ரஷியாவில் மினி பஸ்சும் லாரியும் நேருக்கு நேர் மோதி விபத்து - 2 பேர் பலி: 9 பேர் பலத்த காயம்

* ஈரானின் தென்மேற்கு பகுதியில் குஸ்எஸ்தான் மாகாணத்தில் 2,400 சதுரகிலோ மீட்டர் அளவு கொண்ட புதிய எண்ணெய் வயல் கண்டுபிடிக்கப்பட்டு இருப்பதாக அந்நாட்டின் அதிபர் ஹசன் ருஹானி தெரிவித்துள்ளார். அந்த எண்ணெய் வயலில் 5,300 கோடி பீப்பாய் எண்ணெய் இருப்பதாக கூறப்பட்டு உள்ளது.

* ஆஸ்திரேலியாவின் நியூ சவுத் வேல்ஸ் மாகாணத்தில் பற்றி எரிந்து வரும் காட்டுத்தீக்கு மேலும் ஒருவர் பலியானார். இதனால் பலி எண்ணிக்கை 3 ஆக உயர்ந்துள்ளது.

* பசிபிக் பெருங்கடல் பகுதியில் அமைந்துள்ள தீவு நாடான டோங்காவில் நேற்று சக்திவாய்ந்த நிலநடுக்கம் ஏற்பட்டது. இது ரிக்டர் அளவுகோலில் 5.6 புள்ளிகளாக பதிவானது. இந்த நிலநடுக்கத்தால் ஏற்பட்ட சேத விவரங்கள் குறித்து தகவல்கள் இல்லை.

* ரஷியாவின் கிழக்கு பகுதியில் உள்ள கிராஸ்னோயார்ஸ்க் கிராய் நகரில் மினி பஸ்சும் லாரியும் நேருக்கு நேர் மோதிக்கொண்ட விபத்தில் 2 பேர் உடல் நசுங்கி உயிர் இழந்தனர். மேலும் 9 பேர் பலத்த காயம் அடைந்தனர்.

* பொலிவியாவில் அதிபருக்கு எதிராக மக்கள் நடத்தி வரும் போராட்டம் நாளுக்குநாள் தீவிரமடைந்து வருகிறது. நேற்று போராட்டக்காரர்கள் தலைநகர் லா பாசில் இருக்கும் அரசு தொலைக்காட்சி மற்றும் வானொலி நிலையத்தை சூறையாடினர்.