உலக செய்திகள்

பாகிஸ்தானில் வாசனை திரவிய தொழிற்சாலையில் பயங்கர தீவிபத்து: 11 பேர் உடல் கருகி சாவு + "||" + Terrorist fire at Pakistan's perfume factory: Eleven people died

பாகிஸ்தானில் வாசனை திரவிய தொழிற்சாலையில் பயங்கர தீவிபத்து: 11 பேர் உடல் கருகி சாவு

பாகிஸ்தானில் வாசனை திரவிய தொழிற்சாலையில் பயங்கர தீவிபத்து: 11 பேர் உடல் கருகி சாவு
பாகிஸ்தானில் வாசனை திரவியம் தயாரிக்கும் தொழிற்சாலையில் ஏற்பட்ட தீ விபத்தில் 11 பேர் உடல் கருகி உயிரிழந்தனர்.
இஸ்லாமாபாத்,

பாகிஸ்தானில் பஞ்சாப் மாகாணத்தின் தலைநகர் லாகூரில் ஷதாரா என்ற இடத்தில் குடியிருப்பு பகுதிகளையொட்டி வாசனை திரவியம் தயாரிக்கும் தொழிற்சாலை ஒன்று இயங்கி வந்தது. இங்கு ஆண்கள், பெண்கள் என ஏராளமான தொழிலாளர்கள் வேலை பார்த்து வந்தனர்.


நேற்று காலை வழக்கம் போல் தொழிற்சாலைக்கு வந்த தொழிலாளர்கள் வாசனை திரவியம் தயார் செய்யும் பணியில் ஈடுபட்டு கொண்டிருந்தனர். பெண் தொழிலாளர்கள் தங்கள் குழந்தைகளுடன் வந்து, வேலை பார்த்துக்கொண்டிருந்தனர்.

குழந்தைகளை விளையாடவிட்டு விட்டு, அவர்கள் பணிகளை செய்து கொண்டிருந்தனர். அப்போது சற்றும் எதிர்பாரத வகையில் தொழிற்சாலையில் இருந்த கியாஸ் சிலிண்டர் திடீரென வெடித்து சிதறியது. இதில் தொழிற்சாலைக்குள் தீப்பிடித்தது.

கண்இமைக்கும் நேரத்தில் மளமளவென தொழிற்சாலை முழுவதும் பரவிய தீ, கொழுந்து விட்டு எரிந்தது. வேலை பார்த்துக்கொண்டிருந்த தொழிலாளர்கள் அனைவரும் உயிரை காப்பாற்றிக்கொள்ள நாலாபுறமும் சிதறி ஓடினர்.

ஆனால் அதற்குள் தீ நாலாபுறமும் சூழந்துகொண்டதால் சிலர் உள்ளே சிக்கி கொண்டனர். இதற்கிடையில் தீ விபத்தில் தொழிற்சாலையின் மேற்கூரை இடிந்து விழுந்தது.

தீ விபத்து குறித்து குடியிருப்பு வாசிகள் அளித்த தகவலின் பேரில் 10-க்கும் மேற்பட்ட தீயணைப்பு வாகனங்களில் தீயணைப்பு வீரர்கள் சம்பவ இடத்துக்கு விரைந்து வந்தனர்.

அவர்கள் தண்ணீரை பீய்ச்சி அடித்து நீண்ட நேரம் போராடி தீயை அணைத்தனர். எனினும் பெண்கள், குழந்தைகள் உள்பட 11 பேரை பிணமாகத்தான் மீட்க முடிந்தது. அவர்களது உடல் அடையாளம் காண முடியாதபடிக்கு கரிக்கட்டைகளாகி இருந்தன.

மேலும் 4 பேர் பலத்த தீக்காயங்களுடன் மீட்கப்பட்டனர். அவர்கள் அருகில் உள்ள மருத்துவமனைகளில் சிகிச்சைக்காக சேர்க்கப்பட்டு உள்ளனர். அவர்களில் 2 பேரின் நிலைமை மிகவும் கவலைக்கிடமாக இருப்பதால் பலி எண்ணிக்கை உயரலாம் என கருதப்படுகிறது.

இதனிடையே தீ விபத்து நடந்த வாசனை திரவியம் தயாரிக்கும் தொழிற்சாலை முறையான உரிமம் பெறாமல் இயங்கி வந்ததாக அங்குள்ள குடியிருப்பு வாசிகள் குற்றம் சாட்டி உள்ளனர்.

இது பெரும் சர்ச்சையை ஏற்படுத்தி உள்ளது. இதுகுறித்து தொழிற்சாலை நிர்வாகத்திடம் போலீசார் தீவிர விசாரணை நடத்தி வருகின்றனர்.


தொடர்புடைய செய்திகள்

1. பாகிஸ்தானில் விஷ வாயு தாக்கி பலியானவர்களின் எண்ணிக்கை 14 ஆக உயர்வு
பாகிஸ்தானில் விஷ வாயு தாக்கி பலியானவர்களின் எண்ணிக்கை 14 ஆக அதிகரித்துள்ளது.
2. பாகிஸ்தான் முன்னாள் கேப்டன் அப்ரிடிக்கு 5-வது பெண் குழந்தை: பொருத்தமான பெயரை அனுப்பும்படி ரசிகர்களுக்கு வேண்டுகோள்
பாகிஸ்தான் முன்னாள் கேப்டன் அப்ரிடிக்கு 5-வது பெண் குழந்தை பிறந்துள்ளது. அந்த குழந்தைக்கு பொருத்தமான பெயரை அனுப்பும்படி ரசிகர்களிடம் வேண்டுகோள் விடுத்துள்ளார்.
3. பாகிஸ்தானில் பரபரப்பு: 3-வது திருமணம் செய்ய இருந்த கணவரை அடித்து, உதைத்த முதல் மனைவி
பாகிஸ்தானில் 3-வது திருமணம் செய்ய இருந்த கணவரை முதல் மனைவி அடித்து, உதைத்த சம்பவம் பரபரப்பை ஏற்படுத்தியுள்ளது.
4. ஜூனியர் உலக கோப்பை கிரிக்கெட் : இந்தியாவுக்கு எதிரான போட்டியில் பாகிஸ்தான் முதலில் பேட்டிங்
ஜூனியர் உலக கோப்பை கிரிக்கெட் தொடரின் அரையிறுதி ஆட்டத்தில் இந்தியா - பாகிஸ்தான் அணி பலப்பரிட்சை நடத்துகின்றன.
5. கடந்த 9 மாதங்களில் இந்திய எல்லையில் பாகிஸ்தான் 2335 முறை தாக்குதல்
போர்நிறுத்த ஒப்பந்தத்தை மீறி கடந்த 9 மாதங்களில் இந்திய எல்லையில் பாகிஸ்தான் 2335 முறை தாக்குதல் நடத்தி உள்ளது.