தேசிய செய்திகள்

காஷ்மீருக்கான சிறப்பு அந்தஸ்து நீக்கம்: இந்திய ஒருமைப்பாட்டில் மிகப்பெரிய மைல்கல் - அமித் ஷா பேச்சு + "||" + Dismantling Special Status for Kashmir: The Biggest Milestone in Indian Integrity - Amit Shah's Speech

காஷ்மீருக்கான சிறப்பு அந்தஸ்து நீக்கம்: இந்திய ஒருமைப்பாட்டில் மிகப்பெரிய மைல்கல் - அமித் ஷா பேச்சு

காஷ்மீருக்கான சிறப்பு அந்தஸ்து நீக்கம்: இந்திய ஒருமைப்பாட்டில் மிகப்பெரிய மைல்கல் - அமித் ஷா பேச்சு
காஷ்மீருக்கான சிறப்பு அந்தஸ்து நீக்கப்பட்டது, நாட்டின் ஒருமைப்பாட்டில் மிகப்பெரிய மைல்கல் என்று அமித் ஷா கூறினார்.
சண்டிகார்,

அரியானா மாநிலத்தில் இன்னும் 2 மாதங்களில் சட்டசபை தேர்தல் நடக்க உள்ளது. இந்நிலையில், அம்மாநிலத்தின் ஜிந்த் நகரில் நேற்று நடைபெற்ற பா.ஜனதா பொதுக்கூட்டத்தில், அக்கட்சி தலைவரும், மத்திய உள்துறை மந்திரியுமான அமித் ஷா கலந்து கொண்டார்.


கூட்டத்தில் அவர் பேசியதாவது:-

நாங்கள் 2-வது தடவையாக பதவிக்கு வந்த 75 நாட்களில், காஷ்மீருக்கான சிறப்பு அந்தஸ்து அளிக்கும் 370 மற்றும் 35ஏ சட்டப்பிரிவுகளை நீக்கினோம். ஆனால் இந்த நாட்டை 72 ஆண்டுகளாக ஆண்ட காங்கிரஸ் கட்சி இதை செய்யவில்லை. அதற்கு ஓட்டு வங்கி ஆசைதான் காரணம்.

காஷ்மீருக்கான சிறப்பு அந்தஸ்து நீக்கப்பட்டது, நாட்டின் ஒற்றுமை மற்றும் ஒருமைப்பாட்டுக்கு மிகப்பெரிய மைல்கல். காஷ்மீர், இந்தியாவின் ஒருங்கிணைந்த பகுதி என்று நாங்கள் கூறி வந்தோம். ஆனால், இன்னும் அது முழுமை பெறவில்லை என்று 370-வது பிரிவு சொல்லிக்கொண்டே இருந்தது.

அந்த பிரிவை நீக்கியதையடுத்து, காஷ்மீர், லே, லடாக் பிராந்தியங்களின் வளர்ச்சிக்கு என்னென்ன முட்டுக்கட்டைகள் இருந்தனவோ, அவை அனைத்தும் நீங்கி விட்டன என்று நாட்டுக்கு தெரிவித்துக் கொள்கிறேன். பயங்கரவாதத்தையும் ஒழிக்க உதவும்.

முப்படைகளுக்கும் ஒரே தலைவரை நியமிக்கும் யோசனை, 1999-ம் ஆண்டு கார்கில் போரைத் தொடர்ந்து முன்வைக்கப்பட்டது. அந்த யோசனை, இப்போதுதான் செயல்படுத்தப்பட உள்ளது.

இந்த புதிய பதவியில் நியமிக்கப்படுபவர், ராணுவ விவகாரங்கள், வியூகங்கள் ஆகியவற்றில் பிரதமருக்கு ராணுவ ஆலோசகராக செயல்படுவார்.

மூன்று படைகளுக்கு இடையிலும், அரசுக்கும், முப்படைகளுக்கு இடையிலும் ஒருங்கிணைப்பை உருவாக்கும் நோக்கத்தில் இந்த பதவி உருவாக்கப்படுகிறது. இந்த நடவடிக்கை, நாட்டின் பாதுகாப்பை பலமடங்கு பலப்படுத்தும். இவ்வாறு அமித் ஷா பேசினார்.


தொடர்புடைய செய்திகள்

1. யாருக்காவது காஷ்மீர் செல்ல வேண்டுமா? நான் ஏற்பாடு செய்கிறேன் -பிரதமர் மோடி
சட்டப்பிரிவு 370-ஐ நீக்கினால் காஷ்மீரை இழந்து விடுவோம், நாடே அழிந்துவிடும் என காங்கிரஸ் தலைவர்கள் கூறினார்கள் நாடு அழிந்துவிட்டதா என்ன? என்று பிரதமர் மோடி காங்கிரசை சாடினார்.
2. காஷ்மீர்: சத்தீஷ்கரைச் சேர்ந்த தொழிலாளி பயங்கரவாதிகளால் சுட்டுக்கொலை
காஷ்மீரில் சத்தீஷ்கரைச் சேர்ந்த தொழிலாளியை பயங்கரவாதிகள் சுட்டுக்கொன்றதால் அங்கு பரபரப்பு ஏற்பட்டுள்ளது.
3. காஷ்மீரில் செல்போன் சேவை மீண்டும் கிடைத்ததால் மக்கள் கொண்டாட்டம் - உறவுகளுக்கு பரஸ்பரம் வாழ்த்துகளை பரிமாறினர்
72 நாட்களுக்குப்பிறகு செல்போன் சேவை மீண்டும் கிடைத்ததால் மகிழ்ச்சியடைந்த காஷ்மீர் மக்கள், தங்கள் உறவுகளை தொடர்பு கொண்டு பரஸ்பரம் வாழ்த்துகளை பரிமாறி வருகின்றனர்.
4. 70 நாட்களுக்கு பிறகு காஷ்மீரில் மீண்டும் செல்போன் சேவை தொடங்கியது
சுமார் 70 நாட்களுக்கு பிறகு காஷ்மீரில் மீண்டும் செல்போன் சேவை தொடங்கியது. எனினும் இணையதளங்கள் தொடர்ந்து முடக்கப்பட்டுள்ளது.
5. 70 நாட்களுக்குப்பின் காஷ்மீரில் இன்று முதல் செல்போன் சேவை
காஷ்மீரில் சுமார் 70 நாட்களுக்கு பிறகு நாளை (திங்கட்கிழமை) நள்ளிரவு முதல் செல்போன் சேவை வழங்கப்படும் என மாநில அரசு அறிவித்து உள்ளது.