எடப்பாடி பழனிசாமிக்கு வரவேற்பு அளிக்க அ.தி.மு.க. செயல் வீரர்கள் கூட்டத்தில் தீர்மானம்

அரியலூர் மாவட்ட அ.தி.மு.க. செயல்வீரர்களின் ஆலோசனை கூட்டம் மாவட்ட கழக செயலாளரும், முன்னாள் அரசு தலைமை கொறடாவுமான தாமரை ராஜேந்திரன் தலைமையில் நடைபெற்றது. கூட்டத்தில் அரியலூரில் வருகிற 20-ந் தேதி நடைபெறும் எம்.ஜி.ஆர். பிறந்த நாள் பொது கூட்டத்திற்கு வருகை தரும் அ.தி.மு.க. இடைக்கால பொதுச்செயலாளர் எடப்பாடி பழனிசாமிக்கு மாவட்ட நிர்வாகிகள் சிறப்பான வரவேற்பு அளிக்க வேண்டும். ஒவ்வொரு ஒன்றியத்திலும் 50-க்கும் மேற்பட்ட வாகனங்களில் மாலை நடைபெற உள்ள பொதுக்கூட்டத்தில் பங்கேற்க அழைத்து வரவேண்டும் என்பது உள்பட பல்வேறு தீர்மானம் நிறைவேற்றப்பட்டன. கூட்டத்தில் மாவட்ட அவைத்தலைவரும், ஜெயங்கொண்டம் முன்னாள் சட்டமன்ற உறுப்பினருமான ராம ஜெயலிங்கம் உள்ளிட்ட ஏராளமான அ.தி.மு.க. நிர்வாகிகள் கலந்து கொண்டனர்.