மாநில செய்திகள்

தேர்தலுக்கு பிந்தைய கருத்துக்கணிப்பு முடிவுகள்: தமிழகத்தில் ஆட்சி அமைக்கப் போவது யார்? + "||" + Post-election polls: Who will rule Tamil Nadu?

தேர்தலுக்கு பிந்தைய கருத்துக்கணிப்பு முடிவுகள்: தமிழகத்தில் ஆட்சி அமைக்கப் போவது யார்?

தேர்தலுக்கு பிந்தைய கருத்துக்கணிப்பு முடிவுகள்: தமிழகத்தில் ஆட்சி அமைக்கப் போவது யார்?
தேர்தலுக்கு பிந்தைய கருத்துக்கணிப்பு முடிவுகள் வெளியாகி வருகின்றன.

சென்னை, 

தமிழகம் உள்ளிட்ட 5 மாநில சட்டப்பேரவைத் தேர்தல் வாக்கு எண்ணிக்கை மே 2-ம் தேதி நடைபெற உள்ளது. இந்நிலையில், தேர்தலுக்குப் பிந்தைய கருத்துக் கணிப்புகள் இன்று வெளியிடப்பட்டு வருகிறது.  

தமிழக சட்டப்பேரவைத் தேர்தலில் அதிக தொகுதிகளில் வென்று ஆட்சியைக் யார் கைப்பற்றுவார் என்பது குறித்த வாக்குப் பதிவுக்குப் பிந்தைய கருத்துக் கணிப்பு வெளியாகி உள்ளன. இதில் ரிபப்ளிக் சி.என்.எக்ஸ், இந்தியா டுடே, ஏபிபி, சி வோட்டர் வரை பல நிறுவனங்கள் தேர்தலுக்கு பிந்தைய கருத்து கணிப்புகளை வெளியிட்டுள்ளன. 

இதில் தி.மு.க, கூட்டணி பெரும்பான்மை பெறும் என தெரிகிறது. இதில் தமிழகத்தில் அடுத்து யார் ஆட்சி அமைப்பர் என எதிர்பார்க்கப்பட்டு வரும் நிலையில், இன்று வெளியாகியுள்ள கருத்து கணிப்புகளில், தமிழகத்தில் பெரும்பாலான கணிப்புகள் தி.மு.க., கூட்டணி பெரும்பான்மை பெறும் என தெரியவந்துள்ளது.

அதன் விவரம் பின்வருமாறு:-

ரிபப்ளிக் சி. என்.எக்ஸ் கருத்து கணிப்பு: அ.தி.மு.க., கூட்டணி 58 - 68 இடங்களிலும், தி.மு.க, கூட்டணி 160- 170 இடங்களிலும், மற்றவை 6 தொகுதிகளிலும் வெற்றி பெறும் என்று வெளியிட்டுள்ளது.

பி- மார்க் கருத்து கணிப்பு அ.தி.மு.க., கூட்டணி 40-65 இடங்களிலும்,, தி.மு.க, கூட்டணி 165- 190 இடங்களிலும், அமமுக 1-3 இடங்களிலும், ம.நீ.ம கூட்டணி 1-3 இடங்களிலும் மற்றவை 0-3 தொகுதிகளிலும் வெற்றி பெறும் என்று தெரிவிக்கிறது.

டுடேய்ஸ் சாணக்கியா: அ.தி.மு.க, கூட்டணி 46- 68 இடங்களிலும், தி.மு.க., கூட்டணி 164-186 இடங்களிலும் மற்றவை 0-8 இடங்களிலும் வெற்றி பெறும் என்று கணித்துள்ளது.

இந்தியா டுடே கருத்து கணிப்பு: தி.மு.க., கூட்டணி 175-195 இடங்களிலும், அ.தி.மு.க. கூட்டணி 38- 54 இடங்களிலும், அமமுக. கூட்டணி 1-2 இடங்களிலும், ம.நீ.ம 0-2 இடங்களிலும், மற்றவை 0-3 இடங்களிலும் வெற்றி பெறும் என்று வெளியிட்டுள்ளது.

சி ஓட்டர்ஸ்: தி.மு.க, கூட்டணி 160 -172 தொகுதிகளிலும், அ.தி.மு.க, கூட்டணி 58 - 70 தொகுதிகளிலும், அமமுக 4 தொகுதிகளிலும் வெற்றி பெறும் என்று கணித்துள்ளது. 




தொடர்புடைய செய்திகள்

1. அ.தி.மு.க.-5, தி.மு.க.-3; ஈரோடு மாவட்ட தேர்தல் முடிவு யாருக்கு சாதகம்
அ.தி.மு.க. கூட்டணி 5 இடங்களிலும் தி.மு.க. கூட்டணி 3 இடங்களிலும் வெற்றி பெற்று ஈரோடு மாவட்டம் யாருக்கு சாதக நிலையில் உள்ளது என்பதை வெளிப்படுத்தி உள்ளது.
2. தேர்தல் முடிவு தொடர்பாக ஆளுநருக்கு இன்று மாலை அறிக்கை - தமிழக தலைமை தேர்தல் அதிகாரி சத்யபிரதா சாகு தகவல்
தேர்தல் முடிவு தொடர்பாக ஆளுநருக்கு இன்று மாலை அறிக்கை சமர்பிக்கப்படும் என்று தமிழக தலைமை தேர்தல் அதிகாரி சத்யபிரதா சாகு தெரிவித்துள்ளார்.
3. காங்கிரஸ் வேட்பாளர் மரணத்தால் பெரிதும் எதிர்பார்க்கப்பட்ட ஸ்ரீவில்லிபுத்தூர் தொகுதியில் அ.தி.மு.க. வெற்றி
காங்கிரஸ் வேட்பாளர் மரணத்தால் பெரிதும் எதிர்பார்க்கப்பட்ட ஸ்ரீவில்லிபுத்தூர் (தனி) தொகுதியில் அ.தி.மு.க. வேட்பாளர் மான்ராஜ் வெற்றி பெற்றார்.
4. திருச்சி மேற்கு தொகுதி வாக்கு எண்ணும் மையத்தில் மடிக்கணினியுடன் சுற்றித்திரிந்த 2 பேரால் பரபரப்பு தேர்தல் அதிகாரியிடம் கே.என்.நேரு புகார்
திருச்சி மேற்கு தொகுதி வாக்கு எண்ணும் மையத்தில் மடிக்கணினியுடன் சுற்றித்திரிந்த 2 பேரால் பரபரப்பு ஏற்பட்டது. அவர்களால் வாக்குகள் மாற்றம் செய்திருக்கலாமா? என்ற சந்தேகம் எழுந்துள்ளதாக தேர்தல் அதிகாரியிடம் தி.மு.க. வேட்பாளர் கே.என்.நேரு புகார் தெரிவித்துள்ளார்.
5. தேர்தல் முடிந்த பிறகும் வாக்காளர்களுக்கு பணப்பட்டுவாடா செய்த 2 பேர் மீது வழக்கு
தேர்தல் முடிந்த பிறகும் வாக்காளர்களுக்கு பணப்பட்டுவாடா செய்த 2 பேர் மீது வழக்கு.