலைவரும் ஜம்மு காஷ்மீர் முன்னாள் முதல் மந்திரியுமான மெகபூபா முப்தி கூறியதாவது:- காஷ்மீரில் இரும்புக் கரம் கொண்டு அடக்குவது, காஷ்மீர் மக்களை அச்சுறுத்துவது ஆகியவற்றை மத்திய அரசு செய்து வருகிறது.
ஜமாத்-ஏ-இஸ்லாமி ஜம்மு-காஷ்மீர் என்ற அமைப்பை தடை செய்திருப்பது ஜனநாயக விரோதமானதும், அரசமைப்புச் சட்டத்துக்கு எதிரானதும் ஆகும். இதன்மூலம், முஸ்லிம்களின் உணர்வுகள் புண்பட்டது.
அந்த அமைப்பு பள்ளிகளை நடத்தி வருகிறது. அந்த அமைப்பு ஒரு சமூக-மத ரீதியான அமைப்பாகும். காஷ்மீரைச் சேர்ந்த மாணவர்கள் வெளிமாநிலங்களில் தாக்கப்படுகின்றனர்.
பாஜகவின் கொள்கைகளை யார் எதிர்த்தாலும் அதற்காக பழிவாங்கும் நடவடிக்கையில் பாஜக இறங்குகிறது. தேர்தல் ஆதாயத்துக்காக ஜம்மு-காஷ்மீரை போர்க்களமாக மாற்ற பாஜக முயற்சி செய்து வருகிறது. அதை நாங்கள் ஒருபோதும் அனுமதிக்க மாட்டோம். அமைதிப் பேச்சுவார்த்தை ஒன்றே காஷ்மீர் பிரச்னைக்குத் தீர்வாக இருக்கும்” இவ்வாறு அவர் தெரிவித்தார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
