கிரிக்கெட்

ஆஸ்திரேலியாவுக்கு எதிரான ஒருநாள் கிரிக்கெட்: இங்கிலாந்து அணி அறிவிப்பு + "||" + ODI cricket against Australia: England squad announcement

ஆஸ்திரேலியாவுக்கு எதிரான ஒருநாள் கிரிக்கெட்: இங்கிலாந்து அணி அறிவிப்பு

ஆஸ்திரேலியாவுக்கு எதிரான ஒருநாள் கிரிக்கெட்: இங்கிலாந்து அணி அறிவிப்பு
ஆஸ்திரேலியாவுக்கு எதிரான ஒருநாள் கிரிக்கெட் போட்டியில் இங்கிலாந்து அணி அறிவிக்கப்பட்டுள்ளது.
லண்டன்,

இங்கிலாந்து கிரிக்கெட் அணி, ஸ்காட்லாந்து சென்று அந்த நாட்டு அணியுடன் ஒரே ஒரு ஒருநாள் கிரிக்கெட் போட்டியில் விளையாடுகிறது. இந்த போட்டி எடின்பர்க்கில் ஜூன் 10-ந் தேதி நடக்கிறது. இதனை அடுத்து ஆஸ்திரேலிய கிரிக்கெட் அணி, இங்கிலாந்தில் சுற்றுப்பயணம் செய்து 5 ஆட்டங்கள் கொண்ட ஒருநாள் போட்டி தொடரில் ஆடுகிறது. இந்த ஆட்டம் ஜூன் 13-ந் தேதி முதல் 25-ந் தேதி வரை நடைபெறுகிறது.

இந்த இரண்டு போட்டி தொடருக்கான இங்கிலாந்து கிரிக்கெட் அணி நேற்று அறிவிக்கப்பட்டது. இரண்டு தொடருக்கும் இயான் மோர்கன் கேப்டனாக இருப்பார் என்று தெரிவிக்கப்பட்டுள்ளது. உள்ளூர் போட்டியில் வலது கைவிரலில் காயம் அடைந்ததால், வெஸ்ட்இண்டீசுக்கு எதிரான 20 ஓவர் நலநிதி போட்டிக்கான உலக லெவன் அணியில் இருந்து விலகிய இயான் மோர்கன் இந்த போட்டி தொடருக்கு முன்பாக உடல் தகுதியை பெற்று விடுவார் என்பதால் அணியில் சேர்க்கப்பட்டுள்ளார்.

ஸ்காட்லாந்துக்கு எதிரான போட்டிக்கான இங்கிலாந்து அணியில் விக்கெட் கீப்பர் மற்றும் பேட்ஸ்மேனுமான ஜோஸ்பட்லருக்கு ஓய்வு அளிக்கப்பட்டுள்ளது. அவருக்கு பதிலாக சாம் பில்லிங்ஸ் சேர்க்கப்பட்டுள்ளார். ஆஸ்திரேலிய அணிக்கு எதிரான ஒருநாள் தொடருக்கு ஜோஸ்பட்லர், வேகப்பந்து வீச்சாளர் டாம் குர்ரன் ஆகியோர் அணிக்கு திரும்புகிறார்கள். அணியில் இருந்து சாம் பில்லிங்ஸ் நீக்கப்பட்டுள்ளார்.

ஆஸ்திரேலியாவுக்கு எதிரான ஒருநாள் போட்டி தொடருக்கான இங்கிலாந்து அணி வருமாறு:-

இயான் மோர்கன் (கேப்டன்), மொயீன் அலி, பேர்ஸ்டோ, ஜோஸ் பட்லர், டாம் குர்ரன், அலெக்ஸ் ஹாலெஸ், பிளங்கெட், அடில் ரஷித், ஜோரூட், ஜாசன் ராய், பென் ஸ்டோக்ஸ், டேவிட் வில்லி, கிறிஸ் வோக்ஸ், மார்க்வுட்.


தொடர்புடைய செய்திகள்

1. ஆஸ்திரேலிய மண்ணில் முதலாவது டெஸ்ட் போட்டியில் வென்று இந்திய அணி வரலாறு படைத்தது
ஆஸ்திரேலிய மண்ணில் அந்த அணிக்கு எதிரான முதலாவது டெஸ்ட் கிரிக்கெட் போட்டியில் இந்திய அணி 31 ரன்கள் வித்தியாசத்தில் வெற்றி பெற்று வரலாறு படைத்தது.
2. ஆஸ்திரேலியாவில் இந்திய அணியின் 6-வது வெற்றி
ஆஸ்திரேலியாவில் 45-வது டெஸ்டில் ஆடிய இந்திய அணிக்கு இது 6-வது வெற்றியாகும்.
3. அடிலெய்டு டெஸ்ட்: முதல் இன்னிங்சில் 235 ரன்களுக்கு ஆஸ்திரேலியா ஆல் அவுட்
அடிலெய்டு டெஸ்ட் போட்டியில் முதல் இன்னிங்சில் 235 ரன்களுக்கு ஆஸ்திரேலிய அணி ஆல் அவுட் ஆனது.
4. அடிலெய்டு டெஸ்ட் : 2 ஆம் நாள் ஆட்ட நேர முடிவில் ஆஸ்திரேலியா 7 விக்கெட் இழப்புக்கு 197 ரன்கள் சேர்ப்பு
இந்தியாவுக்கு எதிரான முதல் டெஸ்ட் போட்டியின் 2 ஆம் நாள் ஆட்ட நேர முடிவில் ஆஸ்திரேலியா 7 விக்கெட் இழப்புக்கு 197 ரன்கள் சேர்த்துள்ளது.
5. ஆஸ்திரேலியாவுக்கு எதிரான முதலாவது டெஸ்ட் : இந்திய அணி பேட்டிங்
ஆஸ்திரேலியாவுக்கு எதிரான முதலாவது டெஸ்ட் போட்டியில், இந்திய அணி பேட்டிங்கைத் தேர்வு செய்தது. INDVSAUS