கிரிக்கெட்

வெஸ்ட் இண்டீசை புரட்டியெடுத்தது: வங்காளதேச அணி இன்னிங்ஸ் வெற்றி + "||" + The West Indies have broken up: Bangladesh team innings win

வெஸ்ட் இண்டீசை புரட்டியெடுத்தது: வங்காளதேச அணி இன்னிங்ஸ் வெற்றி

வெஸ்ட் இண்டீசை புரட்டியெடுத்தது: வங்காளதேச அணி இன்னிங்ஸ் வெற்றி
டாக்காவில் நடந்த 2-வது டெஸ்ட் கிரிக்கெட்டில் வெஸ்ட் இண்டீசை புரட்டியெடுத்த வங்காளதேச அணி இன்னிங்ஸ் வெற்றி பெற்று சாதனை படைத்தது.
டாக்கா,

வெஸ்ட் இண்டீஸ் - வங்காளதேசம் அணிகள் இடையிலான 2-வது மற்றும் கடைசி டெஸ்ட் கிரிக்கெட் போட்டி டாக்காவில் கடந்த 30-ந்தேதி தொடங்கியது. இதில் முதலில் பேட்டிங் செய்த வங்காளதேச அணி முதல் இன்னிங்சில் 508 ரன்கள் குவித்தது. பின்னர் தனது முதல் இன்னிங்சை ஆடிய வெஸ்ட் இண்டீஸ் அணி 2-வது நாள் முடிவில் 5 விக்கெட் இழப்புக்கு 75 ரன்கள் எடுத்திருந்தது.


இந்த நிலையில் 3-வது நாளான நேற்றும் வங்காளதேசத்தின் சுழல் ஜாலத்துக்கு ஈடுகொடுக்க முடியாமல் வெஸ்ட் இண்டீஸ் பேட்ஸ்மேன்கள் விழிபிதுங்கினர். 36.4 ஓவர்கள் மட்டுமே தாக்குப்பிடித்த அந்த அணி 111 ரன்களில் சுருண்டு ‘பாலோ-ஆன்’ ஆனது. வங்காளதேசத்திற்கு எதிராக வெஸ்ட் இண்டீஸ் அணியின் குறைந்த ஸ்கோர் இதுவாகும். வங்காளதேச சுழற்பந்து வீச்சாளர்கள் மெஹதி ஹசன் மிராஸ் 7 விக்கெட்டுகளும், ஷகிப் அல்-ஹசன் 3 விக்கெட்டுகளும் வீழ்த்தினர்.

பின்னர் முதல்முறையாக வங்காளதேச அணி, எதிரணிக்கு ‘பாலோ-ஆன்’ வழங்கியது. இதையடுத்து 397 ரன்கள் பின்தங்கிய நிலையில் 2-வது இன்னிங்சை ஆடிய வெஸ்ட் இண்டீஸ் அணி மறுபடியும் விக்கெட்டுகளை மளமளவென தாரைவார்த்தது. ஊசலாட்டத்துக்கு மத்தியில் ஹெட்மயர் (93 ரன், 92 பந்து, ஒரு பவுண்டரி, 9 சிக்சர்) சிக்சர் மழை பொழிந்தது மட்டுமே வெஸ்ட் இண்டீசுக்கு கிடைத்த ஒரே ஆறுதல் ஆகும்.

2-வது இன்னிங்சில் வெஸ்ட் இண்டீஸ் அணி 59.2 ஓவர்களில் 213 ரன்களில் ஆல்-அவுட் ஆனது. இதன் மூலம் இன்னிங்ஸ் மற்றும் 184 ரன்கள் வித்தியாசத்தில் வங்காளதேச அணி இமாலய வெற்றி பெற்றது. டெஸ்ட் கிரிக்கெட் வரலாற்றில் வங்காளதேச அணி இன்னிங்ஸ் வெற்றியை ருசிப்பது இதுவே முதல் முறையாகும். 2-வது இன்னிங்சில் மெஹதி ஹசன் 5 விக்கெட்டுகளும், தைஜூல் இஸ்லாம் 3 விக்கெட்டுகளும் சாய்த்தனர்.இந்த வெற்றியின் மூலம் 2 போட்டிகள் கொண்ட டெஸ்ட் தொடரை வங்காளதேச அணி 2-0 என்ற கணக்கில் வசப்படுத்தியது.

இந்த போட்டியில் நிகழ்த்தப்பட்ட சில சாதனை விவரம் வருமாறு:-

*இரண்டு டெஸ்டிலும் வெஸ்ட் இண்டீசின் 40 விக்கெட்டுகளையும் வங்காளதேசத்தின் சுழற்பந்து வீச்சாளர்களே கைப்பற்றினர். 2 போட்டிகள் கொண்ட டெஸ்ட் தொடரில் எதிரணியின் 40 விக்கெட்டுகளையும் முழுமையாக சுழற்பந்து வீச்சாளர்கள் கபளகரம் செய்தது இதுவே முதல் முறையாகும்.

*மெஹதி ஹசன் இந்த டெஸ்டில் மொத்தம் 117 ரன்கள் விட்டுக்கொடுத்து 12 விக்கெட்டுகளை அள்ளினார். வங்காளதேச பவுலரின் சிறந்த பந்து வீச்சு இதுவாகும்.

*வெஸ்ட் இண்டீஸ் வீரர் ஹெட்மயர் 2-வது இன்னிங்சில் 9 சிக்சர்கள் நொறுக்கினார். இதன் மூலம் ஒரு இன்னிங்சில் அதிக சிக்சர்கள் அடித்த வெஸ்ட் இண்டீஸ் வீரரான கிறிஸ் கெய்லின் சாதனையை (2010-ம் ஆண்டு இலங்கைக்கு எதிராக 333 ரன்கள் குவித்த போது 9 சிக்சர் அடித்திருந்தார்) சமன் செய்தார்.

அடுத்து இவ்விரு அணிகள் இடையே 3 போட்டிகள் கொண்ட ஒரு நாள் கிரிக்கெட் தொடரில் முதலாவது ஆட்டம் வருகிற 9-ந்தேதி டாக்காவில் நடக்கிறது.


தொடர்புடைய செய்திகள்

1. வெஸ்ட் இண்டீசுக்கு எதிராக அரைசதம் அடித்த டோனிக்கு தெண்டுல்கர் பாராட்டு
வெஸ்ட் இண்டீசுக்கு எதிராக அரைசதம் அடித்த டோனிக்கு தெண்டுல்கர் பாராட்டு தெரிவித்துள்ளார்.
2. இந்திய அணியிடம் தோற்றதால் தற்கொலை செய்ய நினைத்தேன் - பாகிஸ்தான் பயிற்சியாளர் ஆர்தர் தகவல்
இந்திய அணியிடம் தோற்றதால் தற்கொலை செய்ய நினைத்ததாக, பாகிஸ்தான் பயிற்சியாளர் ஆர்தர் தெரிவித்தார்.
3. பொறுப்புணர்வுடன் செயல்படாதது தோல்விக்கு காரணம் - தென்ஆப்பிரிக்க கேப்டன் டுபிளிஸ்சிஸ் வேதனை
நாங்கள் பொறுப்புணர்வுடன் செயல்படாதது தோல்விக்கு காரணம் என்று தென்ஆப்பிரிக்க அணியின் கேப்டன் பாப் டுபிளிஸ்சிஸ் வேதனை தெரிவித்தார்.
4. தேர்வில் தோல்வி அடைந்ததால் கல்லூரி மாணவி தற்கொலை ராஜாக்கமங்கலத்தில் பரிதாபம்
தேர்வில் தோல்வி அடைந்ததால் கல்லூரி மாணவி தூக்குப்போட்டு தற்கொலை செய்து கொண்டார்.
5. நாடாளுமன்ற தேர்தலில் தோல்வி: சமாஜ்வாடி-பகுஜன் சமாஜ் கூட்டணி நிலைக்குமா?
நாடாளுமன்ற தேர்தலில் தோல்வி அடைந்திருக்கும் நிலையில் உத்தரபிரதேசத்தில் சமாஜ்வாடி-பகுஜன் சமாஜ் கூட்டணி நிலைக்குமா? என்ற கேள்விக்குறி எழுந்துள்ளது.