மாநில செய்திகள்

தமிழகம்-சீனா இடையே கலாசார, வர்த்தக உறவுபிரதமர் மோடி பேச்சு + "||" + Cultural and Commercial Relations Between Tamil Nadu and China PM Modi's speech

தமிழகம்-சீனா இடையே கலாசார, வர்த்தக உறவுபிரதமர் மோடி பேச்சு

தமிழகம்-சீனா இடையே கலாசார, வர்த்தக உறவுபிரதமர் மோடி பேச்சு
தமிழகத்துக்கும், சீனாவுக்கும் இடையே கலாசார, வர்த்தக உறவு இருந்து வருவதாக பிரதமர் மோடி கூறினார்.
சென்னை,

சென்னையை அடுத்த கோவளத்தில் இந்தியா-சீனா இடையே நேற்று நடைபெற்ற முறைசாரா உச்சி மாநாட்டில் பிரதமர் மோடி பேசுகையில் கூறியதாவது:-

வர்த்தக உறவு

சீனாவுக்கும், தமிழ்நாட்டுக்கும் இடையே ஆழமான கலாசார மற்றும் வர்த்தக ரீதியிலான உறவுகள் இருந்து வருகிறது. கடந்த 2 ஆயிரம் ஆண்டுகளில், இந்தியா மற்றும் சீனா பொருளாதார வல்லரசாக விளங்கியுள்ளன. கடந்த ஆண்டு சீனா வந்த நான் வுகான் நகரில் நடந்த முதலாவது முறைசாரா உச்சி மாநாட்டில் பங்கேற்றேன்.

அப்போது நடந்த பேச்சுவார்த்தை, இரு நாட்டு உறவுக்குள் புதிய உத்வேகத்தை அளிப்பதாக இருந்தது. இந்த நல்லுறவு மேலும் முன்னேற்றம் பெற வேண்டும். இரு நாடுகளின் ராஜதந்திர உறவுகள் இன்னும் பலப்பட வேண்டும். அதற்கு இந்த சந்திப்பு நிச்சயம் உதவிகரமாக இருக்கும்.

இந்தியா-சீனா இடையேயான சில பிரச்சினைகளுக்கு தீர்வு காணப்பட வேண்டும். அதற்கு பரஸ்பர ஒத்துழைப்பு அவசியமாகும். அதற்கு அடித்தளம் அமைக்கும் வகையில் சென்னையில் இந்த சந்திப்பு நடந்து உள்ளது. இரு நாடுகளுக்கு இடையேயான நட்பின் வாசலாக மாமல்லபுரம் மாறி இருக்கிறது. புதிய அத்தியாயத்தை தொடங்கி இருக்கிறது.



சக்தி வாய்ந்த நாடுகள்

நாங்கள் வேறுபாடுகளை கிளப்பாமலும், அவை ஒரு பிரச்சினையாக உருவெடுக்காமலும் இருக்கும்படி, கவனமுடன் கையாள வேண்டும் என்று முடிவு செய்திருக்கிறோம். உலகளாவிய மற்றும் இருதரப்பினரிடையே உள்ள பிரச்சினைகளை உணர்ந்து செயல்படுவதோடு, இரு நாடுகளுக்கும் இடையேயான உறவு, உலக அமைதி மற்றும் உறுதித்தன்மைக்கு பங்களிப்பதாக அமையும்.

சர்வதேச அளவிலான பிரச்சினைகளில், யோசனைகளை பரிமாறக்கூடிய வகையில் மாநாடு அமைந்து உள்ளது. இந்தியாவும், சீனாவும் 100 கோடி மக்கள்தொகையை தாண்டிய நாடுகளாகும். உலகின் சக்தி வாய்ந்த நாடுகளாக இரு நாடுகளும் உள்ளன. இரு நாடுகளுக்கும் இடையே ஒரு மித்த கருத்து பரிமாற்றம் இருக்க வேண்டும். அப்படி அமைந்தால் இரு நாடுகளின் உறவும், ஒருங்கிணைப்பும் மேலும் வலுப்படும். அதற்கு நாம் வழிகாண வேண்டும்.

புதிய சகாப்தம்

சீன அதிபர் ஜின்பிங் மற்றும் அந்நாட்டு அதிகாரிகளின் வருகை எங்களுக்கு நம்பிக்கை அளிக்கிறது. பல புதிய விஷயங்களில் தெளிவு கிடைத்து உள்ளது. அந்த வகையில் இந்த சந்திப்பு புதிய சகாப்தத்தை படைத்து இருக்கிறது. இரு தரப்பு உறவு, தகவல் தொடர்பு மேம்பட்டு வருகிறது. எதிர்காலத்திலும் இந்த நட்பு நீடிக்க வேண்டும்.

இவ்வாறு பிரதமர் நரேந்திர மோடி பேசினார்.

தனது பேச்சை தமிழில் தொடங்கிய மோடி, பெரும்பாலும் இந்தியிலேயே உரையாற்றினார். இடையில் ஆங்கிலத்திலும் பேசினார்.

தொடர்புடைய செய்திகள்

1. கொரோனா பாதிப்பு: பிரதமர் மோடி- முதல்வர் பழனிசாமி செயல்பாடுகள் எப்படி உள்ளன கருத்து கணிப்பு
கொரோனா பாதிப்பு நடவடிக்கைகளில் பிரதமர் மோடி- முதல்வர் பழனிசாமி செயல்பாடுகள் எப்படி உள்ளன ஐ.ஏ.என்.எஸ்-சி வோட்டர் இணைந்து நாடு முழுவதும் கருத்து கணிப்பு நடத்தி உள்ளன.
2. 70 ஆண்டுகளில் செய்ய முடியாத சாதனையை ஒரே ஆண்டில் நிகழ்த்தியவர், பிரதமர் மோடி துணை முதல்-மந்திரி அஸ்வத் நாராயண் பேட்டி
70 ஆண்டுகள் செய்ய முடியாத சாதனையை பிரதமர் மோடி ஒரே ஆண்டில் நிகழ்த்தியுள்ளார் என்று துணை முதல்-மந்திரி அஸ்வத் நாராயண் கூறினார்.
3. கொரோனா தொற்றை கட்டுப்படுத்துவதற்கு கட்டுப்பாடு மற்றும் ஒழுக்கம் தேவை - பிரதமர் மோடி
கொரோனா தொற்றை கட்டுப்படுத்துவதற்கு ஒவ்வொரு குடிமகன்களுக்கும் கட்டுப்பாடு மற்றும் ஒழுக்கம் தேவை என பிரதமர் மோடி கூறியுள்ளார்.
4. பிரதமர் மோடி பற்றிய வாழ்க்கை வரலாற்று நூல் வெளியீடு
பிரதமர் மோடி பற்றிய வாழ்க்கை வரலாற்று நூல் வெளியிடப்பட்டது.
5. பிரதமர் மோடி, அமித்ஷா சந்திப்பு: ஊரடங்கு நீடிக்கப்படுமா? தளர்த்தப்படுமா? என்பது குறித்து ஆலோசனை
வரும் 31 ஆம் தேதியுடன் மத்திய அரசு அறிவித்த ஊரடங்கு முடிய உள்ள நிலையில் பிரதமர் மோடியை அவரது இல்லத்தில் மத்திய உள்துறை மந்திரி அமித் ஷா சந்தித்துள்ளார்.