தேசிய செய்திகள்

அரசியல் சட்ட நகலை கிழிக்க முயன்ற 2 எம்.பி.க்கள் மாநிலங்களவையில் இருந்து வெளியேற்றம் - வெங்கையா நாயுடு உத்தரவு + "||" + PDP's two MPs attempted to tear the constitution asked to go out by Venkaiah Naidu

அரசியல் சட்ட நகலை கிழிக்க முயன்ற 2 எம்.பி.க்கள் மாநிலங்களவையில் இருந்து வெளியேற்றம் - வெங்கையா நாயுடு உத்தரவு

அரசியல் சட்ட நகலை கிழிக்க முயன்ற 2 எம்.பி.க்கள் மாநிலங்களவையில் இருந்து வெளியேற்றம் - வெங்கையா நாயுடு உத்தரவு
அரசியல்சட்ட நகலை கிழிக்க முயன்ற மக்கள் ஜனநாயக கட்சியின் 2 எம்.பி.க்கள் மாநிலங்களவையில் இருந்து வெளியேற்றப்பட்டனர்.
புதுடெல்லி,

மாநிலங்களவையில் நேற்று உள்துறை மந்திரி அமித்ஷா காஷ்மீர் மாநிலத்துக்கு சிறப்பு அந்தஸ்து வழங்கும் 370-வது சட்டப்பிரிவை ரத்துசெய்வது மற்றும் மாநிலத்தை இரண்டாக பிரிப்பது தொடர்பான சட்டரீதியான தீர்மானத்தை வாசித்தார். அப்போது ஆளுங்கட்சி எம்.பி.க்களுக்கும், எதிர்க்கட்சி எம்.பி.க்களுக்கும் இடையே கடுமையான வாக்குவாதம் ஏற்பட்டது.


காங்கிரஸ், திரிணாமுல் காங்கிரஸ் உள்ளிட்ட எதிர்க்கட்சி உறுப்பினர்கள் அவையின் மைய பகுதியில் உட்கார்ந்து போராட்டத்தில் ஈடுபட்டனர். அப்போது காஷ்மீரை சேர்ந்த மக்கள் ஜனநாயக கட்சி எம்.பி.க்கள் நசீர் அகமது லாவேய், மிர் முகமது பயாஸ் ஆகியோர் அரசியல்சட்ட நகலை கிழிக்க முயன்றனர்.

இதனால் கோபம் அடைந்த அவை தலைவர் வெங்கையா நாயுடு, அவை பாதுகாவலர்களிடம் இரு உறுப்பினர்களின் பெயர்களையும் கூறி அவர்களை வெளியேற்றும்படி உத்தரவிட்டார். அதன்படி அவை பாதுகாவலர்கள் அந்த 2 எம்.பி.க்களையும் அவையில் இருந்து வெளியேற்றினார்கள்.

தொடர்ந்து அவைத்தலைவர் வெங்கையா நாயுடு, அந்த 2 உறுப்பினர்களுக்கும் கண்டனம் தெரிவித்ததுடன், அவையில் உறுப்பினர்கள் இதுபோன்ற நடவடிக்கைகளில் ஈடுபடுவதை ஒருபோதும் அனுமதிக்க முடியாது என்று கடும் எச்சரிக்கை விடுத்தார்.

பின்னர் எதிர்க்கட்சி தலைவர் குலாம்நபி ஆசாத்தும் மக்கள் ஜனநாயக கட்சி எம்.பி.க்கள் 2 பேரின் செயலுக்கு கண்டனம் தெரிவித்தார்.

வெளியேற்றப்பட்ட 2 எம்.பி.க்களும் நாடாளுமன்ற வளாகத்தில் உள்ள காந்தி சிலை முன்பு அமர்ந்து தர்ணா போராட்டத்தில் ஈடுபட்டனர்.



தொடர்புடைய செய்திகள்

1. ஆம்புலன்சுக்கு வழிவிடாத பஸ் டிரைவருக்கு ரூ.10 ஆயிரம் அபராதம் கோர்ட்டு உத்தரவு
வலங்கைமானில், 108 ஆம்புலன்சுக்கு வழி விடாத தனியார் பஸ் டிரைவருக்கு ரூ.10 ஆயிரம் அபராதம் விதித்து வலங்கைமான் கோர்ட்டு உத்தரவு பிறப்பித்து உள்ளது.
2. மிருதங்கம் கலாசாரத்தின் ஒரு அங்கம்; நூல் வெளியீட்டு விழாவில் வெங்கையா நாயுடு பேச்சு
‘மிருதங்கம், கலாசாரத்தின் ஒரு அங்கம்’ என்று நூல் வெளியீட்டு விழாவில் துணை ஜனாதிபதி வெங்கையா நாயுடு கூறினார்.
3. கொடைக்கானல் ஏரியில் படகுகள் இயக்க தடை மதுரை ஐகோர்ட்டு அதிரடி உத்தரவு
கொடைக்கானல் ஏரியில் படகுகள் இயக்க தடை விதித்து மதுரை ஐகோர்ட்டு அதிரடி உத்தரவிட்டதுடன், டிக்கெட் வழங்கும் அறையை மூடவும் உத்தரவு பிறப்பித்தது.
4. நீலகிரியில் மழையால் நிலச்சரிவு ஏற்படக்கூடிய 85 இடங்களில் கட்டிடம் கட்டக்கூடாது மாவட்ட நிர்வாகம் உத்தரவு
நீலகிரியில் மழையால் நிலச்சரிவு ஏற்படக்கூடிய 85 இடங்களில் கட்டிடம் கட்டக்கூடாது என்று மாவட்ட நிர்வாகம் உத்தரவிட்டு உள்ளது.
5. போலீஸ் காவல் உத்தரவு பெங்களூருக்கு அனுப்பி வைப்பு: ‘கொள்ளையன் முருகனிடம் விரைவில் விசாரிப்போம்’ போலீஸ் கமி‌‌ஷனர் பேட்டி
போலீஸ் காவல் உத்தரவு பெங்களூருக்கு அனுப்பி வைக்கப்பட்டுள்ளதாகவும், ‘கொள்ளையன் முருகனிடம் விரைவில் விசாரிப்போம்’ என்றும் போலீஸ் கமி‌‌ஷனர் அமல்ராஜ் தெரிவித்தார்.