போட்டி போட்டு பஸ்களை ஓட்டியதால் விபத்து: திருச்சியில் அரசு பஸ்கள் மோதல் 30 பேர் காயம்

திருச்சி,

திருச்சி மத்திய பஸ் நிலையத்தில் இருந்து சென்னை நோக்கி ஒரு அரசு விரைவு பஸ்சும், சாதாரண கட்டண பஸ்சும் புறப்பட்டது. திருச்சி- சென்னை நெடுஞ்சாலையில் பால்பண்ணை அருகே சென்ற போது முன்னே சென்ற விரைவு பஸ் பிரேக் அடித்த போது, பின்னால் சென்ற பஸ் மோதி விபத்துக்குள்ளானது.

இந்த விபத்தில் பஸ்சில் பயணித்த 30-க்கும் மேற்பட்டோர் காயம் அடைந்தனர். காயமடைந்தவர்கள் அருகில் உள்ள ஆஸ்பத்திரிக்கு அனுப்பி வைக்கப்பட்டனர். இந்த சம்பவம் குறித்து போலீசார் விசாரணை நடத்தினர்.

போட்டி போட்டு அரசு பஸ்களை ஓட்டியதால் விபத்து நடந்ததாக முதல்கட்ட விசாரணையில் தெரியவந்துள்ளது. இந்த விபத்தால் திருச்சி- சென்னை நெடுஞ்சாலையில் ஒரு மணி நேரத்துக்கும் மேலாக போக்குவரத்து பாதிக்கப்பட்டது.