தேசிய செய்திகள்

ராகுல் காந்தி ஸ்ரீநகர் விமான நிலையம் வருகை + "||" + Congress leader Rahul Gandhi arrives at SRINAGAR airport.

ராகுல் காந்தி ஸ்ரீநகர் விமான நிலையம் வருகை

ராகுல் காந்தி ஸ்ரீநகர் விமான நிலையம் வருகை
காங்கிரஸ் தலைவர்களில் ஒருவரான ராகுல் காந்தி ஸ்ரீநகர் விமான நிலையம் வந்து சேர்ந்தார்.
ஸ்ரீநகர், 

ஜம்மு-காஷ்மீர் மாநிலத்துக்கு வழங்கப்பட்டிருந்த சிறப்பு அந்தஸ்தை மத்திய அரசு ரத்து செய்து, அரசியலமைப்பில் 370வது பிரிவை திரும்பப் பெற்றது. மாநிலத்தை இரு யூனியன் பிரதேசங்களாகப் பிரித்து பல்வேறு கட்டுப்பாடுகளை மத்திய அரசு விதித்துள்ளது. ஜம்மு காஷ்மீரில் மக்கள் இயல்பு வாழ்க்கைக்கு திரும்பி வருகிறார்கள் என்று மத்திய அரசு கூறினாலும் அங்கு பெரும்பாலான இடங்களில் இன்னும் பாதுகாப்பு கெடுபிடிகள் தளர்த்தப்படவில்லை.

மாநிலத்தை பார்வையிட கடந்த வாரம் மார்க்சிஸ்ட் கம்யூனிஸ்ட் பொதுச்செயலாளர் சீதாராம் யெச்சூரி, இந்திய கம்யூனிஸ்ட்  பொதுச்செயலாளர் டி.ராஜா ஆகியோர் சென்றபோது ஸ்ரீநகரில் இருந்து திருப்பி விடப்பட்டனர். அதேபோல காங்கிரஸ் மூத்த தலைவர் குலாம்நபி ஆசாத்துக்கும் அனுமதி மறுக்கப்பட்டது.

இந்த நிலையில், காங்கிரஸ் கட்சியின் முன்னாள் தலைவர் ராகுல் காந்தி உள்பட எதிர்க்கட்சி தலைவர்கள் பலர் இன்று ஜம்மு காஷ்மீர் மாநிலத்துக்கு செல்ல முடிவு செய்தனர். ராகுல்காந்தியுடன் காங்கிரஸ், திமுக, மார்க்சிஸ்ட் கம்யூனிஸ்ட், இந்திய கம்யூனிஸ்ட், ராஷ்ட்ரீய ஜனதா தளம், தேசியவாத காங்கிரஸ், திரிணாமூல் காங்கிரஸ் ஆகிய கட்சிகளின் மூத்த தலைவர்களும் ஜம்மு-காஷ்மீருக்கு இன்று செல்ல திட்டமிட்டு இருந்தனர். இதன்படி, ராகுல் காந்தி ஸ்ரீநகர் விமான நிலையம் வருகை தந்துள்ளார்.

எதிர்க்கட்சித்தலைவர்களை மாநிலத்துக்குள் வர வேண்டாம் என்று ஜம்மு காஷ்மீர் நிர்வாகம் கேட்டுக்கொண்டுள்ளது.

தொடர்புடைய செய்திகள்

1. காங்கிரசில் என்ன தான் நடக்கிறது...? ராகுல்காந்தி தலைவராவாரா...? மாட்டாரா...?
காங்கிரஸ் தலைவர் பதவி குறித்து தலைமை காங்கிரசுக்குள் பல மூத்த தலைவர்கள் குரல் கொடுத்து வருகின்றனர்.
2. ராணுவ உயர் பதவி அளிக்க மறுப்பதா? பெண்களை அவமரியாதை செய்கிறது, மத்திய அரசு ராகுல் காந்தி குற்றச்சாட்டு
பெண்களை மத்திய அரசு அவமரியாதை செய்கிறது என்று ராகுல் காந்தி குற்றம்சாட்டினார்.
3. புல்வாமா தாக்குதலால் அதிகம் பயன்பெற்றது யார் ? ராகுல் காந்தி கேள்வி
புல்வாமா தாக்குதலால் அதிகம் பயன்பெற்றது யார் ? என்று ராகுல் காந்தி கேள்வி எழுப்பியுள்ளார்.
4. எஸ்.சி., எஸ்.டி. இடஒதுக்கீட்டை அழிக்க விடமாட்டோம் -ராகுல் காந்தி உறுதி
எஸ்.சி., எஸ்.டி. சமுதாயத்தினருக்கான வேலை மற்றும் பதவி உயர்வில் உள்ள இடஒதுக்கீட்டை அழிக்க விடமாட்டோம் என்று ராகுல் காந்தி கூறினார்.
5. பிரதமர் மோடி தாஜ்மஹாலை கூட ஒரு நாள் விற்று விடக்கூடும் - ராகுல்காந்தி கிண்டல்
பிரதமர் மோடி தாஜ்மஹாலை கூட விற்று விடக்கூடும் என்று டெல்லி தேர்தல் பிரசாரக் கூட்டத்தில் கலந்து கொண்டு ராகுல்காந்தி பேசினார்.