தேசிய செய்திகள்

நம்பிக்கை வாக்கெடுப்பில் பாஜகவை வீழ்த்துவோம்: காங்கிரஸ் உறுதி + "||" + Ahmed Patel, Congress: We will fight this on both fronts, political and legal.

நம்பிக்கை வாக்கெடுப்பில் பாஜகவை வீழ்த்துவோம்: காங்கிரஸ் உறுதி

நம்பிக்கை வாக்கெடுப்பில் பாஜகவை வீழ்த்துவோம்: காங்கிரஸ் உறுதி
மராட்டியத்தின் அரசியல் வரலாற்றில் இன்று கருப்பு நாள் என்று காங்கிரஸ் மூத்த தலைவர் அகமது படேல் கடுமையாக சாடியுள்ளார்.
மும்பை,

மராட்டிய அரசியலில், திடீர் திருப்பமாக இன்று காலை முதல் மந்திரியாக பாஜகவின் தேவேந்திர பட்னாவிசுக்கு ஆளுநர் பதவிப்பிரமாணம் செய்து வைத்தார். துணை முதல்வராக தேசியவாத காங்கிரஸ் கட்சியைச்சேர்ந்த அஜித் பவார் பொறுப்பேற்றுக்கொண்டார்.  

இன்று காலை முதல் மராட்டிய அரசியல் களத்தில்,   நிமிடத்துக்கு நிமிடம் பரபரப்பான நிகழ்வுகள் நடந்தேறி வருகின்றன.  சிவசேனா கட்சியின்  தலைவர் உத்தவ் தாக்ரேவும் தேசியவாத காங்கிரஸ் கட்சியின் தலைவர் சரத்பவாரும்  இன்று காலை 11.30 மணியளவில் செய்தியாளர்களை கூட்டாக சந்தித்தனர். அப்போது, பாஜகவுடன் கைகோர்க்க மாட்டோம், இணைந்தே செயல்படுவோம் என்று கூறினர்.  

இந்த நிலையில், காங்கிரஸ் கட்சியின் மூத்த தலைவர் அகமது படேல் இன்று செய்தியாளர்களை சந்தித்தார். அப்போது அவர் கூறியதாவது:-  மராட்டிய வரலாற்றில் இன்று கருப்பு தினமாகும். நாங்கள் மூன்று பேரும் (காங்கிரஸ், தேசியவாத காங்கிரஸ், சிவசேனா) ஒன்றாகவே இருக்கிறோம்.  நம்பிக்கை வாக்கெடுப்பில் பாஜகவை வீழ்த்த முடியும் என்ற நம்பிக்கை உள்ளது.  

காங்கிரஸ் கட்சியின் அனைத்து எம்.எல்.ஏக்களும் எங்களுடன் தான் உள்ளனர். தற்போதைய சூழலை, அரசியல் ரீதியாகவும் சட்ட ரீதியாகவும் நாங்கள் எதிர்கொள்வோம்.  சரத்பவார் எங்களை சந்தித்து பேசினார், நாங்கள் கூறிய முடிவில் மாறவில்லை. ஆட்சி அமைக்கும் விவகாரத்தில் காங்கிரசால் எந்த தாமதமும் ஏற்படவில்லை . 

அனைவரும் இணைந்து பாஜகவுக்கு எதிராக வியூகம் வகுப்போம் . ஆட்சி அமைப்பதற்கு உண்டான எந்த நடைமுறையும் பின்பற்றப்படவில்லை. ரகசியமாக பதவிப் பிரமாணம் செய்து வைக்க காரணம் என்ன? எல்லாமே மிகவும் ரகசியமாக நடைபெற்றுள்ளது.  பா.ஜ.க. அனைத்து நிலைகளையும் கடந்து விட்டது. ஜனநாயகத்திற்கு இது மிகப் பெரிய அவமானம்” என்றார்.

தொடர்புடைய செய்திகள்

1. அதிருப்தி எம்.எல்.ஏ.க்களை வரவேற்க தயாராக இருக்கிறேன்; ராஜஸ்தான் முதல்-மந்திரி அசோக் கெலாட் பேட்டி
காங்கிரஸ் மேலிடம் மன்னித்தால், அதிருப்தி எம்.எல்.ஏ.க்களை வரவேற்க தான் தயாராக இருப்பதாக ராஜஸ்தான் முதல்-மந்திரி அசோக் கெலாட் கூறி உள்ளார்.
2. மத்திய அரசை கண்டித்து கவர்னர் மாளிகை முன்பு காங்கிரஸ் ஆர்ப்பாட்டம் டி.கே.சிவக்குமார், சித்தராமையா உள்ளிட்ட தலைவர்கள் கைது
ராஜஸ்தான் அரசுக்கு நெருக்கடி எழுந்துள்ள நிலையில் மத்திய அரசை கண்டித்து காங்கிரஸ் தலைவர்கள் கவர்னர் மாளிகை முன்பு ஆர்ப்பாட்டம் நடத்தினர். டி.கே.சிவக்குமார், சித்தராமையா உள்ளிட்ட தலைவர்களை போலீசார் கைது செய்துள்ளனர்.
3. காங்கிரஸ் கட்சிக்குள் ஏற்பட்ட குழப்பத்திற்கு மக்கள் விலை கொடுத்து வருகின்றனர்; வசுந்தராராஜே விமர்சனம்
காங்கிரஸ் கட்சிக்குள் ஏற்பட்ட குழப்பத்திற்கு மக்கள் விலை கொடுத்து வருகின்றனர் என்று பாஜக மூத்த தலைவர் வசுந்தராராஜே விமர்சனம் செய்துள்ளார்.
4. திட்டக்குடி தொகுதி திமுக எம்.எல்.ஏ கணேசனுக்கு கொரோனா தொற்று
திட்டக்குடி தொகுதி திமுக எம்.எல்.ஏ கணேசனுக்கு கொரோனா தொற்று உறுதி செய்யப்பட்டுள்ளது.
5. நான் பாஜகவில் இணையமாட்டேன். காங்கிரஸ் கட்சியில் தான் இருக்கிறேன் - சச்சின் பைலட்
நான் பாஜகவில் இணையமாட்டேன். நான் இன்னும் காங்கிரஸ் கட்சி உறுப்பினராகவே இருக்கிறேன் என சச்சின் பைலட் கூறி உள்ளார்.