உலக செய்திகள்

கொழும்பு துறைமுக விரிவு ஒப்பந்தம் : சீன நிறுவனத்துக்கு வழங்கியது இலங்கை அரசு + "||" + Chinese firm gets contract to develop Colombo Port controversial eastern container terminal

கொழும்பு துறைமுக விரிவு ஒப்பந்தம் : சீன நிறுவனத்துக்கு வழங்கியது இலங்கை அரசு

கொழும்பு துறைமுக விரிவு  ஒப்பந்தம் : சீன நிறுவனத்துக்கு வழங்கியது இலங்கை அரசு
இலங்கையின் பல்வேறு உள்கட்டமைப்பு திட்டங்களை மேம்படுத்துவதில் சீனா தன்னுடைய ஆதிக்கத்தை செலுத்தி வருகிறது
கொழும்பு , 

கொழும்பு துறைமுகத்தின் கிழக்கு கொள்கலன் முனையத்தை விரிவு செய்வதற்கான ஒப்பந்தத்தை சீன நிறுவனம் பெற்றுள்ளது.ஆழ்கடல் கொள்கலன் துறைமுகத்தை நிர்மாணிப்பதற்காக இந்தியா மற்றும் ஜப்பானுடனான முத்தரப்பு ஒப்பந்தத்தை ரத்து செய்து சில மாதங்களே ஆன நிலையில் இலங்கை அரசு இந்த ஒப்பந்தத்தை சீன நிறுவனத்துக்கு வழங்கியுள்ளது.

தற்போதைய நிலையில் இலங்கையின் பல்வேறு உள்கட்டமைப்பு திட்டங்களை மேம்படுத்துவதில் சீனா தன்னுடைய ஆதிக்கத்தை செலுத்தி வருகிறது .உள்நாட்டிலும் சர்வதேச அளவிலும் இதற்கு கடும் விமர்சனங்கள் எழுந்துள்ளன. மேலும் சீனா இலங்கையை கடன் பிரச்சினைக்குள் இழுத்துவிடுவதாக குற்றச்சாட்டுகளும் முன்வைக்கப்படுகின்றன.

இலங்கை அரசு 2017 ஆம் ஆண்டு  ஹம்பாந்தோட்டை துறைமுகத்தை 1.2 பில்லியன் அமெரிக்க டாலருக்கு  கடனாக  சீன நிறுவனத்திடம் 99 வருட குத்தகைக்கு ஒப்படைத்தது.

இதை தொடர்ந்து தற்போது  கொழும்பு துறைமுகத்தின் கிழக்கு கொள்கலன் முனையத்தை கட்டம் கட்டமாக விரிவு  செய்வதற்கான ஒப்பந்தத்தை சைனா ஹார்பர் இன்ஜினியரிங் நிறுவனம் பெற்றுள்ளதாக அமைச்சரவைக் குறிப்பில் தெரிவிக்கப்பட்டுள்ளது.

இந்த ஒப்பந்தத்தின் மதிப்பு எவ்வளவு என்பதை குறிப்பிடாமல், சீன நிறுவனத்தை ஏல முறையில் தேர்வு செய்து, கப்பல் துறை அமைச்சர் முன்வைத்த முன்மொழிவுக்கு அமைச்சரவை ஒப்புதல் அளித்துள்ளது.

ஜனாதிபதி கோத்தபய  ராஜபக்சவின் நிர்வாகம் இந்த திட்டத்தை உறுதி செய்வதற்கு  முன்னர் இந்தியா மற்றும் ஜப்பானுடன் செய்துகொண்ட முத்தரப்பு ஒப்பந்தத்தை நிராகரித்து இருப்பதால் இலங்கை அரசியலில் இது அடுத்த சர்ச்சையாகியுள்ளது.


தொடர்புடைய செய்திகள்

1. இலங்கை அணியின் பந்துவீச்சு பயிற்சியாளராக மலிங்கா நியமனம்
இலங்கை அணியின் பந்துவீச்சு பயிற்சியாளராக மலிங்கா நியமிக்கப்பட்டுள்ளார்.
2. இலங்கை சுழற்பந்து வீச்சாளர் தில்ருவான் பெரேரா சர்வதேச கிரிக்கெட்டிலிருந்து ஓய்வு..!
இலங்கை சுழற்பந்து வீச்சாளர் தில்ருவான் பெரேரா சர்வதேச கிரிக்கெட்டிலிருந்து ஓய்வு பெற்றுள்ளார்.
3. இலங்கைக்கு எதிரான 20 ஓவர் கிரிக்கெட்: வார்னருக்கு ஓய்வு
பிக்பாஷ் கிரிக்கெட்டில் அசத்திய மெக்டெர்மோட்டுக்கு வாய்ப்பு அளிக்கப்பட்டுள்ளது.
4. ஜிம்பாப்வேக்கு எதிரான 3-வது ஒருநாள் போட்டி: இலங்கை அணி அபார வெற்றி
இலங்கை அணி 184 ரன்கள் வித்தியாசத்தில் வெற்றி பெற்றதுடன், தொடரையும் 2-1 என்ற கணக்கில் கைப்பற்றியது.
5. இலங்கைக்கு ரூ.18,000 கோடி கடன்: இந்தியா நிபந்தனை விதிக்க வேண்டும்! : டாக்டர் ராமதாஸ் பட்டியல்
இலங்கைக்கு ரூ.18,090 கோடி கடன் வழங்கும் இந்திய அரசு விதிக்க வேண்டிய நிபந்தனைகள் குறித்து பாட்டாளி மக்கள் கட்சி நிறுவனர் டாக்டர் ராமதாஸ் பட்டியலிட்டு உள்ளார்.