"முதல்-அமைச்சர் கனிவாகவும் இருப்பார், இரும்பாகவும் இருப்பார்" - அமைச்சர் சேகர் பாபு

சென்னை,

சென்னையில் இன்று இந்து சமய அறநிலையத்துறை அமைச்சர் சேகர்பாபு செய்தியாளர்களை சந்தித்துப் பேசிய போது, தமிழகத்தில் ஆர்.எஸ்.எஸ். பேரணிக்கு அனுமதி மறுக்கப்பட்டது குறித்து அவரிடம் செய்தியாளர்கள் கேள்வி எழுப்பினர். இதற்கு பதிலளிக்கையில் அவர் கூறியதாவது;-

"இது திராவிட மாடல் ஆட்சி என்பதை நாங்கள் தினந்தோறும் நிரூபித்து வருகிறோம். நேற்றைய தினம் திருச்செந்தூர் முருகன் கோவிலுக்கு ரூ.300 கோடி செலவில் திருப்பணிகளை முதல்-அமைச்சர் மு.க.ஸ்டாலின் துவக்கி வைத்தார். இது தான் திராவிட மாடல்.

இனத்தால், மதத்தால், மொழியால் கலகத்தை உருவாக்கி பிரச்சினைகளை ஏற்படுத்துவது திராவிட மாடல் அல்ல. உண்மையான திராவிட மாடல் ஆட்சியை வழங்குவதற்காக முதல்-அமைச்சர் கனிவாகவும் இருப்பார், இரும்பாகவும் இருப்பார்."

இவ்வாறு அமைச்சர் சேகர் பாபு தெரிவித்துள்ளார்.