உலக செய்திகள்

வன்முறை எதிரொலி: பாகிஸ்தானில் சமூக வலைதளங்கள் அனைத்தும் முடக்கம் + "||" + Pakistan temporarily bans social media in wake of ongoing protests

வன்முறை எதிரொலி: பாகிஸ்தானில் சமூக வலைதளங்கள் அனைத்தும் முடக்கம்

வன்முறை எதிரொலி: பாகிஸ்தானில் சமூக வலைதளங்கள் அனைத்தும் முடக்கம்
பாகிஸ்தானில் நேற்று காலை 11 மணி முதல் மாலை 3 மணி வரை சமூக வலைதளங்கள் முடக்கப்பட்டன.
இஸ்லாமாபாத்,

பிரான்ஸ் நாட்டில் வெளிவரும் சார்லி ஹேப்டோ பத்திரிக்கையில் குறிப்பிட்ட மதத்தின் கடவுளை அவமதிக்கும் வகையில் கேலிசித்திரம் வெளியிடப்பட்டதாக கடந்த சில மாதங்களுக்கு முன்னர் சர்ச்சை ஏற்பட்டது.

இந்த விவகாரத்தில் சார்லி ஹேப்டோ பத்திரிக்கைக்கு ஆதராகவும், கருத்து சுதந்திரத்திற்கு ஆதரவான நிலைப்பாட்டை எடுப்பதாக பிரான்ஸ் அதிபர் இம்மானுவேல் மேக்ரான் அறிவித்தார். இதற்கு எதிர்ப்பு தெரிவித்து பாகிஸ்தான், வங்காளதேசம் உள்ளிட்ட நாடுகளில் போராட்டங்கள் வெடித்தது. அதன் பின்னர் அந்த விவகாரம் சற்று தணிந்திருந்தது.

இதற்கிடையில், பாகிஸ்தான் நாட்டில் தெஹ்ரிக் - இ - லப்பைக் பாகிஸ்தான் என்ற தீவிர வலதுசாரி அமைப்பு செயல்பட்டு வருகிறது. இந்த அமைப்பின் தலைவராக சாத் ரிஸ்வி என்பவர் செயல்பட்டு வருகிறார். 

இந்த அமைப்பு சார்பில் பாகிஸ்தான் நாட்டில் பிரான்ஸ் அரசுக்கு எதிராக போராட்டங்கள் தொடங்கியது. போராட்டம் பாகிஸ்தானின் பல்வேறு பகுதிகளில் வன்முறையாக மாறியது. இந்த வன்முறையில் பல்வேறு பகுதிகளில் கடைகள், அலுவலகங்கள் அடித்து நொறுக்கப்பட்டன. 

வன்முறையை ஒடுக்க போலீசார் தீவிர நடவடிக்கை மேற்கொண்டு வருகின்றனர். ஆனால், வன்முறைக்காரர்களுக்கும் போலீசாருக்கும் பல இடங்களில் மோதல் ஏற்பட்டது. இந்த மோதலில் இதுவரை 4 போலீசார் உயிரிழந்துள்ளனர். 600-க்கும் மேற்பட்டோர் படுகாயமடைந்துள்ளனர்.

இந்நிலையில், வன்முறை சம்பவங்கள் நாட்டின் பிற பகுதிகளுக்கும் வேகமாக பரவி வருவதை தடுக்கும் வகையில் பாகிஸ்தானில் நேற்று 5 மணி நேரம் சமூக வலைதளங்கள் அரசால் முடக்கப்பட்டன. 

நேற்று காலை 11 மணி முதல் மாலை 3 மணி வரை பாகிஸ்தானில் வாட்ஸ் அப், பேஸ்புக், டுவிட்டர், டிக்டாக், இன்ஸ்டாகிராம், யூடியூப் ஆகிய அனைத்து சமூக வலைதளங்களும் முடக்கப்பட்டன. இந்த தடை மாலை 5 மணிக்கு மேல் நீக்கப்பட்டது.

தொடர்புடைய செய்திகள்

1. கொரோனா பாதிப்பு: இந்தியாவை தொடர்ந்து பாகிஸ்தான், இலங்கை உள்பட 4 நாடுகளில் இருந்து அமீரகத்துக்கு பயணிகள் வர தடை
இந்தியாவை தொடர்ந்து பாகிஸ்தான், இலங்கை உள்பட 4 நாடுகளில் இருந்து அமீரகத்துக்கு பயணிகள் வர தடை விதிக்கப்பட்டுள்ளது.
2. பாகிஸ்தானில் பேருந்து விபத்து: 13 பேர் பலி; 25 பேர் காயம்
பாகிஸ்தானில் பயணிகள் பேருந்து கவிழ்ந்து விபத்துக்குள்ளானதில் 13 பேர் உயிரிழந்தனர்.
3. பாகிஸ்தானில் கொரோனா பாதிப்பு 8 லட்சத்தை கடந்தது
இந்தியாவில் கொரோனா வைரஸ் 2-வது அலை கோரத்தாண்டவம் ஆடி வரும் நிலையில், அண்டை நாடான பாகிஸ்தானில் கொரோனா வைரசின் 3-வது அலை பெரும் பாதிப்பை ஏற்படுத்தி வருகிறது.
4. பாகிஸ்தான் அறிமுக வீரர் வீசிய பவுன்ஸரில் ஜிம்பாப்வே பேட்ஸ்மேனின் ஹெல்மெட் இரண்டாக உடைந்தது
பாகிஸ்தான் அறிமுக வீரர் வீசிய அதிவேக பவுன்ஸரில் ஜிம்பாப்வே பேட்ஸ்மேனின் ஹெல்மெட் இரண்டாக உடைந்தது.
5. 20 ஓவர் கிரிக்கெட்: ஜிம்பாப்வே அணியிடம் பாகிஸ்தான் அதிர்ச்சி தோல்வி
பாகிஸ்தான்-ஜிம்பாப்வே அணிகள் இடையிலான 3 ஆட்டங்கள் கொண்ட 20 ஓவர் தொடரில் 2-வது 20 ஓவர் கிரிக்கெட் போட்டி ஹராரேயில் நேற்று நடந்தது.