தேசிய செய்திகள்

மின்னணு வாக்காளர் அடையாள அட்டை: இன்று அறிமுகம் செய்கிறது தேர்தல் ஆணையம் + "||" + Election Commission To Launch Digital Voter-ID Cards On Today

மின்னணு வாக்காளர் அடையாள அட்டை: இன்று அறிமுகம் செய்கிறது தேர்தல் ஆணையம்

மின்னணு  வாக்காளர் அடையாள அட்டை: இன்று அறிமுகம் செய்கிறது தேர்தல் ஆணையம்
மின்னணு வாக்காளர் அடையாள அட்டையை தேர்தல் ஆணையம் இன்று அறிமுகம் செய்கிறது.
புதுடெல்லி,

தமிழகம், கேரளா, அசாம், மேற்கு வங்காளம் மற்றும் புதுச்சேரி ஆகிய 5 மாநிலங்களுக்கு இன்னும் 2 மாதங்களில் சட்டசபை தேர்தல் நடைபெற உள்ளது. இதற்கான முன்னேற்பாடு பணிகளை இந்திய தேர்தல் கமிஷன் ஏற்கனவே தொடங்கி விட்டது. 

இதற்கு முன்பு இல்லாத சில புதிய யுக்திகளை இந்த தேர்தலில் பயன்படுத்த தேர்தல் கமிஷன் நடவடிக்கை மேற்கொண்டு உள்ளது. அதில் ஒன்று, டிஜிட்டல் முறையிலான வாக்காளர் அடையாள அட்டை.

கொரோனா பரவல் காரணமாக, பல்வேறு பணிகள் தற்போது மின்னணு முறையிலேயே மேற்கொள்ளப்பட்டு வருகின்றன. விமான நிலையம், சுங்கச்சாவடிகள் உள்ளிட்ட பல நுழைவு இடங்களில் டிஜிட்டல் முறையிலான ஆவணங்களே தற்போது பயன்படுத்தப்படுகிறது. இதைப்போல வாக்குச்சாவடிகளிலும் டிஜிட்டல் முறையிலான மின்னணு வாக்காளர் அடையாள அட்டையை வாக்காளர்கள் பயன்படுத்துவதற்கு தேர்தல் கமிஷன் ஏற்பாடு செய்துள்ளது.

இந்நிலையில் தேசிய வாக்காளர் தினத்தையொட்டி இன்று மின்னணு வாக்காளர் புகைப்பட அடையாள அட்டையை இந்திய தலைமை தேர்தல் ஆணையம் அறிமுகம் செய்கிறது.

வாக்காளர் பட்டியலில் இடம் பெற புதிதாக விண்ணப்பித்த வாக்காளர்களுக்கு இது கிடைக்கும். அவர்கள் தங்களது செல்போன் எண்ணை விண்ணப்பத்தில் பதிவு செய்து இருக்க வேண்டும். வாக்காளர் பட்டியலில் ஏற்கனவே இடம் பெற்று உள்ள, செல்போன் எண்ணை பதிவு செய்த பழைய வாக்காளர்களுக்கு பிப்ரவரி 1-ந் தேதி முதல் மின்னணு வாக்காளர் அடையாள அட்டை வழங்கப்படும். தேர்தல் கமிஷன் குறிப்பிட்டுள்ள வலைத்தளங்களில் அவர்கள் இதனை பதிவிறக்கம் செய்து கொள்ளலாம்.

இந்த மின்னணு அட்டையில் வாக்காளரின் பெயர், வரிசை எண், பாகம் எண், புகைப்படம் இடம் பெற்றிருக்கும் என்றும், ‘கியூ ஆர் கோடு’ பயன்பாட்டை கொண்டதாக அந்த அட்டை இருக்கும் என்றும் அதிகாரிகள் தெரிவித்து உள்ளனர். இதை செல்போனில் பதிவிறக்கம் செய்து சேமித்துக்கொள்ளலாம்.

இதனிடையே இந்தியா முழுவதும் இன்று 11ஆவது தேசிய வாக்காளர் தினம் கடைபிடிக்கப்படுவதையொட்டி, தலைநகர் டெல்லியில் நடைபெறும் நிகழ்ச்சியில் குடியரசுத்தலைவர் ராம்நாத் கோவிந்த் காணொளி காட்சி மூலம் கலந்துகொள்ள இருக்கிறார். இந்நிகழ்ச்சியில் 2020 மற்றும் 2021ஆம் ஆண்டுக்கான தேசிய விருதுகளை வழங்க இருக்கும் குடியரசுத் தலைவர், ''ஹலோ வாக்காளர்கள்'' என்ற பெயரில் இந்திய தேர்தல் ஆணையத்தின் இணையதள ரேடியோவையும் தொடங்கி வைக்கிறார்.

தொடர்புடைய செய்திகள்

1. ‘டிஜிட்டல்’ வாக்காளர் அடையாள அட்டை - தேர்தல் கமிஷன் நாளை அறிமுகம் செய்கிறது
டிஜிட்டல் வாக்காளர் அடையாள அட்டையை தேர்தல் கமிஷன் நாளை (திங்கட்கிழமை) அறிமுகம் செய்கிறது.