கிரிக்கெட்

பாகிஸ்தானுக்கு எதிரான ஒரு நாள் கிரிக்கெட்: கடைசி ஆட்டத்திலும் இங்கிலாந்து வெற்றி + "||" + One Day Against Pakistan: England Won in the Last Match

பாகிஸ்தானுக்கு எதிரான ஒரு நாள் கிரிக்கெட்: கடைசி ஆட்டத்திலும் இங்கிலாந்து வெற்றி

பாகிஸ்தானுக்கு எதிரான ஒரு நாள் கிரிக்கெட்: கடைசி ஆட்டத்திலும் இங்கிலாந்து வெற்றி
பாகிஸ்தானுக்கு எதிரான ஒரு நாள் கிரிக்கெட் போட்டியில், கடைசி ஆட்டத்திலும் இங்கிலாந்து அணி வெற்றிபெற்றது.
ஹெட்டிங்லே,

இங்கிலாந்து - பாகிஸ்தான் அணிகள் இடையிலான 5-வது மற்றும் கடைசி ஒரு நாள் கிரிக்கெட் போட்டி ஹெட்டிங்லேயில் நேற்று நடந்தது. இதில் ‘டாஸ்’ ஜெயித்து முதலில் பேட் செய்த இங்கிலாந்து அணி நிர்ணயிக்கப்பட்ட 50 ஓவர்களில் 9 விக்கெட் இழப்புக்கு 351 ரன்கள் குவித்தது. ஜோ ரூட் (84 ரன், 9 பவுண்டரி), கேப்டன் மோர்கன் (76 ரன், 4 பவுண்டரி, 5 சிக்சர்) அரைசதம் விளாசினர். ஒரு கட்டத்தில் இங்கிலாந்து அணி 400 ரன்களை தாண்டுவது போல் பயணித்தது. மிடில் வரிசையில் விக்கெட் சரிவால் ரன்வேகம் கொஞ்சம் தளர்ந்து போனது. பாகிஸ்தான் தரப்பில் ஷகீன் ஷா அப்ரிடி 4 விக்கெட்டுகளும், இமாத் வாசிம் 3 விக்கெட்டும் கைப்பற்றினர்.


அடுத்து களம் புகுந்த பாகிஸ்தான் அணி 6 ரன்னுக்குள் பஹார் ஜமான் (0), அபித் அலி (5 ரன்), முகமது ஹபீஸ் (0) ஆகியோரின் விக்கெட்டுகளை பறிகொடுத்தது. இந்த 3 விக்கெட்டுகளையும் வேகப்பந்து வீச்சாளர் கிறிஸ் வோக்ஸ் கபளகரம் செய்தார். அதன் பிறகு பாபர் அசாம் (80 ரன்), கேப்டன் சர்ப்ராஸ் அகமது (97 ரன்) இணைந்து அணியை சரிவில் இருந்து மீட்டனர். துரதிர்ஷ்டவசமாக இருவரும் ரன்-அவுட் ஆக, மீண்டும் அந்த அணி தடம் புரண்டது. முடிவில் பாகிஸ்தான் அணி 46.5 ஓவர்களில் 297 ரன்களுக்கு ஆல்-அவுட் ஆனது. இங்கிலாந்து தரப்பில் கிறிஸ் வோக்ஸ் 5 விக்கெட்டுகளை அள்ளினார்.

54 ரன்கள் வித்தியாசத்தில் வெற்றி பெற்ற இங்கிலாந்து அணி 5 போட்டிகள் கொண்ட இந்த ஒரு நாள் தொடரை 4-0 என்ற கணக்கில் கைப்பற்றியது. முதலாவது ஆட்டம் மழையால் பாதியில் ரத்தானது குறிப்பிடத்தக்கது.


தொடர்புடைய செய்திகள்

1. ‘மோசமாக ஆடினால் தாயகம் திரும்ப முடியாது’ பாகிஸ்தான் வீரர்களுக்கு கேப்டன் சர்ப்ராஸ் அகமது எச்சரிக்கை
உலக கோப்பை கிரிக்கெட்டில் இந்தியாவிடம் ‘சரண்’ அடைந்ததால் பாகிஸ்தான் அணி கடும் நெருக்கடிக்குள்ளாகி இருக்கிறது.
2. பாகிஸ்தானில் பயங்கரம்: மருத்துவமனையில் துப்பாக்கி சண்டை - 5 பேர் பலி
பாகிஸ்தானில் மருத்துவமனை ஒன்றில் நடந்த துப்பாக்கி சண்டையில் 5 பேர் பலியாகினர்.
3. ரசிகர்களின் கோபத்தை எதிர்கொள்ள தயாராகுங்கள்: சக வீரர்களுக்கு பாக்.கேப்டன் எச்சரிக்கை
நாடு திரும்பும் போது ரசிகர்களின் கோபத்தை எதிர்கொள்ள தயாராகுங்கள் என்று சக வீரர்களுக்கு பாகிஸ்தான் கேப்டன் எச்சரிக்கை விடுத்துள்ளார்.
4. பாகிஸ்தானுக்கு எதிரான ஆட்டத்தில் ‘நெருக்கடிக்கு ஆளாகாமல் ஆடியது வெற்றிக்கு வழிவகுத்தது’ - இந்திய அணி கேப்டன் விராட்கோலி
பாகிஸ்தானுக்கு எதிரான லீக் ஆட்டத்தில் நெருக்கடிக்கு ஆளாகாமல் ஆடியது வெற்றிக்கு வழிவகுத்தது என்று இந்திய அணி கேப்டன் விராட்கோலி தெரிவித்தார்.
5. பாகிஸ்தான் ராணுவத்தை தொடர்ந்து விமர்சித்துவந்த செய்தியாளர் வெட்டிக்கொலை
பாகிஸ்தானில் அந்நாட்டு ராணுவத்தை தொடர்ந்து விமர்சித்துவந்த செய்தியாளர் வெட்டிக் கொலை செய்யப்பட்டுள்ளார்.

ஆசிரியரின் தேர்வுகள்...