100 திரைப்பட பாடல்களை இடைவிடாமல் பாடி சாதனை

திருச்சி:

திருச்சியில் 10 மணி நேரத்தில் 100 திரைப்பட பாடல்களை இடைவிடாமல் பாடும் சாதனை நிகழ்ச்சி நேற்று நடைபெற்றது. இந்த நிகழ்ச்சியை திருச்சி குற்றவியல் நீதிமன்ற வழக்கறிஞர்கள் சங்க செயலாளர் வெங்கட் தொடங்கி வைத்தார். காலை 7 மணிக்கு தொடங்கிய நிகழ்ச்சி மாலை 5 மணி வரை நடைபெற்றது. இதில் திருச்சி மட்டுமின்றி தமிழகத்தின் பல்வேறு பகுதிகளில் இருந்து ஏராளமானோர் கலந்து கொண்டு பாடல்களை பாடினார்கள். இந்த சாதனை நிகழ்ச்சியை இந்தியன் புக் ஆப் ரெக்கார்டு நிறுவனத்தினர் பதிவு செய்தனர்.