சபாஹர் துறைமுக திட்டம் இந்தியா உட்பட பிராந்தியத்தில் உள்ள மற்ற நாடுகளுக்கும் முக்கியத்துவம் வாய்ந்தது - ஈரான் மந்திரி


சபாஹர் துறைமுக திட்டம் இந்தியா உட்பட பிராந்தியத்தில் உள்ள மற்ற நாடுகளுக்கும் முக்கியத்துவம் வாய்ந்தது - ஈரான் மந்திரி
x
தினத்தந்தி 24 Nov 2022 9:39 AM GMT (Updated: 2022-11-24T15:10:43+05:30)

உலகின் எரிசக்தி பாதுகாப்பை சீர்குலைப்பதில் அமெரிக்கா மற்றும் மேற்கத்திய நாடுகள் முக்கிய பங்கு வகித்துள்ளனர் என்று ஈரான் மந்திரி அலி பகேரி கனி கூறினார்.

புதுடெல்லி,

ஈரான் நாட்டின் வெளியுறவுத்துறை துணையமைச்சர் அலி பகேரி கனி, நேற்று தலைநகர் டெல்லியில் மத்திய வெளியுறவுத்துறை அமைச்சர் ஜெய்சங்கரை சந்தித்து பேசினார்.

இந்த சந்திப்பின்போது, ​​இரு நாடுகளுக்கு இடையேயான உறவுகள் குறித்து அவர் விவாதித்தார். ஈரான், ரஷ்யா மற்றும் வெனிசுலா மீது அமெரிக்கா மற்றும் மேற்கத்திய நாடுகள் பொருளாதாரத் தடைகளை விதித்துள்ளதாக ஈரான் துணை வெளியுறவு அமைச்சர் கடுமையான குற்றச்சாட்டை முன்வைத்தார்.

ஈரான் நாட்டின் வெளியுறவுத்துறை துணையமைச்சர் அலி பகேரி கனி கூறியதாவது, இந்தியாவும் ஈரானும் வெற்றிகரமான கூட்டாளிகள். ஈரான் பரந்த ஆற்றல் வளங்களைக் கொண்டுள்ளது மற்றும் இந்தியாவிற்கு எரிசக்தி விநியோகங்களை வழங்குகிறது. அதே நேரத்தில், இந்தியா முக்கிய உணவுப் பொருட்களை வழங்குவதோடு ஈரானுக்கு எல்லா வகையிலும் உதவுகிறது. சபாஹர் துறைமுகத்தில் இந்தியாவுடனான ஒத்துழைப்பை மேம்படுத்துவது முக்கியமாக விவாதிக்கப்படும். இந்ததிட்டம் ஈரான் மற்றும் இந்தியாவிற்கு மட்டுமல்ல, நமது பிராந்தியத்தில் உள்ள மற்ற நாடுகளுக்கும் முக்கியமானது மற்றும் வடக்கு-தெற்கு போக்குவரத்து வழித்தடத்தை முடிக்க முக்கியமானது.

உலகின் எரிசக்தி பாதுகாப்பை சீர்குலைப்பதில் அமெரிக்கா மற்றும் மேற்கத்திய நாடுகள் முக்கிய பங்குவகித்துள்ளனர் என்று கூறினார்.


Next Story