தேசிய செய்திகள்

கொரோனா பிடியில் இருந்து தப்ப வங்கிகளின் பணி நேரத்தை குறைக்க வேண்டும்; வங்கி பணியாளர்கள் சங்கம் கோரிக்கை + "||" + To reduce the banks working hours to escape the grip of the corona; Bank Employees Association Request

கொரோனா பிடியில் இருந்து தப்ப வங்கிகளின் பணி நேரத்தை குறைக்க வேண்டும்; வங்கி பணியாளர்கள் சங்கம் கோரிக்கை

கொரோனா பிடியில் இருந்து தப்ப வங்கிகளின் பணி நேரத்தை குறைக்க வேண்டும்; வங்கி பணியாளர்கள் சங்கம் கோரிக்கை
வங்கி ஊழியர்கள் கொரோனா பிடியில் இருந்து தப்ப வங்கிகளின் பணி நேரத்தையும், பணி நாட்களையும் குறைக்க வேண்டும் என்று மத்திய அரசுக்கு வங்கி பணியாளர்கள் சங்கம் கோரிக்கை விடுத்துள்ளது.

மத்திய அரசுக்கு கடிதம்

மத்திய நிதி அமைச்சகத்தின் நிதிச்சேவைகள் துறை செயலாளர் தேபசிஷ் பாண்டாவுக்கு அகில இந்திய வங்கி பணியாளர்கள் சங்கத்தின் பொதுச்செயலாளர் சிஎச்.வெங்கடாசலம் ஒரு கடிதம் எழுதி உள்ளார். அதில் அவர் கூறியிருப்பதாவது:-

இந்தியாவில் கொரோனா பரவல் அதிகரித்து வரும் நிலையில், வங்கிகள் நாள்தோறும் நூற்றுக்கணக்கான வாடிக்கையாளர்களுக்கு சேவை செய்ய வேண்டி இருப்பதால், அவை கொரோனா பரப்பும் மையங்களாக திகழ்கின்றன. வங்கி ஊழியர்கள், கொரோனாவின் பிடியில் சிக்குகிறார்கள்.

இதை கருத்திற்கொண்டு, கடந்த ஆண்டைப் போல், இந்த ஆண்டும் வங்கிகளின் பணி நேரத்தை குறைக்க வேண்டும். காலை 10 மணி முதல் பிற்பகல் 2 மணிவரை மட்டும் இயங்கச் செய்ய வேண்டும். அதுபோல், வாரத்துக்கு 5 நாட்கள் மட்டும் வங்கிகள் இயங்கச் செய்ய வேண்டும். அடுத்த 4 முதல் 6 மாதங்களுக்கு இதை அமல்படுத்தலாம்.

வீட்டில் இருந்து பணி

மேலும், ஒன்றுக்கு மேற்பட்ட வங்கிக்கிளைகள் கொண்ட நகரங்களில் எல்லா கிளைகளையும் திறக்காமல், ஏதேனும் ஒரு கிளையை மட்டும் திறக்க அனுமதிக்கலாம்.

சுழற்சி முறையில் மூன்றில் ஒரு பங்கு ஊழியர்கள் மட்டும் நேரில் வந்தும், மற்றவர்கள் வீட்டில் இருந்தும் பணியாற்ற அனுமதிக்க வேண்டும். இதன்மூலம் வங்கி ஊழியர்கள் கொரோனாவால் பாதிக்கப்படுவதை தவிர்க்கலாம்.

ரூ.50 லட்சம் இழப்பீடு

வங்கி ஊழியர்களை முன்கள பணியாளர்களாக கருதி, அனைத்து வங்கி ஊழியர்களுக்கும் கொரோனா தடுப்பூசி போட அனுமதிக்க வேண்டும். இணை நோய் கொண்டவர்கள், கர்ப்பிணிகள், மாற்றுத்திறனாளிகள் ஆகிய வங்கி ஊழியர்கள் பணிக்கு வருவதில் இருந்து விலக்க அளிக்க வேண்டும்.

கொரோனாவால் உயிரிழந்த முன்கள பணியாளர்களின் குடும்பத்துக்கு தலா ரூ.50 லட்சம் இழப்பீடு வழங்குவதுபோல், கொரோனாவால் இறந்த வங்கி ஊழியர்களின் குடும்பத்துக்கும் ரூ.50 லட்சம் வழங்க வேண்டும்.

இவ்வாறு அவர் கூறியுள்ளார்.

 


தொடர்புடைய செய்திகள்

1. அமீரகத்தில் ஒரே நாளில் 55 ஆயிரத்து 611 பேருக்கு கொரோனா தடுப்பூசி; சுகாதார அமைச்சகம் தகவல்
அமீரக சுகாதாரம் மற்றும் நோய்த்தடுப்புத்துறை வெளியிட்டுள்ள செய்திக்குறிப்பில் கூறியிருப்பதாவது:-
2. மாலத்தீவில் பாதிப்பு அதிகரிப்பதால் கொரோனா கட்டுப்பாடுகளை அமல்படுத்த ராணுவம்; அதிபர் இப்ராகிம் சோலி அதிரடி நடவடிக்கை
தீவு நாடான மாலத்தீவில் கொரோனா வைரஸ் பெருந்தொற்றின் 4-வது அலை பரவல் அதிகரித்து வருகிறது.
3. அதிகரிக்கும் கொரோனா பாதிப்பு: தமிழகத்தில் ஒரேநாளில் 30 ஆயிரத்தை தாண்டிய தொற்று எண்ணிக்கை
தமிழகத்தில் கடந்த 24 மணி நேரத்தில் புதிதாக 30,355 பேருக்கு கொரோனா பாதிப்பு உறுதி செய்யப்பட்டுள்ளது.
4. பெங்களூருவில் மேலும் 33 போலீசாருக்கு கொரோனா பாதிப்பு உறுதி
பெங்களூருவில் இதுவரை கொரோனா பாதித்த போலீசாரின் எண்ணிக்கை 1,221 ஆக உயர்ந்துள்ளது.
5. உலகம் முழுவதும் கொரோனாவால் பாதிக்கப்பட்டோர் எண்ணிக்கை 16 கோடியை தாண்டியது
உலகம் முழுவதும் கொரோனாவில் இருந்து குணமடைந்தோர் எண்ணிக்கை 13.90 கோடியாக அதிகரித்துள்ளது.